奪冠 (原名中國女排)

劇情屬一般老梗，但人物角色的衝動不足，人物角色的感情位未有舖墊，就像一套紀錄片般，完美還原經典賽事。

陳可辛今次挑戰運動題材，以為會有更多情感上嘅情節及令人震奮既場面，可惜只有平平無奇嘅故事，淡而無味既戲味，上半部係講年輕時期既郎平及女排團隊，反而有睇頭，有鬥志有熱血有傻氣，演員們演出自然及落力，起碼到比賽場景都有正路既感覺，反而下半部後期故事淡薄左，講郎平又唔夠深入，講女排又表面，最唔好睇竟然係排隊比賽場面，不緊湊不戲劇性，畫面凌亂，平淡嘅比賽節奏不能令觀眾有一絲的緊張，讓故事現實化不如去重溫奧運，欠缺激動人心的情節，就係熱血運動電影最敗筆之處。

1.原名『中國女排』嘅『奪冠』因應武漢肺炎肆虐而撤離賀歲檔，隨着大陸聲稱疫情受控而逐步放寬影院限制，電影立即火速鎖定十一連假檔期，可惜票房被『姜子牙』同『我和我的家鄉』蓋過。.有趣係電影其實上年年中先開拍，陳可辛拍完網球手李娜嘅自傳後又一涉及運動題材電影，當中更牽涉些少敏感題材，佢點樣處理呢啲材料同呈現出嚟確實考功力。所以唔多唔少希望透過呢套戲窺探佢會點做，從而調整對『李娜』嘅期望值。-2.運動就係展示國家軟實力嘅機會，尤其啲發展中國家渴望讓全世界嘅人都認識佢哋，名副其實「選手一小步，國家一大步」。亦能團結人民上下一心增強民族性「我係中國人啊屌」。.喺如此主旋律嘅題材下，自然涉及大量中國國旗出現下群情洶湧睇比賽場面，亦唔少得頒獎禮上奏國歌嘅兩幕，完完全全係比觀眾打飛機嘅最好時刻。等佢哋覺得身為強國人有幾咁光榮。.不過戲中主角郎平現實被牽涉各種政治風波，由八九十年代黨內權力鬥爭矛盾、再到08奧運為美國隊擔任教練遭到大量中國人批評佢係賣國賊云云。要喺唔得失國家兼真實人物下，選取合適片段出嚟成為故事內容確實好難。-3.因而全片最大問題就係無法定位電影真正想講嘅內容 - 到底係「中國女排」、「郎平傳」定係「奪冠」？.無獨有偶呢個問題同樣出現係林超賢導演嘅『破風』，雖然係虛構故事但當中情節涉及兩項大賽，編導過分貪心下無法清晰刻劃出故事。放返去『奪冠』嘅情況，頭一小時有關中國女排喺81年東京世界盃備戰同比賽過程非常豐富，其實頭尾加返啲片段已經可以獨立成為一套電影。.而呢一段嘅完結確實好似普通電影咁，透過字幕交代兩位角色跟住嘅去向，恍似電影完結咁。假設電影只有呢段，咁叫做『奪冠』完全係切合主題，可惜之後第二同三段卻分散電影主軸。-4.呢刻不得不提電影年初忽然改名，有傳前教練陳忠和不滿醜化自己、向體育總局表達強烈反對、揚言要求刪除所有同佢有關嘅片段。拍套主旋律電影但牽涉咁大嘅紛爭，睇住咁多位老細面色陳可辛亦只能委屈求存。.所以明顯見到戲中有幾幕係後期配音完全唔啱口型、模糊化大部份角色，原本由彭昱暢同黃渤飾演嘅陳忠和亦變成「教練」刪減名字、多個位置有重新剪接同強行加上字句嘅痕跡⋯⋯.就同『少年的你』一樣，我哋已經睇唔到導演同編劇嘅創作原意同構思，只見到為求符合國情要求嘅怪物，就咁按現狀評論電影質素絕對唔理想。-5.電影第2段就跳到去08奧運「中美排球對決」，主要突顯郎平面對遭國民唾罵、面對舊隊友離世等因素後決意回歸中國隊嘅心理轉變。而第2同3段嘅接駁部份係全片最出色嘅位置 - 郎平憑着過往喺國外管理經驗，改革嚴重過氣嘅中國女排操練方式。.第3段就以郎平率領女排喺16年奧運同巴西對決嘅場面，你以為呢一場係總決賽？其實只係八強嘅賽事嚟。電影並唔似一貫體育題材電影咁，層層遞進鋪墊到最終極嘅賽事身上。.再加上所分配嘅片長亦嚴重失衡，呢場中巴對決係略短於第1段同日本打嘅決賽，呢種處理方法都幾愕然。儘管最終中國贏取當屆奧運金牌，但嚴格上電影所呈現嘅段落唔貼切『奪冠』嘅標題。.不過顧及電影未有呈現出嚟嘅原意，相信係想刻劃返主角郎平因而選擇呢場賽事。-6.本身諗住睇吓陳可辛處理呢個題材搞成點，點知最終變成睇佢點樣格硬扭橋滿足阿爺要求。有電影人話喺大陸只要唔涉及政治題材，基本上乜戲都拍得，呢套戲明顯摑佢一大巴。.今日阿爺睇你唔順眼，想點玩你都得。

排球場上的攝影、振奮人心的對剪節奏、80年代的映像舊化，都是畫面上悅目的示範！

寫影評只是個人對電影的理解力，對與不對，笑駡由人。以電影水平角度，此片勵志; 拍攝技巧，娛樂性等，都很有水準，值得觀看。

一套能令人熱血沸騰的電影，中國女排的奮鬥過程，真的令人感動。陳可辛拍攝人物性格、關係等都十分出色，而由現任中國女排去演繹回自己，更令觀眾投入。