殺神John Wick之芭蕾殺姬

4.3⭐故事簡單、大路、直線，劇情發展都係expected。但導演處理得好，故事節奏推進得宜冇拖拉，動作場面分佈同故事取得平衡冇悶場，爽度幾高。👍全片好多嘢要讚。首先，女主角好正！有charm又抽得，打鬥場面入型入格，冇姐手姐腳，當然有唔少係替身，但總算打得出色，入得槍房，出得廳堂，打得又睇得。👍動作場面設計出色，又爽又有型格，唔會好似正傳果種帶cult味/玩味同太過戲劇性，打法同速度爽/快過奇洛嘅style。最鍾意火焰噴射器果場，設計出色，有新意，好精彩，畫面靚，我鍾意！燒雜魚好爽！👍另一個亮點係有殺神嘅加持，有佢點綴，成套戲精彩同抵睇好多。最後果句 "He is dead." 好正！👍今作攝影、剪接、CG都幾好，好多畫面都幾靚。音效方面，今作槍林彈雨、爆炸連連，音效出色，最好揾間音效好嘅theatre睇。整體係一齣高質爽片，睇完冇投訴，值得入場。👍PS.• 本人睇LUXE 大銀幕 + Atmos版，視聽效果滿意。• 覺得女主角+John Wick 重好睇過盲公+John Wick 😅• 殺手組織大嬸咁多人唔揾，揾個有獨立思想嘅Johnwick去做嘢，真係自己攞嚟衰！🤣• MCL 會員入場有A3 海報送，其他院線就唔知。• 字幕後冇彩蛋PS 2• 我2刷咗MX4D版，下半場感覺唔錯。• 睇咗兩次都未能exactly define 對家到底同樣係一個收錢做嘢嘅保安及殺手組織(行家)？還是係一個黑幫？還是係邪教/宗教組織？民族？有冇師兄可以賜教？😊• 攞埋Johnwick款海報

呢個系列其實都唔係好洗理故事，基本上係以動作場面取勝，依家只係換咗女版去延續，而今次係交足功課，冇因為用女主角就留力

<殺神John Wick 之芭蕾殺姬> (124mins)福評：殺神系列頭三集都是以奇洛李維斯擔正，用男性角度盡顯打鬥場面的暴力美學，讓人看得精彩之餘亦都有一口氣廝殺的快感，但是去到以女主角Ana 擔正的這套芭蕾殺姬，只能夠以一個美少女打得出色的賣點去形容這套打鬥片，女主角真的打得出色，看得出他是經過訓練亦都有美感，畢竟她也是一個非常漂亮的美少女；但是文戲方面就真係交代得非常草率，亦都以多場以一敵眾的畫面，又係出現老問題，以一敵百的確殺得很爽，不過完全不合乎邏輯，有一種「又係死極都死唔去」&「永遠中槍中都傷都冇事」的感覺！今次戰鬥場面有一些非常造作的刻劃，最離譜就係用噴火槍的這一幕，很多觀眾也看到發笑，太刻意，太造作！最後想講奇洛李維斯本身以幾個鏡頭交代客串而已，不過因為可能號召力不足或女主角難以繼承John Wick的續集，奇洛李維斯補拍的這一段，完全以故事軸心脫離，可有可無，他的對話亦都非常生硬，看似AI奇洛李維斯，非常不合乎人性及故事邏輯性，亦是這片的敗筆！福分：70分IG: @fuksir_movie

呢種電影劇本劇情其實唔重要 最緊要都係唔拖泥帶水 節奏明快 而佢全部做到仲要叫做有一個完整的復仇故事 可以話超出預期唯一估唔到係講到女主角咁勁，對住殺神竟然…但唔想諗嘢純欣賞動作呢套戲可以叫做一流！

Always a fun time watching Ana de Armas kicks some ass, with style!!The movie admittedly is quite shallow, and it has a weak opening. Fortunately it gets progressive better as the action sequences kick in. The creativeness of its weapon usage and stage choreography make it worthwhile as a theatrical experience.The movie also pays good homage to John Wick, I think fans will find this movie respectable of John Wick’s legacy, and find his sequences entertaining in equal measure.Overall, I’m not getting tired watching Ana de Armas rocking in cool outfits and firing flames at people. Looking for more.Verdict: 78

沒有睇之前的作品入場也ok, 故事簡單，打鬥場面夠爽，娛樂性高。