阿龍

講述阿龍於泰國為失去心愛小女兒向拐子佬集團主腦展開入獄復仇嘅故事，其中穿插與周秀娜一段女真男(假?）嘅愛情關係。橋唔算新鮮，劇情同愛情線亦老掉大牙，但導演/編劇處理尚算流暢，冇玩花招藝術技巧，平實易睇，故事完整。演員方面，好耐冇喺電影見到嘅鄭中基，認真地冇搞笑，亦操肌大隻咗，外型上頗配合到入冊/打鬥角色需要，演出亦算稱職。周秀娜表現亦不俗，有啲 shots 幾靚，不過略嫌太瘦，胸骨都現埋，真係"鄧"佢健康担心，食番肥少少啦！不過電影動作場面略嫌過少，可能係製作成本所限吧。有印象嘅只有一場一 shot 到底嘅監獄打鬥戲，幸好呢場打鬥戲製作尚算精彩，為觀眾帶來一點觀能刺激。整體電影屬中規中矩，一看無妨。PS.• 需然套戲簡簡單單，低成本，但都拍到接近兩個鐘，都算有誠意去講好一個故事，值得捧下場。• 阿龍嘅復仇目標人物竟然係一個...而且外形係....呢個我係估佢唔到嘅。• 我覺得阿龍係一個悲劇人物，雖然成功報仇，但其實最後係一個大輸家，變成一無所有，孤單監獄渡日，好慘慘！☹️• 根據維基資料，片長多1小時55分，不是movie6嘅96分鐘。

鄭中基和周秀娜今次表現到位，看到鄭中基非喜劇嘅另一面，小朋友都表現得好好另外電影主題曲~大過, 好聽動人

電影情節頗豐富，不少篇幅去描寫父女情，可惜沒有touching位，全套戲比較平淡，男角沒有因發生突變事故而產生蛻變進而令電影產生吸引力，沒有如南韓電影的魅力，事情劇變，而令角色隨著劇變效果，剖剌人性的底層野性。電影可觀點是有我的女神周秀娜，汪汪大眼睛，攝影美術能做到加強電影效果。若電影需改善的地方是做好電影的主調。支持香港電影。相信鄭中基首次執導，努力，堅持。

以上係電影主題，講就易，偏偏人類太好記性，記恨記仇容易過放低好多好多，所以阿龍報唔到仇唔會停手、唔會甘心⋯⋯不過到報咗仇之後，頓覺再冇生存意義或人生目標🎯失去嘅仍舊永遠失去，乜都得唔到乜都冇，怒氣可能得到宣洩，心靈平靜下來後，只剩生無可戀！片中寓言早就預告咗結局，同歷史教訓一樣，可惜聽過嘅人都係聽過就算⋯⋯螞蟻同蠶蟲鬧交，螞蟻為咗報復，叨走蠶蟲賴以維生嘅樹葉，由於死咬住唔放，最終螞蟻連自己都餓死埋！劇本okay、演員okay、鄭中基唱歌仍然好好聽，但電影唔感人，結論只有一個原因，導演唔得👎胡耀輝演戲同做導演都唔得，鄭中基演戲得做導演未係時候，電影節奏掌握得唔好👎應該慢慢滲出情味嘅地方怱怱帶過，所以想感人但眼高手低煽唔到情，好多時候拖拖拉拉零零碎碎，插叙嘅地方只係故弄玄虛，似係事後補救自圓其說多啲，片尾彩蛋好無聊（唔好嘥時間），換言之，剪接都做得唔好👎應cut唔cut，應留（如果有）冇留低！入場唔算伏，不過唔睇冇損失，即係睇唔睇都得🤣

看過的人應該更明「好人無好報」。不過救人者亦都受人救，在最後小反轉加分。向上天反問天理一段有意思，可惜憎人只有輕描兩句。真．入牢後就毆出世仇的功夫。若果贊同戲裏鄭中基的見義勇為，或可入場為其支付代價！印度膠劇似的狂加FX來表達男主角的失去女兒迷失，可能剪片那位對各類視覺效果最放不下。面對挑釁起勢打到對方入廠，然後自己亦因着情報而立時衝到仇人所在。打得好肉緊，但又不夠血腥而可惜。有些血海仇恨即使要犧牲自己也一定報，不是螞蟻故事就能明白當事人。黑哥就純粹神神化化的牢中大佬，屎忽阿SIR亦都多餘。小演員就唱古怪雙語粵普歌，戲份亦都不多。不出聲或者漏看剪短一段還以為是男仔，唯就是跟男主角確實似「眼」。周秀娜反而那種「有故事的」老闆娘加分，插敍算是做得淒美。人不在身邊更加發現愛人之前補訂。雖然共床三年不是天意落雨才致知道牀邊人婚過且有女。她非柔弱又有把持力的演員，堅強獨撐但又想人要！