夜校女生

唔講唔知原來台灣名校分日校生同夜校生，而且階級觀念咁重。主角成套戲都係到比較、自卑、尋找自我，某程度上都係環境做成，不過呢點我地華人全部都差唔多，總係要同隔離老王兒子作比較，我地華人睇當然好有共鳴。《夜校女生》整體嘅節奏掌握得唔錯，睇畢成套戲都係明快，不過劇情算王道、老套，幾乎所有起承轉合都係意料之中、有跡可尋、好似係其他電影都見過類似嘅嘢。當然並唔係話唔好睇，只係無乜驚喜。結局女主角都有所成長，許願時發現其實每個人都有自己嘅煩惱，天才、有錢人、窮人都要走自己嘅路，呢個結局都好實在。女主角陳姸霏我係《無聲》已經超鍾意佢嘅演出，今次配搭埋項婕如、邱以太都係俊男美女、青春無敵，題材比起《無聲》更陽光，整體令我更喜歡陳姸霏呢位演員，仲要個樣仲咁童顏，起馬可以拍多十年八年青春題材，實在前途無可限量。總結黎講電影算好睇，如果唔係過程太王道，實在唔太有記憶點，我會比更高分數佢。

#夜校女生日沒想到比預期更好看。女主角們可愛，著實有點是小雲；她媽媽又漂亮。母女情寫 得自然感人。雖然台灣大學聯考的情況和香港的不一樣。但是公開試的壓力；名牌中學的效應；要考上心儀大學的壓力；父母對子女的期望；被標籤效應；階級觀念等等，對於在亞洲讀書的我們絕對不會陌生吧。10分的話我可以給九至10分。扣1分純粹是不太懂台灣的學制。但青少年時期的清澀，笑位惹笑，甚至爆笑；感動位感人，至少兩至三個。好電影就是如此，乎復何求呢？

早前睇已經覺得幾好…… 以前香港都拍到嘅。（其實喺電影原產地睇左有幾奇？反正我係睇左）補充：好好地一套戲明明係可以有合理收入，係要整埋啲天地場，6點前呀……一個星期玩死部戲佢！香港戲院冇生意真係唔好問點解。 （前提係你下期戲又明知唔係殺食）

本片對主角女高中生小愛嘅家庭與學業/校園生活有細緻描寫，導演成功表達一個生於並不富裕，讀書天資又唔高嘅平凡女高中生喺面對嚴格母親、資優/富裕同學時所產生嘅自卑，以至缺乏自信心態。而呢種心態相信存在於大部份中小學生心裡。女主角與母親嘅衝突、與同學嘅關係，所遇到嘅挫折同心理上嘅轉變，亦相信大部份學生都有經歷過。本人觀影時亦不時被劇情勾起以前學生時期類似嘅經歷同家庭事。而本片後段其中有一、兩場母女爭吵戲更令本人有啲動容。要打動到觀眾，除出色劇本，演員亦相當重要。本片演員整體不俗，特別係女主角陳研霏(小愛)，戴起小雲眼鏡嘅學生造型非常可愛順眼，加上織細身型做高中生角色非常有說服力，演出亦精彩亮眼。項婕如(小愛同學)外型同表現同樣入型入格。季芹(小愛媽媽)更加演技出色，我重以為睇緊毛舜筠做戲。兩母女合演非常精彩。另外，本片亦可令香港觀眾感受一下台灣嘅校園生活同教育狀況，都有啲電影故事以外嘅趣味。

台灣的夜校制度對我來說是新鮮事，但不難設想，夜校被標籤為次等的感受。全片包涵女主角各方面的成長經歷，友情愛情親情都有，當中核心還是對自己的身份認同，經歷過短暫失落後的豁然開朗是最動人的。4.7/5 （93分）