這個殺手不太冷 (4K導演版)

當年電影上畫已十分喜歡，之後嘅 LD、DVD、Blu Ray、4K UHD 全部都有購入。電影最吸引係男女主角嘅角色設計/塑造同關係嘅建立/描寫，男女主角年齡/身份/背景嘅對比令劇情可塑性極高，而事實導演同編劇成功寫出一個好故事劇本，觀眾都睇得津津有味。呢套戲係少數真正打動到小弟，成為心目中長青嘅不朽經典。電影另一吸引之處當然係演員。尚連奴選角正確，外型善良戇直，乎合中文片名"這個殺手不太冷"，而尚連奴亦成功演譯專業冷血，但內裡卻非常簡單嘅殺手。女主角妮坦莉亦令人眼前一亮，樣貌標緻，當年年紀少少就已經演技出色，同尚連奴非常合拍，能產生化學作用。而兩個角色嘅服裝同形象設計亦十分出色，成功令兩位出色演員/角色成為一代經典，唔少電影都出現向呢兩個角色致敬場面。本作奸角警官演出亦同樣出色，癲癲喪喪，令人印象深刻。整體電影編、導、演、服裝、剪接、動作...等等各方面都配合得天衣無縫，我冇嘢要挑剔，已經成為小弟人生其中一部經典，推薦所有未睇過呢套電影嘅觀眾入場。PS.• 呢套戲主要係睇男女主角嘅角色成長、互動、心理變化，同關係/感情變化。我睇到去到後期我係感覺到殺手同女童關係帶有一點點單純忘年愛意喺裡面，所以我睇得有啲感動。唔知大家有冇同惑？• 此作品男女主角同導演之後都成為知名演員同導演。• 呢套戲本人已翻睇過 N 次。😅

‘Is life always this hard, or is it just when you're a kid?’‘Always like this.’殺手有愛註定悲劇，30年前嘅經典已經拍左出黎。劇情放係而家黎睇無反轉橋段、無精彩動作槍戰，有嘅只有神一般嘅人設。Léon唔洗講，飲牛奶、睇老電影、做sit-up 、得盆花做朋友，已經完成哂個人設；小女孩精靈、聰明、美人胚子，其餘之後再講；史上最偉大的反派人物之一嘅加利奧文出場唔多，正正因為出場唔多都演出到咁有魅力，無話可說，神級。可惜我實在無法列呢套戲為我最愛電影之一，明白女孩子角色經歷慘劇後情感會投射至「不太冷，甚至其實內心好熱」嘅殺手上。但我睇到毛都未出齊嘅12歲𡃁妹演出如此濃烈嘅性暗示實在令我本能上不喜，睇黎我戀童癖測試pass左。但我再重申一次，三個主要角色嘅人設真係好勁，劇情放係30年後嘅今日係有啲失色但都唔算差。由其係小女孩只有12歲慘遭滅門，強裝鎮定走廊禁Léon門鐘個場戲絕對係超經典，我都非常喜歡。可惜電影某部分實在唔對我口味，畢竟「一千個觀眾眼中有一千個哈姆雷特」，都慶幸可以係大螢幕睇到經典之作嘅！而且特典場禮物好靚，算有誠意。

這個殺手不太冷 4K導演版 31周年戲院重影好電影重看多少次，仍然能感動人心衝擊視覺神經留下串串哀愁思緒。想不到有年青男女入場看，臨尾也聽到哭聲呢句兩個月前出影評，已重溫了HMV網上版；然後自己走去買4K藍光再看一次。誰想到兩個月後再重看，仍然好看呢！而且字幕也更新了。舉例， Stanfield 說: at your service，終於亦做「為你效勞」。。HMV網上版字幕不是這樣譯的。新領會：Uncle Tony說change not a good Thing。正正預視Leon若要改變，到時凶多吉少。當然他只想Leon繼續是文盲，就不敢存錢入銀行，但正正這句說話也語帶相關。Matilda反而成為Leon的催命符。其實不救小女孩，他就不會得罪Stanfield… 下就不會招來殺身之禍。若Leon有心想幫Matilda報仇，其實一早說清楚， Ilda就不會魯莽行事，最後鑄成大錯。上說過呢LEON隊冧三個差佬，其實當晚一早要着草⋯ 挽回舊居？注定死路一條。但是瑕不掩瑜看片尾有十個swat成員，欣賞導演不斷Loop，以致樓梯上人山人海大包圍的壓迫感。七八個Stuntman，我想包括那些片初被殺的黑幫手下吧。而片尾也有鳴謝紐約警方鼎力支持，即警車，或警署門口至少是真的警車，真的實景細緻位：管弦樂背景配樂近乎無懈可擊。舉例黑幫肥佬被Leon追殺，他氣喘如牛時，背景音樂就伴隨緊張、消殺的管弦樂。同時亦伴隨base敲擊樂，隨着黑幫老大呼吸聲此起彼落一絕也。電影中善用bass。尤其緊張位置來臨之前，暴風雨前夕之前。完美令氣氛昇華，令畫面更加入心。電影的轉接位與鋪排也是環環緊扣。善用歌曲、卡通對話等鋪排劇情，培養氣氛。如singing in the Rain 期間有兩首歌I like myself and it is always fair weather.⋯ I’ll go change the way I see things ，預視Leon將會遇到的人生轉捩點。又話3段變形金剛的對話：第一段。This is my turnn… 第3段II do not want to fight you, but you leave me no choice," "What? You demand more? Oh, I'll feed you, Seymour!", and "I'm an assassin. You want the best, I give you the best".也暗示Matilda內心的掙扎，究竟是否要孤身一人找Stan算帳？Uncle Tony有戲，他怎樣昆Tony，也照樣昆Mathilda。場內都笑了。瑕疵位：背景音樂隨着主角心路歷程感受轉變，有時一剎那天堂，一剎那地獄。但若果背景音樂也隨之這樣，有些時候可能有點突兀。舉例， Leon半夜起來上槍殺Matilda一了百了驚慄緊張音樂突然響起又突然結束。哪裏我明白。尤其是Matilda情緒勒索Leon是有幾個位突然間音樂轉變，突然間急剎車現在在大螢幕專心觀看時特別有這感覺。如果可以有些位慢慢fade out可能會更自然。假天花拉起人（其中一個黑幫手下被吊死），其實真的沒可能⋯ 不過回憶總是詩，而且這是可歌可泣的情詩哦。就算到今天我不斷重聽Sting的Shape of My Heart Tao Yang Jin Ting

呢齣經典作品係我第一次走進影院觀看，之所以稱為經典必定有其理由與意義，我會畀這部電影滿分，這部電影畀咗現有好多動作片引薦嘅橋段與敘事套路，所以而家動作片唔太好睇，抑或老套嚴重，就係搬運咗噉經典嘅作品，因為同類型動作片的確好多。 全篇畀我印象最深刻嘅三個人，玛蒂尔达、里昂、斯坦，每個演員都係如此嘅深入人心，把這部作品詮釋極為出色與齣綵，玛蒂尔达為細佬報仇，看到她的細路嘅稚氣與成長之後嘅勇氣，里昂給予玛蒂尔达更多嘅愛與保護，斯坦壞到骨子裏，全篇唔拕沓，反倒係好精彩過癮，真係冇睇夠，叻

時間匆匆咁過，但睇返呢套戲仍然係咁正，角色做型到故事，都係一看就不會忘記，唔理係未4k都應該去戲院重溫。

三十年前既戲，放係今日一啲都唔悶劇情好人物描述好緊張感有