邊緣行者

3.2⭐除咗河國榮，重有曾江。 兩位偉大嘅香港演員都係演大反派。🫶本片都係典型香港黑社會、卧底片，全港星，都有港味，但係全都上哂年紀，重要出嚟落手落腳冧友行蠱惑、做卧底，真係睇得有點老尷，最後生果個都要算係唔唱K了。🙄呢把年紀照計已上哂位，唔駛下下自己落手落腳做行動組，尤其任賢齊，重要夾硬扮後生做卧底。不過任達華雖然手背都已經縐哂，但整體個look 係型嘅。睇成班老戲骨演戲都算 ok 既～～不過電影本身就真係一般般嘞！卡士係強，串星亦強，製作預算應該都唔算少 (我唸起碼高過"我們不是什麼")，但拍出嚟嘅效果無論飛車場面、動作場面、攝影、剪接都好似睇緊電視電影咁。故事劇情方面，講述97前香港警、政、黑勾結，互相滲透，幕後英國佬正衰人攪亂香港，.... (下省一百幾十字，大家明㗎啦！ 費事劇透）🤣🤣🤣。膠劇情、犯駁位一定有，唔駛擔心。整體電影似串流電影，都叫冇悶場嘅，但要順勢而睇，千祈唔好拗囉！🤣 又可以話係睇演員好睇過個戲。PS.入場其實最想睇嘅係河國榮，點知有埋曾江，兩位都係曾經對香港娛樂事業作出人生最大嘅貢獻，尤其河國榮，欣賞佢雖然係一個外國人，但對香港呢個地方同文化嘅熱愛比有啲所謂"土生土長嘅香港人”更愛香港，而佢對動物嘅愛護亦有目共睹。佢兩位永遠會留喺香港嘅娛樂史上。

Preview到個cast list果刻，都幾驚喜，算係大堆頭，好多粒星喺入面，特別見到有河國榮同曾江，好令人懷念！劇本係老土江湖故事，都係大路劇情，執行上對班老演員嚟講，可以話係駕輕就熟！扣分位係粗糙既特技CG…同埋甩咀嘅對白+奇怪字幕（喂字但佢不斷譯做餵…睇到黑人問號🤷🏻）

一首當年情，扣起不少回憶。戲中好戲之人甚多，有健在的有離去的。 一套純港產片，也值支持力度。

香港電影產業需要各界支持，儘管資金來源於內地，但仍展現出濃厚的香港本土動作特色。演員的表現可圈可點，尤其是任賢齊對微表情的拿捏尤為出色。影片中的槍戰和賽車場面亦充分體現了香港獨有的風格。懇請支持香港電影的觀眾入場支持！任賢齊依家做男主角同佢以前拍啲戲已經唔同境界，唯一唔明白點解要搵歐錦棠做配音？

作為小齊嘅忠實影迷，今次終於等到佢主演嘅《邊緣行者》上映，睇完之後真係激動到想即刻推畀身邊所有朋友！黑白邊緣嘅故事講得極有張力。任賢齊飾演嘅阿駱，多重身份、內心掙扎演得入木三分！佢嘅眼神同爆發力，簡直係呢套戲嘅靈魂。任達華做黑幫龍頭依然夠狠夠穩，兩位老戲骨對戲嗰場景睇到人血脈僨張。導演黃明昇將犯罪、驚悚、懸疑同動作元素混得好緊湊，全程冇一刻悶。最可惜就係電影場次實在太少！好多場次一日得一兩場，咁好嘅香港電影，戲院點解唔加場呀？真係希望大家一齊去支持，畀戲院睇到觀眾嘅熱情，盡快增加更多場次啦！