聽見兩個世界

個人覺得套戲不俗，我會講，導演各方面的執行也好細膩，好多情感描寫位好輕盈而好有力。無疑，這套的主軸是CODA，導演在此的描寫是動人，她的處理好細緻，可以用好輕柔的技巧描寫出他在成長不同階段對聾啞父母在態度上的轉變，同大在東京碰到同類人時對身為CODA這個身份的新演繹。這兩點個人好喜歡，而同時，導演也想藉此來寫出當下日本東北地區年輕人，對自己東北地區人身份的認識。的確，演員演繹是好睇，無論是吉澤亮或是忍足亞希子也是好睇，他倆之間的母子情，也是演繹得好細緻，尤其是尾段車站一段戲，更是整套的精髓。咁當然，套戲的取景同美術也是好睇。PS：如果是任天堂粉絲，這套戲中有一幕應該會好深刻痴·影·夢·藝 X 的專頁 https://www.facebook.com/ckwunmovie/

如題，CODA全名為child of deaf adults 自身是聽覺健全人士，因父母皆為聽障，生活會一定的不方便，甚或受到歧視等，全劇故事十分典型且平淡，所以亦無咩情感波動。4.1/5 （81分）

最近有幾套和聾啞人士相關嘅電影陸續上演，以這套最平實，既沒有韓國《聽說》嘅浪漫愛情線，亦冇香港《看我今天怎麼說》嘅戲劇效果，喺近乎冇高潮嘅情況下，將雙親失聰嘅五十嵐大嘅成長片段，由幼年、少年、青年、成年嘅零碎畫面剪接成一齣電影🍿故事一直從吉澤亮角度出發和展現，投射出一個感人嘅母愛故事，大升中之後嘅反叛、自私、對生為CODA(日本對聾人子女的稱呼）嘅嫌棄，長大後由宮城遠走東京要做回「正常人」，對父母嘅拋棄和疏離，雖然有作過解釋和控訴，但相對於母親的默默付出和啞忍，近乎係無病呻吟，忍足亞希子（天生聾演員）真情摯誠嘅演出，讓吉澤亮最後嘅覺悟和道歉🙇顯得軟弱無力⋯⋯男主角演出沒為觀眾留下好感，電影鬆散，唯一光輝是忍足亞希子散發嘅母愛和聾啞人士逆境自強嘅堅毅👍👍👍

劇情基本上都似曾熟悉，吉澤亮雖然今次出演一般但選角實在太型仔。生活好多聽不到的情況都成為障礙，唯一的好處就是知道無法言語溝通就推卻了上門的推銷員。不論小時帶朋友來家覺得自家媽媽好奇怪，因而更不想媽媽到學校觀課。小則去到照顧嬰兒聽不到哭聲、大到走在路上聽不到車聲。時光飛轉到青春期的男主角，媽媽就斥資廿萬日圓來買了個助聽器。雖然效果有限但至少聽到深愛兒子的聲音，不過聽到更多的就是當住面被埋怨。有時青年期都會其他原因都會責怪父母，或者可能嫌棄過出身比起同輩輩。父親似乎可有可無，主要都是望住母子間的衝突。去到東京又有同路人而回望父母，離開了不想用的反而變得更有用。健聽男神也有好多聾啞禮儀無面對面試過。去到最後回想媽媽的樣子，應該最爆淚點是媽媽多謝他在街度都肯用手語和她「講話」。

聾人父母所生嘅健聽子女，稱之為CODA。之前從未想像過世界上有CODA嘅存在，睇完電影後認識多左，真係睇電影可以了解更多個世界！吳美保嘅電影潤物細無聲，全劇輕描淡寫咁講完一個CODA嘅故事，由童年到青年反叛期，再到成年想報答返父母。有趣嘅係，其實電影中有唔少問題都唔止CODA會經歷，你我普通人都有面對過，可能就係個句老套說話：殘疾人士其實大部分同我地無咩唔同。成個故事雖然由BB仔做到成年人，但過程一啲都唔沉悶，每個階段都去蕪存菁，只留返CODA會經歷嘅重點比大家睇。剪接得非常通順有趣，睇到會有意猶未盡嘅感覺，想再睇多啲吳美保導演拍出黎嘅日常生活。有啲似《新活日常》，日常生活拍得咁好睇其實難度更高。其他野都無咩好講，《聽見兩個世界》 係我今年睇過最喜愛嘅電影之一！

有種太平淡嘅感覺，平淡到有少少悶