罪惡嘉年華

3.7⭐編、導、演、攝影、剪接、表達手法....等等各方面都冇乜問題，內容非常詳細，唔難明，不過好簡單一宗買兇殺人事件用140分鐘平淡手法去描寫不同人物及舖陳最後20分鐘殺科行兇過程同結尾，覺得喺戲院放映的話就未免有點難為了觀眾，幸好最後殺手行兇過程尚算緊湊，觀眾情緒總算能於較高點離開戲院。電影攞獎應該係因為電影對當時巴西社會同政治作出反映/批判，香港觀眾唔會唔明，不過投入度可能會相對低啲。PS.• 最後兇手行兇果段都幾緊張• 其實電影咁多人物，咁多嘢想講，拍成短篇劇集更好，電影的話，好多篇幅可以cut，例如殺手兩"父子”嘅描寫• 建議觀眾以一個平靜、祥和嘅心情入場去沉浸於電影中

導演太貪心拖得太長，有好多細節嘅嘢都不需要講，例如隻殘肢腳，好彩尾段槍殺案拍得很精彩，加返0.5分！

很美的镜头，很细腻的叙事，有点魔幻现实主义趣味，但故事讲得真是稀碎一坨。160分钟的电影至少有60分钟可以砍掉，甚至都讲了160分钟也没把这个主线故事讲明白，但感觉导演真的很沉迷很爱自己的复古美丽镜头，就问你美不美？主线故事I know what you are doing但怎么能把一个事情讲得这么东一片西一片的，很可惜啊

個人覺得套戲是不俗我會講，導演這種高度執行同處理手法，可令套戲好產生出一所好有重的包圍感。而這種包圍感正正是套戲被獲好評的元素。講真，套戲起首那五分鐘同尾段高潮追殺執行的一段，無論在剪接、鏡頭調度、情感營造、張力處理也是好高質素、精彩同準繩，而因此，這兩幕無疑可令套戲的整體質感大大地昇華。咁當然導演在塑造當時巴西這種彌漫白色恐怖氣氛的處理也是好精準，雖然他的走向不如我生如是繼續，但出來的效果卻如我般濃烈。而男主角華格納慕拿的演繹的確好高，他可以演繹出一個勇於反抗的知識分子，其中在錄音一段的演繹最為精彩。痴·影·夢·藝 X 的專頁 https://www.facebook.com/ckwunmovie/

個人認知中，南美國家的社會治安和管治一向都係强差人意，貪污、謀殺和搶劫都無法無天。男角因不忿被人强搶成果而遭暗殺，在現今世界每個角落都時有發生，有些更將受害者變成加害者，成了政治犯。因而在觀賞這電影時沒有任何震撼，也不了解人脚有何含意。個人不懂欣賞的這屢獲獎的電影。

第一，我唔覺得男主角嘅演技出眾，同甜茶冇得比。攞金球獎同康城影展獎都係啱晒歐美反抗強權嘅調子啫。第二，一開始1977，跟住回憶返幾年前同黑勢力結怨，逃避追殺，然之後跳到今日大學整理錄音帶，翻出舊案，接住喺今日同往日之間𣊬間轉移，中間冇乜轉折，突然眼前一黑，時代就唔同咗，男主角突然死咗喺報紙頭版，最後又翻生於今日，啊原來係佢個仔，已長大成人仲一個餅印，整體嚟講，劇情散收收，一時一樣，好跳脫但跳得好慢又唔清唔楚！去年《我生如是繼續》好好多，女主角完勝哩位同鄉男主角同去年奧斯卡影后。第三，文化差異係欣賞本片要克服嘅一個障礙，利申：我經常要整痛自己阻止鍾眼瞓🥱第四，最後暗殺失敗，變成警匪駁火，主謀追殺殺手嗰段好刺激好震撼，主觀鏡頭彷彿觀眾跟住攝影師，追住紀錄互相廝殺過程，即刻醒晒🤣🤣🤣第五，建議瞓夠又冇食飽（費事飯氣攻心）至好入場，葡文唔識聽，語速又快，追字幕都幾攰架😱😱😱