米高積遜

3.8⭐只講述 Michael Jackson 由小時候 Jackson 5 冒起，繼而獨立發展，....至到1988倫敦演唱會演出為止，當中涉及其家庭同個人心路歷程轉變。感覺描寫比較表面欠細膩，對 MJ 內心世界刻畫唔算好深，例如點解鐘情養動物，收藏玩具，點解要整容等等，都只係輕輕帶過。其實所有角色嘅描寫都係好表面，例如老豆只有惡同貪婪，老母只有忍讓，司機只有做阿4，兄弟姊妹直頭係活動佈景板，整體電影偏向流水式敘事，只係 MJ 成長/事業嘅一個進程，幸好節奏明快冇悶場，加上時不時有名曲同歌舞場面，令電影具娛樂性。不過如前所提，電影對 MJ 嘅描寫較表面，而且偏向正面，一啲負面嘅嘢完全冇提及，係一套歌頌 MJ 嘅電影。整體電影製作不俗，有歌有舞，扮演 MJ 嘅演員演出亦合格，有啲角度/ shots 面相都幾神似，仍然係一套值得一睇，緬懷 MJ 嘅作品。

個人嚟講作為一套睇返自己偶像嘅生平嘅一套傳記我覺得係合格嘅，尤其是聽返啲歌

睇之前都幾多負評 所以都冇太大期望睇落都有驚喜 好似睇咗兩個幾鐘演唱會咁

一句講晒，我係fans點都倒貼入場五星係比Michael JacksonKING of POP forever!

真正認識MJ 由 blank and white 開始，即係大碟 Dangerous 佢嘅Black and White Remember the Time 都係開創先河嘅經典 MV 作為一位細路果陣會追 billboard 嘅人，《Michael》幫我快速咁了解呢位藝術家嘅成名之路。（畢竟佢彈起風靡全球果陣，我未有話事權可以同個電視轉台🤣）同時，亦令我連貫返 dangerous 專輯面世前後我所知佢嘅負面報道。一個豆丁咁大就出嚟跑江湖嘅細路，佢邊有朋友？一個由細到大都俾老豆話自己 big nose 嘅人，去整容有乜出奇。佢係一個孤獨嘅藝術家（不止表演者），更加係美國無數黑人嘅開路先鋒。重現以下呢啲場面，叫人拍案叫絕。佢個侄做得好好*****劇透分界線*****- I’ll be there 嘅 Jackson Five Live- Thriller 嘅構思同 MV 拍攝- Billie Jean- Beat it另外， Miles Teller is a big surprise

音樂 畫面 劇情 無瑕疵娛樂性100分的電影冇可能唔入場睇講真