今天應該很高興

個人覺得套戲不錯。我會形容套戲，睇演繹好睇過導演技巧，講移民者這種漂泊情感，導演的執行是可以。其實四段各自有其亮點，但導演在調光同攝影上，的確有點過於花巧，這樣令整個質感有點過火同不匹配。如果講演繹，無論是阿譚、蝦頭、秋生或者李綺紅的段落，也是演得好睇。阿譚演這個情感缺失同緬懷過去的酒場歌手，演得好匹配，蝦頭這個因背負照顧病母所衍生情緒同渴望被愛的情感，的確好令觀眾有所共鳴，秋生這個被裁員後巧遇偷竊男孩的這段，好彰顯他老戲骨的功架，他同男孩尾段這個互相對話好有火花（這段好容易令人聯想到白日青春）。而李綺紅這段骨場女子想努力爬上但不敵潛規格這段，好顯得她好層次的演技。痴·影·夢·藝 X 的專頁 https://www.facebook.com/ckwunmovie/

4個人物 - 蝦頭、黃秋生、譚耀文、李綺虹移居加拿大嘅故事。4個互不相識人物故事發生喺同一時空，劇情互相穿插，並以3：4較冷色調表達手法並不新鮮，但編排自然流暢，演員演出到位，觀眾睇得舒服，投入到角色內心世界。電影中四個故事都係當年移民遇到唔開心嘅故事，睇完離場時心情都有少少下沉，證明電影有其感染力，可以一看。PS• 電影中4個故事可以講係移民悲歌，但我相信現實世界移民中亦有唔少開心、成功、活出一片天嘅故事，大家唔駛對移民太過悲觀。同埋移民某程度係為下一代，唔係為自己，所以移民要有比一般人強嘅生命力。移民從來都唔係一件容易嘅事。💪

今天看了《今天應該很高興》（2026）。這是一部沒有強烈戲劇衝突的電影，卻用多線並置的方式，呈現了一種持續而低強度的現實壓力。片中人物大多有工作，能維持生活，卻普遍陷入一種向下流動的狀態：努力無法兌現為回報，未來被不斷延後，生活變成一種消耗。電影並不試圖控訴誰，而是把這種狀態還原為日常本身——不爆發，卻無處不在。看完之後，反而更清楚意識到，人在這樣的世界里，真正難得的不是成功，而是還能彼此善待。也想在這裡感謝我的朋友們，這十幾年來，你們始終用最好的方式對我，讓我在這個已經走到今天這種程度的世界里，依然能夠清楚地感受到人間友情的存在。

故事平淡沉悶浪費咗演員，只記得譚耀文首歌幾好聽

導演係香港出現移民潮嘅當下出呢套戲其實好貼題，監製係映後分享4個故事係對應加拿大多倫多四季分明嘅「春夏秋冬」。雖然佢就咁講，事後孔明代入返套戲咪feel到囉，但唔講亦都只係另一種藍色窗簾。可能有觀眾覺得冷場（全場I人無乜問問題），見監製講左咪問下邊part代表咩季節，導演都答得不明所以，最後都係黃秋生講句是鳩旦啦打完場（佢話拍個時係用1234段，而電影剪輯手法係四個故事交錯，所以唔記得就是鳩旦啦～）四個故事於我睇黎都好普通，甚至覺得好老土，我相信睇開戲嘅人或多或少都睇過咁上下嘅劇情。四人個目的/需要嘅野都拍得幾明顯下，故事亦無乜轉折位。呢點係好理所當然的，因為導演分享呢四個故事係佢自己作為加拿大移民後代係長輩間到聽返黎，再東拼西湊拍出黎。你話偏沉悶就嘅，但非常貼地咁講移民三十年嘅港人面對緊咩問題。再講多次就係食住移民潮個勢，粗俗咁講就係幫各自理由而移民嘅香港人「打飛機」。雖然題材故事較「悶」，但睇得出導演基本功札實，前面提到四個故事係交叉式剪接，不過四人過場過得唔算突兀；而且鏡頭擺位、燈光運用、講故事意識等等都係水準以上，其實係參差不齊嘅港產片間已經難能可貴。如果只講拍攝手法我可以比到4分，但本人地道港仔完全無諗過移民，題材上唔吸引我，而且個四個故事都真係太普通，我自己就扣唔小分嘅。不過有兩個亮點都幾吸引，第一就係黃秋生大講英文口音仲要鬼死咁好聽；第二係我估唔到蝦頭有咁大膽嘅演出，呢個係成為全套戲最大嘅驚喜位……

四個人都有佢哋個過往現在的故事。都係真實社會裡發生的。不過整套戲好像缺少了一樣嘢。好像唔夠，火花？