末世橡樹街

其實都冇乜故事性, 劇情同場面都拍得好保守, 再加上進度緩慢, 重複嘅故弄玄虛同逃生令電影沉悶乏味,。家庭線又係典型同表面，最後結局玩穿越又係例牌嘅講唔通。唯一賣點只有女主角。

喜歡睇恐龍追逐可以一看，套戲冇乜內容，追逐刺激感

#theendofoakstreet #endofoakstreet #末世橡樹街！舊酒舊瓶 普通爆谷片！電影名稱 (Movie Title): 《末世橡樹街》(The End of Oak Street)導演 (Director): 大衛·羅伯特·米切爾 (David Robert Mitchell)導演著名前作 (Director's Famous Previous Films): 《靈病》(It Follows)、《銀湖之底》(Under the Silver Lake)主演 (Main Cast): 安妮·夏菲維 (Anne Hathaway)、伊雲·麥基格 (Ewan McGregor)、麥西·史泰拉 (Maisy Stella)、奇尼斯·康維利 (Christian Convery)媒體評分 (Ratings): IMDb: 6.6 / 10 | Rotten Tomatoes: 84% | 觀眾滿意程度 (Audience Score): 暫未有大家好，我係 Wild Wildy！今日同大家睇吓呢部 2026 年最新嘅科幻生存電影《末世橡樹街》(The End of Oak Street)。老實講，呢套戲嘅概念真係似美版《漂流教室》（加上Netflix最近又上架一套（the Last House 也是另一種的時空轉移，成個社區突然被時空轉移或者跌入地深，回到史前恐龍時代。這個題材loop得不再怎樣有新意，大家睇過太多，算不上新鮮。整套電影恐龍CG OK，但電影的劇本我角度只是Netflix質素。而又玩80年代而無感覺⋯ 整套戲雖然起承轉合算係齊全，然而細節嚴重不足，犯駁位多到令人極度出戲，大大削弱咗劇味。幸好未至於睇到睡著，但絕對拍得不算精彩，我個人（若厚道一點）勉強畀 5 分。讚：「貓女」Anne Hathaway 嘅個人魅力與演技我個人一向好鍾意 Anne Hathaway，（但又係Mother Mary一個人撐起作套戲）演出絕對係毋庸置疑。就算劇本寫得幾爛，佢依然撐起咗整部戲嘅情感核心，每一次眼神轉折都交足戲。（劇本扣分死人⋯）結尾收筆尚算合格：雖然中段故事簡單，但生存安全意識/邏輯欠奉，但去到最後嘅結尾處理得仲算有少少收尾嘅儀式感，未至於爛尾。（但絕不精彩。）彈：角色設定浪費，對故事推進零幫助：戲入面出現咗一堆完全零發揮角色嘅角色。例如嗰個「為弟弟復仇嘅哥哥」，成個角色發揮空間近乎零；角色張力疲弱，為出現而出現一般。仲有嗰個新搬嚟嘅女孩，劇情特別強調佢「喜歡家姐多過細佬」，但睇完令人滿腦子問號——「那又如何？」對整體劇情發展根本完全冇幫到手！純粹只是有淡淡的超友誼味道甚至有角色要被餵食，沒有緊張感、痛心之餘（可能我冷血），我覺得惹笑和底死多一點。中段違和與犯駁連連（邏輯極度混亂）：電影開頭其實鋪排得唔錯，營造出一種層層遞進嘅神秘壓迫感，但中段開始因為實在太多邏輯漏洞（犯駁位），令到好不容易建立起嘅緊張氣氛直接斷開一截截氣氛節奏斷崖式脫節 （可能兩公婆刻意的鬧交，或者仔女不想聽到父母鬧交，或者仔女撒嬌⋯ 打斷了緊張感。龐大 Body Mass vs 人類渺小軀殼： 恐龍個身型同力量擺喺度，人類除非擁有軍隊等級數嘅重型武器，否則普通人根本冇得打、冇得鬥。一隻暴龍級別嘅史前巨獸，每小時推算平均速度至少 40 至 50 公里，你話追唔上一個兩條腿跑嘅小小人仔？簡直係侮辱觀眾智慧。硬生生「搵戲嚟做」嘅低智橋段： 到底細佬係邊度嚟嘅勇氣，可以喺漆黑嘅夜晚，拿着一把弱雞到極嘅弓箭就咁跑出去追隻狗狗 Starbucks？更離譜嘅係家姐竟然又跟住追埋出去？完全係夾硬製造危機。力王上身嘅神奇家姐： 家姐竟然可以徒手拉開橫隔喺窗上面嘅防護木板？呢個喺物理上根本冇乜可能。退一萬步講，如果塊板咁輕易就可以用手拉開，咁當初釘上木板嚟做咩？恐龍面前集體送自助餐x3： 喺充滿史前巨獸嘅大街上面，幾個人竟然仲可以有心情相聚一刻、感言感恩再加一家人抱抱？喺野生掠食者眼皮底下咁做，呢啲唔係向恐龍送上門嘅「免費自助餐」係咩？醫學奇蹟： 有個角色明明跌斷咗隻腳，居然仲可以跔吓跔吓咁去擁抱？睇到呢度真係令我失笑。演員和導演都忘記小弟弟跌斷右腳的。編導責任與總結：雖然我鍾意 Anne Hathaway，但不得不說劇本寫得實在太唔細緻。導演兼編劇 大衛·羅伯特·米切爾 (David Robert Mitchell) 絕對責無旁貸（佢之前嗰 5 套電影我都冇睇過）。總括而言，《末世橡樹街》起伏有做，但細節完全經唔起推敲，只可以算係一套不過不失、剛好合格邊緣嘅打發時間爆谷之作。

完全鳩芝馬碌，求鳩其，喂你一家知道有恐龍唔會大摇大擺係條街度行啩，佢老味求生，兩條細佬好似白痴咁，總之啲劇情好似搵樓下看更寫出嚟，掛個大牌女主角就招來，成件事就好似緬甸炸騙園區一樣垃圾一套

唔係唔好睇，內容有趣，不過唔好太大期望