雙囍

個人覺得套戲是精彩。我會形容導演在每個環節也好精湛，她可以拍到既有笑位，也有描寫出由台式婚禮繁文縟節所衍生的角色矛盾同關係矛盾反思的描寫，如以賀歲片掛帥的片角度來講，這樣的執行無疑是高質素。講真，導演在今套所選角好準繩，每個演員的演繹同其化學作用均好出，每個角色的情感輪廓好出，而他們互相之間的互動可衍生出高質素火花，這樣無疑可做到出色輕喜劇中最重要的元素，既有喜感，而同時也有高水平故事結構同細緻的角色描寫，這方面，導演的確可做到。如講演員，無論兩位主角 劉冠廷、余香凝，一眾配角如 田啟文、9m88等，均是好睇同演繹得好。其中個人最喜歡田雞的演繹，他今次這副雖然雖有幽默，但同時也好比以往內斂同有情感的演繹，特別令人討好。還有，導演今次好聰明地利用，台北標誌性圓山大飯店作為套戲的主場景，這樣加上導演上乘的調度，令套戲的質感更為突出痴·影·夢·藝 X 的專頁 https://www.facebook.com/ckwunmovie/

一個角色/一堆角色要同時兩個場境兩邊走去滿足/隱瞞其他人呢條橋唔算新，以往唔少瘋狂喜劇都睇過，例如約咗兩個女友同一戲院兩個影廳睇戲，結果男主角要扮肚痛，又要扮屙尿，又要點點點...兩個影廳跑來跑去交人應酬兩女主角(唔記得邊套)。呢條溝女橋其實點會厄都條女，不過作為瘋狂喜劇，只要攪到笑，觀眾都會收貨冇問題，但都只係限於電影中其中一個gag。唔會成套戲嘅主題。本片大致上就係玩緊呢條橋成為成套戲嘅骨幹。可惜本片雖然都有少少喜劇成份，但未致於瘋狂喜劇，偏向正劇，所以我會以正劇去睇呢套戲。如此的話，我會覺得電影大橋脫離現實，大有"冇戲揾戲嚟做“嘅感覺。現實世界中呢條橋根本正常人都知唔work，點可能厄到全世界，同一酒店同一時間分兩個廳擺酒，一對新人、兄弟姊妹、工作人員走嚟走去，一定穿煲。父母嘅共同親友點安排？酒店當日親戚朋友上上落落撞口撞面一定穿煲。而男女主角竟然為令離異父母開心決定揀條屎橋又係on9，重難成功過mission impossible，等同撞個頭埋牆，唔值得同情。而男主角咁大個人想兩面俱圓選擇用屎橋瞞騙，實屬愚孝、不誠實、愚昧、幼稚、窩囊、逃避，懦弱，又係唔值得同情。然而女主角咁嘅廢男人都要跟佢一生一世，又係唔值得同情。所以整個戯都係揾戲嚟做。整體電影欠真實感，大橋設定本身唔成立，唔合理位多，觀影投入度唔高，更何況感動？PS.• 其實男主角設計非常失敗，似裙腳仔多過似男人，已届成家立室之年，持家之人，仍然糾結於兒時父母不和，憂憂鬱鬱，小小事就喊• 明白電影中一對新人要滿足父母嘅難處，但條橋咁蠢就真係令人傻眼

電影有點過長，男主角出色演繹！余香凝也值得一讚！

一日之內搞兩場婚禮係雙倍囍悅？定係雙倍詛咒？電影一開始用墨魚汁做引子、笑面佛像做重要道具，巧妙咁樹立男主角人設。男主角面對嚴厲嘅爸爸同事業為重嘅媽媽裡外不是人，藉住呢兩場婚禮嘅推進，透露出主要角色群（爸爸、媽媽、老婆同外父）各自性格。《雙囍》除左講原生家庭對於一個人嘅影響有幾大；仲想講一場婚禮每秒都有千萬樣野要決定、每個決定都可以係兩夫妻嘅爭吵位、放大左華人社會要應付「四大長老」傳統又繁複婚禮有幾咁煩（劇中係用男主角「兩對父母」交代）帶出結婚唔止係兩個人嘅事，係兩個家庭、再延伸到叔伯兄弟幾個「家族」嘅事；但電影最有意思、男主角成長曲線最大嘅位：係經歷一連串事件，最後發現其實結婚真係兩個人嘅事！無論啲煩膠親戚幾on9，到最後要行落去嘅都係你嘅另一半！無論原生家庭點樣影響你，電影都透過呢個故事祝福大家，希望大家可以好似主角咁走出陰霾。最好祝福埋你老婆係余香凝啦！佢真心超靚！另外有兩點特別想講：1. 由於《雙囍》拍攝於圓山大飯店，所以劉冠廷童年版出現係紅地毯時，我唔知導演有心定無意，鏡頭極度致敬《一一》，有睇過《一一》嘅人應該都有我呢個想法？2. 劉冠廷、楊貴媚、庹宗華好戲就唔洗講，做得非常之好；估唔到余香凝+田雞呢個組合都咁有火花：田雞個種慈父、唔捨得女兒出嫁、同埋無啦啦又會彈句9野嘅演出係我以往睇佢都無見過，原來佢做戲都可以咁有層次！余香凝就唔洗講，靚到咁睇佢做花瓶都抵，當然佢係呢套電影演出都唔失禮，可惜都係做個種乖乖女、温柔似水嘅角色，都係個種風格本色演出，無乜突破。

兩小時全無悶場，開場是那種會讓你不自覺地微笑著觀看的輕鬆小品，但隨著劇情推進，慢慢便能感受男主角因為原生家庭帶來的痛苦，再到後來慢慢得到解脫，起承轉合做得非常好。演員們相當到位，劉冠庭的糾結、余香凝的硬朗、老戲骨庹宗華和楊貴媚展現的矛盾，加上田啟文極有喜感但不浮誇的演譯，令這片生色不少。同為賀歲片，這片展現的眼界和層次比香港的高太多了，港產片要好好加油。