別離無恙

九成破地獄戲軌，十成典型日式文藝表達。既然同破地獄咁相似, 好多人都睇過哂，都冇乜好評，亦好難唔比較。破地獄係港式寫實風，呢套就日式文藝加少少奇幻風，好唔好睇只能講視乎觀眾喜好。本人就覺得此作比較典型日式平淡，欠咁啲激情，人物描寫較平板唔夠立體，關係比較簡單，茅盾位亦都較少同輕輕帶過，所以劇力亦都較平淡單薄。老實講, 我有睇錶。😅總括好難講邊套高啲邊套低啲，視乎觀眾口味。PS.• 本作有濱邊美波，都係一個賣點，一人包辦黃子華同許冠文角色 - 初入行嘅新丁、安撫活人同具特殊技能去安撫亡魂。• 演員演出認為破地獄完勝，本作男主角角色設計太生硬，木口木面，唔知係導演要求定演員演技問題，一啲都唔親切, 重話要撫平家屬心靈• 如果我之前冇睇過破地獄，可能會比 4⭐

同為殯儀題材 堪稱日版《破地獄》由目黑蓮以及濱邊美波兩大養眼人氣濱演員出演的《別離無恙》，榮登2026日本真人電影票房冠軍，入場人次突破330萬，日本觀眾激讚年度感人催淚神作，香港在正式上映前優先場早已出現一片紅海，惜上映頭兩天暫時未見太大迴響，望能趁著《寒戰1994》及《穿Prada的惡魔2》的熱度漸降下的一週可用口碑將《別》帶給更多觀眾。《破地獄》之所以受到香港觀眾喜愛除了劇本紮實外，電影透過殯儀成功將本土根深蒂固的文化帶到銀幕，除了破地獄本身，更將老中輩港人的性格言行由劇本的字幢行間演繹，成功將港人零碎的感同身受替大家說出來；而《別離無恙》的好看亦相近似，利用殯儀所見所聞滲透出日本人的一絲不苟，以及日本殯儀的禮數，只可惜將他國文化帶到香港亦能理解港人的不賣帳，對於一套電影的那份親切感不多不少都來自自身的經歷與劇情的雷同。單元式劇情銜接流暢但跳出文化框框，《別》的確為一套難得好看的催淚電影，劇本上的細膩作為觀眾是第一身所感受到，與《破地獄》雷同，電影以男女主角為主軸去見證單元式的過客故事，再將每一個所服務的對象去感受成長。《別》在每一個單元的銜接位都相當流暢，同行友人一語中的地表示單元故事形式要銜接得順暢並非容易事，港產片《緣路山旮旯》則是一個反面教材。淚點以劇情帶動細膩動人加上電影的淚點細膩動人，觀影前都曾擔心電影的淚點如《一路瞳行》般硬生生毫無起承轉合，加上對日本電影有種感覺在於每個角色的禮貌都泛濫得令人難以投入，但《別》催淚上執行得相當舒服，相比起硬生生用對白賺人熱淚，《別》是以劇情本身去帶動觀眾情緒，小孩靈魂彌留人間懵懵懂懂未知自己已身亡，即使嘴裡說著調皮的說話卻足以令觀眾眼眶濕潤，在動人方面我自己覺得比起《破地獄》更勝一籌。理解到《別離無恙》與《破地獄》的確有分別，要直接去比較兩套電影哪部更佳都對兩套電影本身不公平，但若果看過《破地獄》後對於生離死別的題材有興趣，的確推薦入場觀映《別離無恙》。

導演把人＇景＇故仔也拍得很美,感人又療癒心靈！

有人話《破地獄》情節鬆散，咁《別離無恙》可以話更鬆散。幾個家庭、喪主段落式小故事除左勁似《破地獄》，甚至更加煽情，煽情得有種用加過猛嘅感覺，我自己就比較欣賞《破地獄》個種內斂啲嘅感動啦。除左呢點之外，劇情極度易估都係致命傷。幾個段落式小故事、睇左兩段之後都知會講男主角嘅故事；中間又鋪下小小伏筆所以知最後會講女主角故事再出個煽情位黎完左個故事。果不其然成個故事流程同我想像中一樣嘅走，甚至連兩位主角嘅人設都估中9成，可以話個故事毫無驚喜。電影整體節奏都掌握得唔好，有啲偏慢節奏嘅電影都可以好好睇；但《別離無恙》係又慢又唔好睇，對白又唔精警、加上前面所講用力過猛嘅煽情。莫講話比唔上神級嘅《禮儀師之奏鳴曲》，就連港產《破地獄》都好睇好多。當然《別》都有殺食嘅地方：就係濱邊美波同新木優子好似又靚左，睇左咁耐濱邊美波都已經賞心悅目！

#別離無恙 #UntilWeMeetAgain大家好，我係 Wild Wildy！今日想同大家傾下呢部由日本純愛大師 三木孝浩 (Takahiro Miki) 執導嘅新作 —— 《別離無恙》(Until We Meet Again)。講到三木孝浩，大家一定記得《明天，我要和昨天的妳約會》，以細膩、純愛且具有清新畫風的執導風格聞名，佢處理遺憾美真係有一手。有影評形容為愛情片《天能》。今次卡司直情係「頂流組合」：由 濱邊美波 (Minami Hamabe) 飾演有特殊能力嘅清水美空，同埋 目黑蓮 (Ren Meguro) 飾演殯儀師漆原禮二。呢個組合一企埋一齊，嗰種憂鬱又唯美嘅氣場已經贏咗一半。第一季《全裸監督》飾演「黑木香」的森田望智亦有份參與。個個日本妹都好靚女。IMDb 評分：- / 10 Rotten Tomatoes：觀眾好評度達 - % 我給8.5-9分【讚】 改編自長月天音嘅小說。作者丈夫抗癌 5 年後離世，佢寫呢個故事係為咗自我療癒，亦都係為咗拯救有同樣傷痛嘅人。可以說超越了《破地獄》，論淚點 意境，日本仔有過之而無不及。當然《禮儀師》飲了頭啖湯，但當中的新元素和反劇情簡介： 濱邊美波飾演嘅美空求職屢屢碰壁，但佢有個秘密：偶然間佢遇到咗目黑蓮飾演嘅殯儀師，兩人因為呢個特殊能力展開咗一場關於「道別」嘅旅程。視覺風格： 依然係三木孝浩最叻嘅「真人版新海誠」畫風，每一格都靚到想 Screen Cap。可以話畫面唯美靚過新海誠《秒速五厘米》真人版。【Wild Wildy 觀後感：讚的部分】15分鐘精煉入局： 可恨我今次冇帶紙巾⋯⋯部戲 15 分鐘已經精煉入局，嗰種自然的憂傷同哀愁，好快我就流馬尿畫面說故事： 畫面真係靚到⋯⋯ 凡係黃闊鏡日本美景畫面：鐵塔 河道 櫻花… 都可以做wallpaper。有一幕櫻花樹下，timing 喻意 畫面 完美呈現。我體會戲入面講櫻花美，係因為佢會凋謝，而非四季不滅。人何嘗不是一樣？ 當然四季更替和輪迴無關。正正因為有終結，短暫人生才顯得寶貴；至親良朋離世才會痛不欲生；正因為有期待，所以相遇才更有意義。生者傷心，逝者留戀，導演用鏡頭拍出咗生命嘅脆弱同美麗。還有畫面強烈對比： 靈堂的黑與白； 生者的動與亡者的靜； 靈堂外落雪一刻，我剛乾了的淚痕又流下淚來跨維度的安慰： 戲入面融合咗基督教嘅概念，或者你可以話係「日式禮儀師 + 基督教」。最後片尾曲起咗首英文版嘅《Amazing Grace》，真係神來之筆。佢帶出一個好重要嘅訊息：Goodbye、道別，其實只係暫時嘅告別。【彈】（引例子微劇透慎入）虎頭豹尾： 我畀 8.5-9 分，係因為佢整體質素極高，但如果硬要彈，就係故事高潮位大概估得到會咁寫，驚喜感少咗啲。開頭接jobs 一樣米百樣人你估不到，但慢慢捉到套路就扣一點點分。故事沙石： 第三個故事同最後嘅大高潮位有少少「沙石」。例如入面對夫妻明明咁恩愛，可以真係唔見面？或者最後嗰個故事，意外如果就咁歸類為意外，會唔會寫得太簡單一點？（若寫得更不經意，轉頭才驚覺註成大錯可能更精彩）男主角是喪禮策劃和禮儀師合體，有時我覺佢安慰家屬時可能over左， 講多左。其實人家喊得最利害時可能講多錯多。不如靜靜地在旁輕拍膊頭算吧。安慰的盲點： 戲入面強調「我哋會再見面，…」，英文 崡Until we meet again; 中文譯做將要道別。你若沒有基督教信仰，那你的信心從何而來？ 最後豈不是空話？ 空安慰？有時為咗安慰生者，人會講好多自己都唔肯定嘅大道理。更何況，你根本唔知彼岸係點。真相只有一個： 所以耶穌死而復活嘅意義先咁重要。因為係有一個「真係死過又活過」嘅最高緯度生命體話你知真相，咁你仲要信邊個？基督徒都會傷心，但唔至於絕望。如果你和你愛嘅人有共同嘅信心、共同嘅事實，你哋終會喺嗰度再見。引申：愛是永恆： 信、望、愛，穿越所有維度，當中最大嘅係愛。盼望實現咗就唔使再盼望；睇到咗就唔需要信心；唯有愛，可以由而家遠足到永恆。因此亡者守候 引導？人真能逝者安息；生者釋懷？人要接受自己限制，有自己做不到的包括佛的放下貪噌痴… 如果能入深山修行斷六親斷七情六慾是有可能的，但能做到有多少？不如誠實接受自己做不到吧。對玩具我也不捨得，對我隻貓我都嚎哭… 那最大安慰真是復活信息：再見不是終結， 終有一天天家重聚，和古往今來同道重聚【總結】由永恆回望呢短暫嘅一生，其實就好似發咗一場夢一樣。 但如何在這又苦又短嘅人生作出正確選擇 擇善固執，才是人之為人的意義和挑戰。好電影有餘韻，絕對值得重看。呢部戲我絕對推薦。鍾意我嘅分享記得 Like、Share、Subscribe！我哋下次見，Bye Bye！

女主角演得好好，不過節奏比較慢