屍殺禁區

入場一半因為女神全智賢《野蠻女友》《來自星星》真係靚到Dum一聲一半係《屍殺列車》真係拍得出色 估唔到同一個導演咁樣交行貨今次真係勁失望仲話入選康城「午夜展映」單元唔好喇掛 丟架呀

節奏明快，故事易明，喪屍夠癲，全智賢靚，4星收貨！

I 公式套路嘅喪屍片，觀賞過程總算緊張刺激，女神仍然吸

2.8⭐一般水平喪屍片，一班人走嚟走去續個遇害被咬套路，當中有個自私、有個大愛、有個慌失失....等等一般典型角色，但又玩唔出刺激、緊湊、感動，只拍出冗長又沉悶嘅拖拉逃跑過程。動作場面設計了無新意，睇到我昏昏慾睡。製作唔算精良，佈景 feel 好重，特技視覺效果一般。入場主要原因係全智賢，可惜角色塑造同表現平板，冇乜突出，對白唔多，冇乜戲好演，個人亦冇乜神彩，大部份時間都只係走嚟走去，真係浪費咗個卡士。電影唯一比較特別嘅係喪屍設定係可以 connect 一齊行動，不過亦玩唔出啲咩趣味。整體係一套唔好睇嘅串流電影水平嘅喪屍片，冇睇唔係損失，捧全智賢場除外。PS.• 兩個鐘又長又悶• 唔會好似啲盲粉咁因為有全智賢光環就瞌埋眼比 4、5⭐，套戲屎就係屎• on膠情節都有唔少，但唔多談了，唔想再嘥時間，淨係攞殘疾家姐張輪椅去引開班喪屍，攪到自己要孭住成百磅重嘅家姐逃跑咁白痴就已經知個導演/編劇 short 咗，乾哂塘，拍到冇嘢好拍• 如果唔係特別想睇全智賢，我會叫人唔好嘥錢

#屍殺禁區 #Colony #WildWildy影評引例子含微劇透慎入大家好，我是 Wild Wildy！今日同大家傾下2026年最新上映嘅韓國喪屍題材驚悚動作片——《屍殺禁區》（ English: Colony）。呢部電影由《屍殺列車》（Train to Busan）同《屍殺半島》（Peninsula）嘅導演延尚昊（Yeon Sang-ho）執導。今次陣容真係星光熠熠，搵嚟全智賢（Gianna Jun）飾演生物科技教授世正，仲有池昌旭（Ji Chang-wook）、具教煥（Koo Kyo-hwan）、申鉉彬（Shin Hyun-been）同金信祿（Kim Shin-rock）一齊主演。故事講述因為不明病毒爆發，一棟科研大樓被緊急封鎖，倖存者同不斷進化嘅喪屍展開困獸鬥。目前呢部戲喺 IMDb 拿到 7 / 10 分，而 Rotten Tomatoes 影評人分數就係 57%（觀眾評分未有）。我自己嘅觀感同影評人差唔多，大概都係給 6 分左右。題材玩爛同犯駁太多。老實講，導演延尚昊第一套《屍殺列車》真係難得有新表達，喪屍空群而出、人疊人屍疊屍，加埋火車幽閉空間同極致嘅父女、夫妻、小情侶情感，真係通殺。但去到《屍殺半島》要玩反烏托邦，又要潛入滿佈喪屍嘅半島，就開始溝淡喪屍題材，大幅跌Watt。估唔到今次《屍殺禁區》嘅狀態亦非常似《屍殺半島》，主要題材已經玩爛咗，兼且有太多犯駁位。我依家就秉持一貫風格，同大家「先讚後彈」！讚：當中的喪屍有較新的包裝和表達：牛奶、霉菌（The last of us玩過啦）、四腳爬爬。最特別係引入咗所謂嘅 "hive behavior" 同 "collective intelligence"（集體智慧）嘅設定，班喪屍竟然識得一齊download資訊開心share，識得集體思考去識破人類嘅求生策略，呢個概念確實有少少新意。全智賢靚，但近鏡頸皮膚都鬆了⋯彈：規模上三集這集規模只是在一棟大廈，規模大減。由全個國家到半島，再縮到依家一棟樓，格局細咗好多。最頂唔順嘅係成套戲充滿住 "Suicidal compassion"（自殺式慈悲）。大佬啊，有些善心是自殺式的，你沒這能力，就不要強出頭吧！因為咁樣搞到恐怖感同驚慄感欠奉，全片充斥住令人抓狂嘅犯駁位：-嗰個少女自己腳軟，退回原來的店舖，一些角色又何須強出頭？急着要拉她到你的店舖呢？簡直係夾硬製造危機。-仲有，大家擦塗香水夠膽一齊實驗，竟然可以齊上齊落衝出店舖，到底嗰來的自信？-同理，為什麼一齊、齊上齊落找疫苗？仲要連續發生兩次（x 2），大佬，隊伍入面有老有少喎，一齊衝去搵疫苗同送死有咩分別？而且，個奸角狗賊的又不夠狗賊。只是公式上總有這些自私精，但編劇寫得半桶水，未到真正人渣的地步，令到角色衝突、張力好平淡。後半段有些位變咗超能力片/三國演義武一將篇，個細佬突然爆發小宇宙，一把牛肉刀可以K.O.那麼多對手，勁！所以全程根本只是看角色們玩捉伊人，近乎零緊張感。另外，導演慌死觀眾睇唔明，所以提示太明顯，怎樣KO老大方法，太清楚就欠神秘感。怎樣鋪陳不過度這是藝術，但今次導演好似當觀眾弱智咁，"collective intelligence" 慌死你唔明，又要插圖回憶讓你明白⋯ 整部戲只能用四平八穩，但不精彩呢。總結嚟講，如果你真係超級喜歡喪屍題材，怎樣也會看看。但如果想搵返當初嘅刺激，呢部同導演第一套撞手神嘅《屍殺列車》真係差太遠！5-6分吧

韓國好多喪屍片都係世界級，仲要配上全智賢，所以呢套製作質素絕對都係一流水平劇情一貫大路，但細節仍有不少地方令觀眾估唔到算係喜出望外畫面精彩，節奏明快，但不能期望喪屍片有好大的分別同進步空間唯一令人諗唔明係呢兩個女人嘅關係…點可能可以合作，呢一點就有點不太現實了😂