童話睇硬了

個人覺得套片可以，我會講，套戲需要有的，他會有，但好像感覺上也是欠缺了一個好大的催化劑來推，這樣可能是套戲最大致命點。無疑他的畫面夠鹹，意識也夠脆，橋也不太過於堆砌，但三者之間的連動同化學反應好像欠缺，好不令觀眾有想大聲笑的動機。痴·影·夢·藝 X 的專頁 https://www.facebook.com/ckwunmovie/

《童話睇硬了》是一齣樂而不淫的成人喜劇。當中的不文笑料，在粗鄙胡鬧與隔靴搔癢之間，取得了理想的平衡。正如〈登徒子好色賦〉所謂：「增之一分則太長，減之一分則太短，著粉則太白，施朱則太赤。」崔始源是韓國頂尖喜劇演員，殆無疑問。不少落入他手上的角色，都因其渾然天成的獨特誇張表情，創造了意想不到的喜劇效果。在誇張與浮誇的一線之隔，崔始源總是成功拿捏好分寸，賦予戲劇人物血肉豐滿的質感。令人意想不到的是，崔始源今次竟變身為冷面笑匠，呈現出耳目一新的面貌。新的一年，接連有兩齣朴智炫主演的電影在港上映。沒有觀看過其前作《破。鏡。慾》，無法跟新戲作比較。只知道雖然同是三級片，朴智炫在新作的焦點全部集中於頸以上。假若抱着再窺全豹心情入場的觀眾，可能要失望而回了。不過換一個角度看，朴智炫其實是蠻有搞笑天分的。《童話睇硬了》稍嫌不足之處，是劇情略顯單薄。最後加入一段與渣男比拼閱讀流量的枝線，是絕對的蛇足，予人只為了硬撐場面，「揼波鐘」的感覺。至於本片為什麼被評為三級電影，直到離開戲院一刻，依舊想不出一個所以然。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

唔知大家有無睇過《令人戰慄的格林童話》呢本小說，我當年係睇得好肉緊，十年八年後我都對呢本書印象好深刻、而且《格林童話》本身都係比成年人睇嘅，可以「童話」+「咸故」呢個內容其實有得做。電影關於靚女主角寫「咸故」呢個故事主旨我覺得係講得比較好，用女主角兩位閨密嘅房中事作題材我覺得拍得唔錯；笑話雖然唔太好笑但整個觀看過程都愉快，起馬我係睇得開心。不過整個故事比較大路，好多劇情睇慣電影嘅大家應該似曾相識，例如女主角低潮時回鄉下老家再有所經歷、劇中奸角惡意對待女配角作引子，講佢有幾邪惡呢種手法都拍到爛哂。另外加入愛情線都算敗筆，唔係唔比加，但劇中個愛情線發展實在係老土；最尾同奸角大戰唔知做乜9，我覺得電影講多少少係「青少年…唔記得叫咩，叫佢「淫審處」嘅工作好過加入奸角呢場鬧劇，我反而對女主角係「淫審處」嘅同事更有興趣。總結黎講見到套戲評上評價咁差，我睇完後係有啲驚訝，因為無想像中咁差，好多人投訴佢唔好笑，但我一開始就無用想大笑嘅心態睇就覺得還好。（另一套《沒有美色殺人狂》比人話好好笑我都無感）另外童話+咸故呢條主線取材幾好，雖然劇情偏向四處縫合，但還是有一定可觀性。套戲食住《破。鏡。慾》朴智炫火熱演出個勢上係幾好，起馬我都係因為《破。鏡。慾》先欣賞呢位女演員。一黎佢真心幾靚，身材更唔洗講，有睇過都讚；而《童話》雖然都係三級片，但朴智炫另類「純情」演出都唔錯，可以話呢位演員大把前途，小弟會密切留意佢嘅電影，我覺得應該佢幾有觀眾緣。

故事以童話和甜故（色情故事）這两個大反差素材為主題，非常有趣，營造不少樂而不淫笑料，加上鹹片觀察員的工作，故事劇情輕鬆有趣。女角朴智炫樣子cute，腦子和性格童話滿滿，表現出色。全片感覺有趣，但未有深刻感覺，沒令人開懷大笑或内心微笑，導演似未能掌握這有趣題材，眾男角表現平平。

要咸唔咸，要趣唔趣，有負三級三角嘜認證，當劇情片睇都嫌佢無聊，成場戲都冇笑過，可以話冇一頭到岸，弱雞過今年賀歲片，將戲飛錢買包咸脆花生食好過！PS. • 曾經當紅一時嘅崔始原竟然淪落到拍啲咁嘅低水平電影，真係花無百日紅。• 成套戲我只有一個位有會心微笑....就係當字幕打出"忠誠勇毅"加埋韓國兵個猴擒畫面🤣🤣🤣

雖然是三級，但沒有太多大尺度鏡頭，咸濕笑話就幾多吓，童話同埋甜故呢兩樣看似完全唔同嘅野，戲裡面抓住咗佢地嘅共通點，後段有d喜出望外。4.4/5 （88分）