「鬼滅之刃」無限城篇

4.3⭐套戲係出色嘅，但又未至於5⭐一向都認為鬼減無論TV定係電影喺製作上都係非常出色，美術設計同CG運用都非常配合，絕對係日本頂級製作水平。今作電影無限城依然製作出色，無限城設計成功創造一個無窮盡又日本色彩濃厚嘅奇幻空間，以CG技術不停扭動畫面營造出奇幻嘅戰鬥場景，再加上角式凌厲嘅戰鬥招式，拼湊出極具逼力戰鬥場面，令人印象深刻。出色嘅製作絕對係鬼滅受歡迎嘅ー大原因，所以今作買飛入場齋睇畫面已值回票價。今作嘅配樂同樣出色，令場面更有感染力，所以本人認為今作絕對值得入場睇IMAX版。IMAX版色彩亮麗，音效清晰分明，極盡視聽之娛。今作戰鬥場面同動作設計亦出色，只有高超嘅電腦製作技術先能夠表現出細緻、流暢而又型格嘅戰鬥場面。世事冇完美，有讚亦有彈。全片基本上只係戦鬥場面/過程，冇乜宏觀故事，戲味唔濃。155分鐘都係戰鬥內容令觀眾有視覺疲勞感覺。而喺戰鬥過程中又加插斷斷續續嘅角色回憶往事（此乃日本熱血運動/格鬥動漫慣常技倆），回億片段太長難免有時會有沉悶感，同時亦影響戰鬥節奏同減低爽度。此外，戰鬥時無謂嘅口水似乎亦太多了，又係影響爽度。無限城雖然設計同製作出色，但變化不大，155分鐘大大小小各場戰鬥都係喺近似跑極都冇盡頭嘅無限城空間背景發生，難免有單調嘅感覺。有打格鬥遊戲嘅朋友都知所有格鬥game每個角色都有各自專屬特色背景格鬥場地(e.g. Street Fighters, King of Fighters, 鐵拳等等)，咁先精彩同冇咁單調嘛！整體雖然有讚有彈，但本作絕對係高質之作，絕對值得入場，尤其IMAX版。PS.• 其實日本熱血格鬥動漫可以講係萬變不離其中，走唔出果個框框同套路，睇本作時就令我唸起一班青銅聖鬥士打黃金十二宮，又係一個一個對手一級級咁打，中間不斷回憶以往悲慘，同時一路打一路口水多過茶。😂所以對我呢個睇日本動漫多年嘅人嚟講，此作內容/概念並冇新意，只係技術層面為現時最高點而矣。但新一代年青觀眾冇睇以前啲動漫嘅就自然會覺得非常精彩。• 如果可以調整一下本人彈嘅地方，將電影再濃縮到120分鐘左右會更緊湊。• 其實本作唔似一齣真正電影，冇一個完整故事，似係8-10集嘅TV動畫剪成所謂"電影版"於戲院優先播出先賺一大筆，之後可能會再整理一下於TV/串流分集播放，變成乜乜篇。（純個人齋up😅）• IMAX 版同普通版我都有睇，IMAX 版聲、畫都比普通版質素高幾皮

作為動漫迷(毒撚)，鬼滅最期待的無限城篇當初知道分3部曲電影版就知道會落足本錢去製作。不出所料，大量對戰畫面、文戲武戲交替流暢、震撼的無限城，由畫師肝出來的。聲優出色配音，也為角色加上唔少分數。聲畫絕配，無論未睇過前面故事，還是鬼滅迷都好，都值得支持刷幾次。最後想講既無限城篇中上弦1-3故事最令觀眾共鳴既就係今集，真正既「純愛戰士」。

This movie is a mix of courage and hardship.It is definitly recomended,you will love it!

好感動哭了4次一定要睇IMAX!!

鬼滅之刃世界觀相對簡單，係描寫緊一種宿怨既對立，同史詩式既鬥爭史，而依部電影係需要經過本身浸淫過依個世界裡面先能有所體會。如果以單一作品黎睇，係好難對當中角色有共情既，而我都錯左，帶左冇睇過既另一半去睇，搞到比較尷尬同唔好意思。