鬼玩人：煉獄

3.8⭐與其話佢係鬼片/恐怖片，不如話佢係一套血腥 Cult 片。電影以 evil 再現作背景, 實質以血腥屍殺為實，血腥場面坦蕩蕩做比你睇，啱哂嗜血觀眾，反而鬼怪嚇人就較少，而故事亦較薄弱。如果以血腥 cult 片嚟講可以收貨，冇負三級認證，呢方面同期嘅 "愛你致死不渝” 嘅所謂三級真係行埋一邊。PS.• 一開場就嚟料，所以千其唔好遲入場• 有彩蛋• 冇記錯應該係Substance之後最血腥，不過Substance 故事好好多。• 有兩、三個 shots 鏡頭/畫面設計有啲心思• 廣東話真係博大精深，一早已經預示 "畫公仔畫到出腸" 😅• 建議呢個導演拍真人版 "北斗の拳"

來到第六集，死人不是真的死了，肉體任用自咒自喚。那件東西找不找到都無所謂，畢竟虐待人類更有樂趣，吻吧大家相親相愛～間中的雙重意思笑位加分，喜歡《火遮眼》必不錯過過。雖然有毛孩出演，不過不要給狗狗看到此戲。最尾的片尾看過上集就應該會明白，人都死光無礙今集發展。恐怖比起，噁心卑鄙與創傷血腥佔得更多。輕鬆釣魚作為小前菜就開始降臨來到這家人。削皮刨腳基本，附身必要無情入侵或損傷，背部不發涼更是疼痛！人類怕怕唞大氣，惡魔笑口開心樂折磨 。少許島瞰跟鏡面運鏡稍為特別，反轉空間魔鬼越近日出越着急。有些規矩就無傷大雅，總之內訌崩潰爽殺冚家。就算新亡丈夫明顯有腦洞都照吻成全。外姓人在這家猶如地震拼命避難，法國人應該感同身受如此熱度。怕鬼也不代表要狂搖畫面舒服享受主角一家受害～嫁人之前好好查清對家有無惡魔關係，住得僻遠任叫幫手都無功。假牙的阿嫲是周時笑位貢獻者，口牙到最後要多隻腳！惡魔也受不了她置身事外的模樣最幽默的是。嚴肅的喪禮致辭配上隔離揼揼聲不斷的工地也難忍偷笑。 屠出生天，弒到最盡惡魔還能找人捲土重來。前段全家坐在一齊晚餐是最地獄，同一屋簷關係才是最難頂。橫掂都斃，要是人物背景可以再燒短一點就更佳。有人幸存，看來女主角還可挨多一集。這個年代有親人留底的筆記建議還是真要餵給AI分析備用，死亡之書淺讀研究，惡魔都快衝到過來又不讀到最後。

，，呢套戲主要係講緊家庭暴力，個Ching非常之血腥同暴力，雖然有啲位係唔合情理，大熱天時kill time 必選

#鬼玩人煉獄 #EvilDeadBurn大家好，我是 Wild Wildy！歡迎收睇我嘅影評頻道。今日想同大家聊聊呢部 2026 年血腥味濃到化不開嘅恐怖大作——《鬼玩人：煉獄》（Evil Dead Burn）。呢部電影由法國新銳導演 Sébastien Vaniček 執導（佢之前最出名嘅長篇處女作係 2023 年嘅驚悚蜘蛛片《群蛛》Infested），並由佢同另外兩位編劇共同撰寫劇本。演員陣容方面，由 Souheila Yacoub（飾演女主角 Alice）、Hunter Doohan（飾演 Joseph） 以及 Luciane Buchanan（飾演 Thya） 領銜主演。目前網上嘅基本盤評分：IMDb 夾喺 6.9 / 10 左右，Rotten Tomatoes（爛番茄）大約 79% - 83%。而我個人會畀 6.5 至 7 分。但如果單論佢嘅特技化妝（SFX），我絕對會毫不 hesitation 狂飆到 9-10 分！話不多說，即刻進入我哋標誌性嘅「先讚後彈」時間！🩸 玩味、痛感與法式新鮮感講真，呢部絕對好睇過 DC 嗰部 Supergirl 好多；亦比上集《鬼玩人：復活》（Evil Dead Rise，即係第四集）高質唔少。上集玩 2000 萬美金投資全球狂收一億，今次片商明顯想故技重施，搬去新西蘭拍嚟激減開支，反正拆散間舊屋都冇乜難度。上集《復活》純粹係一家人相愛相殺，阿媽變怪物，最後變埋類似 The Thing（怪形）咁嘅物體，本質上零故事可言。但今次《煉獄》真係有其獨特嘅吸引之處：家庭張力+法式浪漫混入血腥 Cult 味：導演 Sébastien Vaniček 第一次拍 Evil Dead 系列，佢將一啲法式元素（例如法式接吻 French Kiss）調味，意外地令成件事好有新鮮感，打破咗美式恐怖片嘅一貫公式。SFX 特技化妝一絕，真三級重口味：特技化妝技術無得輸！啲極度核突嘅畫面仲要特登配埋 Zoom In 傷口嘅近鏡，重口味到暈（但我個人極度鍾意）。The Mummy電腦特技今天有新突破，着實不錯。智能喪屍嘅壓迫感：今次班 Deadites（惡靈化身）帶點「智能喪屍」嘅感覺，唔再係純粹無腦衝過嚟嘅鬼怪，佢哋會利用角色內心嘅愧疚、家暴等陰暗面去折磨你，心理壓力拉滿。節奏與氣氛交足功課：雖然有啲 Jump Scare 位行貨到一估就知，但勝在算克制、唔算太濫。導演喺營造幽閉空間嘅緊張感做得好出色，危急關頭關上門，門後有啲乜？床下底有啲乜？全部喺水準之上。將日常厭惡完美融入恐怖片：電影將照顧老人家嘅無奈、屋企人鬧交、家庭暴力等日常寫實嘅「黑面」元素扣連埋一齊。特別要讚入面嗰個老人家角色，發揮得比 Lee Cronin’s the Mummy 中那個好多了，至少有發揮。痛感與喜感混雜的變態趣味：有幾幕睇到好有「痛感」，但最正係某啲低能、低B角色受苦嘅時候，你會覺得佢「抵死」！呢種抵死嘅安排往往帶點黑色幽默（播你當我係變態佬都咁話）。由於個角度，多少有我最喜歡的第三集Evil dead回到中世紀。恐怖加惹燒，一些畫面如死亡之書和電鋸都是致敬元祖系列。💡 溫馨提示：睇完千祈唔好即刻走人！執笠都要等埋尾，結尾分別有兩段短片（Mid-credits & Post-credits stingers），第二段直情重連咗上集 Ellie 嘅彩蛋，恐怖片迷實尖叫！🪓 公式化的翻拍與智商下線的硬傷（微劇透慎入）雖然前面讚到天花亂墜，但冷靜落嚟，套戲嘅劇本依然擺脫唔到呢類 IP 嘅宿命：後半段原形畢露：一開始雖然看似想跳出「一家人逐個中招、由相愛到相害相殺」嘅套路，但你唔好期待套戲真係有咩新鮮故事。去到後半段嘅發展，基本上同第四集（Evil Dead Rise）嘅後半部大同小異，換湯不換藥。經典角色強行智商下線：點解每次都要有低能傻仔放隻鬼出嚟？點解編劇總係要安排一啲低能仔角色？明知有古怪，點解仲要戇居居咁喺度唸咒語、解開本《死亡之書》？Hunter Doohan 角色太定型：好似喺 Wednesday 之後，Hunter Doohan 演呢類帶點神經質、懦弱又出事嘅 Joseph 腳色，角色定型（Typecast）得太犀利。呢點我先不劇透太多，大家自己入場感受。嚴重的邏輯犯駁（Plot Hole）：呢個係全片最大嘅硬傷：如果任何惡靈嘅血、分泌物沾到你，你就會著魔變異、鬼上身受感染。咁我想問，去到最後決戰，主角全身都係血，好似沖涼咁樣，點解佢可以完全免疫、完全無受感染？呢個光環大到有啲講不通。本身有解謎元素令故事升級，最後不了了之總結來講，《鬼玩人：煉獄》喺視覺衝擊、重口味特技同埋恐怖氣氛上絕對交足功課，作為爆谷恐怖片係完全及格有餘，特別啱一眾 Cult 片迷重口味圍爐。當然你如果不喜歡法式熱吻加重口，當然不要入場了！你哋又覺得今次 Sébastien Vaniček 帶嚟嘅法式血腥風格，能唔能夠成功為呢個 45 年嘅老字號 horror IP 注入新生命？定係你覺得編劇嘅邏輯硬傷真係太過出戲？歡迎喺下方留言話我知！記得點讚、分享同埋訂閱我嘅頻道。我是 Wild Wildy，我哋下部電影見，Bye Bye！

3年前套Evil Dead Rise到宜家都仲有印象，見到有新一集狗衝去睇，這一集血腥同核突程度都無令我失望。不過感覺上有啲血腥場面係刻意避開左，但都有唔少衝擊視覺畫面，例如個座椅枕，4隻手指，洗碗機，連打個茄輪都有睇頭。讚一讚特別戲飛既手指設計真係一絕。不過我覺得今集故事內容及角色設定有點平凡，溺愛兒子的慈母，超廢的仆街仔，仲有個失蹤阿爺，劇情發展無乜驚喜，老鼠屎睇到我火都黎。失智阿婆引發唔少笑點，係今集MVP。但成個家族故事得啖笑，到底隻「鬼」一心要搶傳說中既匕首係有幾想自殺？見到唔少人話今集比上集出色，係咪得我一個鍾意上一集多啲？我仲記得廚房啲玻璃杯…留意番，片尾有兩個彩蛋！！記得要留到長字幕之後啊~ 觀影平台: 時代廣場英皇戲院IG: AndyMyFilmography/ #AndyMovieReview