劇場版 我與機器子

3.8⭐本片類似荷里活嘅"攪乜鬼奪命雜作"，不過係日本動畫版，惡搞嘅係日本動漫作品同動漫行業/文化。基本上本片故事瘋狂無厘頭就預咗，亦跟上潮流玩多重宇宙，差不多每一個人物設定、畫面、對白、鏡頭都係惡搞、諷刺、調侃其他動畫作品，對日本動漫/文化、日本人嘅幽默/喜感有資深認識同接受嘅觀眾會睇得會心微笑。本人就覺得幾過癮，輕輕鬆鬆一個鐘，唯片長較短，冇咁抵睇，但喜歡日本動漫嘅觀眾會有所共鳴同體會到其笑點，可以一看。PS.• 買飛送特典漫畫書仔• 最like北斗機器子造型😄• 睇本作(或呢類戲)最緊要留意細節，無論畫面、設定或對白，趣味都藏在其中待觀眾發掘。• 我係白紙一張入場，只要你對日本動漫文化有較深資歷，就可入場。睇完呢套電影版都有興趣睇返佢嘅TV版。