綿羊偵探團

CG羊群同對話生動有趣, 比起案情更精彩。人物最吸引係個差佬。不過差佬臨尾突然腦開揭穿案情真相有啲草草收場之感。

英式幽默，輕輕鬆鬆，羊仔很可愛

入場前無預期到個名萌萌嘅綿羊仔咁好睇，如果你只想睇偵探、推理的話，電影解迷部分你應該會失望。先講雖然我估唔到邊個係凶手，正宗係綿羊比我聰明，不過結局開估後都覺得其實犯案手法不太高明。不過電影最有趣嘅部份唔係推理，而係講「綿羊」嘅哲學。推理部分雖然普通，但用綿羊做主角就好有驚喜，當中穿插令人會心微笑有屬於綿羊又有屬於人類嘅笑話，而戲中亦不止一次令我覺得套戲用綿羊影射人類。綿羊有「遺忘」呢種能力，遇到痛苦嘅事就可以選擇「忘記」令自己唔好痛苦，人類無呢種能力當然會覺得係「鴕鳥政策」，但現在流行嘅「躺平」其實正正係講緊呢樣野？「痛苦的記憶會帶來悲傷，但最終腦海只會記得美好。」凡走過的必留下痕跡，記憶同經歷終身歸都係我地自己的。綿羊大佬Lily開頭係最聰明但紙上談兵嘅羊，始終突破唔到綿羊嘅天性懵懂無憂，經歷事件後由孤高開嘅Sebastian帶領離開Comfort Zone，成套基本上啲羊就係講緊人，甚至當然羊講出口嘅道理令人幾感動，詳細就留待各位親自感受呢種羊嘅哲學。每隻羊性格唔同、都令人印象深刻；與之對比係人類角色除左主角外基本無咩描寫，或者因為要刻意隱藏線索作最後扭橋？人類角色我除左最喜歡Hugh Jackman外，要數到警察個個角色！？前段刻意寫到佢廢柴咁當笑話笑，後面發現其實爛船都有三分釘，人類角色中要數到佢成長曲線最大。不過電影始終係「綿羊」做主角嘅故事，呢班綿羊除左CG有小小假外，我真係覺得無咩缺點，實在係幾好睇！

#綿羊偵探團 #TheSheepDetectives大家好，我係 Wild Wildy！今日想同大家傾下呢部 2026 年嘅英美合拍推理喜劇片——《綿羊偵探團》(The Sheep Detectives)。呢部戲由《壞蛋獎門人》系列嘅 Kyle Balda (凱爾·巴爾達) 執導，而編劇就犀利喇，係神劇《 Chernobyl 》同《 The Last of Us 》嘅 Craig Mazin (克雷格·麥辛) 親自操刀。卡司陣容亦非常鼎盛，主角係大家超熟識嘅「狼人」 Hugh Jackman (休·傑克曼)，飾演一個鍾意讀推理小說畀羊聽嘅獨居牧羊人 George，另外仲有 Emma Thompson (艾瑪·湯普遜) 同 Nicholas Galitzine (尼可拉斯·葛拉辛) 等人演出。睇電影預告片嘅時候，我以為係低低能能、兒童向嘅一般 CG 動畫+真人戲。若不是太太要我陪佢睇，我根本唔會選擇入場。但睇過之後，我承認我絕對誤判咗：We should not judge a book by its cover! 呢套嘢絕對係 2026 年嘅驚喜之作！IMDb: 7.7 / 10Rotten Tomatoes: 95% (Critics) / 96% (Audience)劇本寓意深遠，披著羊皮的眾生相劇本同埋當中嘅寓意，我個人會畀 10 分滿分！難得題材咁豐富，但竟然做到環環緊扣，完全冇眼高手低，劇本精煉到令我拍案叫絕。呢部戲除咗交出一個高質素嘅偵探推理故事之外，我更欣賞佢用一班「群羊」去比喻人類社會嘅眾生相。透過羊嘅視角，套戲講緊我哋每個人喺人生中會面對嘅難處、抉擇、救贖，甚至是宗教與信仰：herd mindset (群羊心理)：戲入面好深刻咁講到「記憶是痛苦的，1-2-3 選擇忘記吧！」好多時人云亦云、盲目跟從大隊，好似羊群咁（Herd mindset），為咗逃避痛苦而寧願選擇遺忘真相；相反，戲入面隻 loner 羊（Winter lamb Geoge）如果選擇不忘記事實與真相，就注定要成為小眾、承受孤單！但戲入面話畀大家聽，唯有堅持「不忘記」，伴以美好嘅回憶、真相，先可以做到救人救己。完美形象化與反諷：編劇將好多人生哲理完美咁形象化。好似戲入面兩兄弟打交，打到最後連自己都唔知為嘜；或者啲人總係用簡單因果去斷定「邊個就係凶手」；仲有嗰條石屎路，啲羊話一生人未行過就唔想過，根本就係諷刺緊我哋人類唔想離開「安舒區」！DNA與自欺欺人：講到 DNA 嗰段直情係神筆！真相只得一個，哪怕你要易容、要做結構性轉型手術，你嘅 DNA 仍舊改變不了。你唔去面對，就只能自欺欺人咁活下去。神抽信仰嘅哲理：資訊量雖然好大，但有條不紊，甚至講到傳承、家人同愛，簡直完美。當中仲有一幕神抽信仰，話「這個上帝真是慘」，完全玩緊 Yes and No 嘅反思，大膽得嚟又好有深度！預先一睹 Heman 風采：可以提早喺大銀幕睇到 Nicholas Galitzine 演記者嘅風采，對影迷嚟講絕對係另類紅利。宣傳與卡司的歲月痕跡雖然劇本驚艷，但喺宣傳同埋部分演員嘅狀態上，依然有啲令人遺憾嘅地方：預告片同戲名零吸引力：老實講，無論從《綿羊偵探團》呢個戲名定係初版預告片睇，包裝得太像一部無腦合家歡兒童片，完全展現唔到入面咁高質嘅推理同埋深層寓意。PR 團隊真係要好好檢討下點樣宣傳呢部好電影，如果唔係好容易被觀眾直接 skip 走。「狼人」真係老了：Hugh Jackman 已經快 60 歲，喺戲入面睇得出佢真係老咗好多，成個人有種滄桑感。我自己由佢 30 歲做 X-Men 嗰陣一直睇到依家，見到歲月不饒人，心入面真係有種莫名嘅感慨。女主角顏值普通：女主角喺大銀幕上嘅表現，確實不夠漂亮，呢一點對於追求畫面賞心悅目嘅觀眾嚟講，算係一個小小嘅彈位。Wildy 小結我睇呢部戲之前，連續兩日只係瞓咗 4 個鐘，本來以為自己會頂唔順恰低，但全程我只係處於迷糊狀態，完全沒有睡着，因為劇情真係好吸引！總括而言，劇本 10 分，當中的深意 10 分，連班 CG 羊仔都拍得好有靈氣。如果以整體觀感嚟睇，我會給予 8 至 9 分，係非常貼近 9 分嘅神作！大家入場睇咗呢部戲未？你又覺得班綿羊仔幫主人查案嘅隱喻啱唔啱你口味？歡迎喺下面留言話我知！

導演投入大量心力拍攝羊隻的可愛鏡頭。儘管劇情中部分查案情節略顯牽強，但仍不乏幽默之處，足以吸引觀眾入場觀賞。

故事簡單易明，適合合家歡。也包含一些對大眾盲目的羊群行動，對其突破，和生死都有一點人性寓言。最後，小羊們都好可愛令電影可觀情性大增。