不赦之罪

個人覺得套戲是出色，我會講整套戲無論在劇本、執行的完成度也好高。兩位導演無論在調度、節奏、角色塑造等，均是到位。我反而會覺得這個版本有點過短，有些章節的描寫有點被省略，如果將來有一個比較完整的版本，出來的效果會更好同更完整。的確，這套無疑是一套以探討信仰同人性之間衝突、嫌隙同界線作主軸的片，在這方面上， 兩位導演的處理是好睇，無論在敘事角度執行、角色之間描寫同鏡頭意境配搭均是好到位，一點也不會浪費這個課題，這點可能因兩位導演也有宗教背景有關。咁當然，講演員演繹，的確無什麼可挑剔的空間，無論是秋生、玉華、Grorge也是好好睇，三者互相之間火花同互動也是好高，好多場的處理好高，當中個人最喜歡、梁牧師同Grorge初碰上、快餐店同最後一幕（個人覺得這幕有少許向的士判官致敬）的處理。痴·影·夢·藝 X 的專頁 https://www.facebook.com/ckwunmovie/

2.8⭐一套關於罪與罰、寬恕與仇恨題材嘅電影。導演/編劇刻意安排角色身份同宗教/意識形態嘅對立嚟產生戲劇效果。意念大膽，可惜處理麻麻，尤角色設計，心態同情感轉折處理突兀，尤其牧師兩公婆，開場同完場時完全兩個人，但中間心態轉變欠描寫。女兒個性反差亦太大，又冇解釋做乜要整蠱男主角，但整蠱完又冇好開心，欠解釋、欠描寫，動機不明。男主角角色亦有點兒過份天真，尤其出獄後，只懂對牧師講"我唔知”、“我唔知可以點做"，似乎果幾年鐵窗生涯係白過，冇用過個腦。奇怪角色塑造/設定令我投入唔到角色內心世界。牧師夫婦同男主角三個角色關係仇深似海，但又擦唔出火花，拍唔出戲劇衝突效/茅盾效果，尤其牧師同男主角，演出毫無戲劇性，好似各有各演咁。最後以黄秋生接載男主角作結尾亦有點模稜兩可，收得唔靚。整體本人覺得套戲係拍得唔係好完整，好多地方都怪怪地，能演嘅演員都冇乜表現，觀影感覺麻麻哋。導演/編劇下次努力！🙏PS. (含劇透)• 最令小弟覺得奇怪係男主角犯法，經過一輪警方調查同審訊過程，男主角竟然完全唔知到牧師兩公婆就係女同學嘅父母，難道兩公婆(受害人父母)都冇去過法庭作供，當面作供指控男主角？• 牧師突然眾目睽睽下大發神威企圖浸瓜男主角，意圖謀殺，屬嚴重刑事罪行，理應坐翻十碌八碌，但電影完全無提及，浸完男主角之後只講佢揸 Uber 接載男主角，好似乜事都冇發生過咁，怪怪她，好似差咁啲嘢咁。• 女兒雙面人，整蠱男主角導至男主角憤而向女主角施暴咁重要嘅案情，關乎男主角犯案動機，照計喺警方查案同法庭審案過程已揭露哂出嚟，牧師兩公婆作為死者父母冇聽審？又唔睇報紙？控方律師冇同你兩老keep 住跟進案情發展？兩老又完全冇跟進過愛女單案，對單案一無所知？乜佢哋唔係好緊張個女嘅咩？竟然要犯人男主角事隔咁多年咁啱唔覺意話比佢聽先知自己個女玩弄男主角？編劇真係太粗蔬啦！為扭橋忽略合理性。• 睇完套戲我反而同情男主角，牧師兩公婆應該為教女不善向男主角道歉同請求上主赦免佢個女嘅罪。• 總之成個劇本好多沙石，講唔哂。• 其實套戲只得84分鐘係偏短。呢個題材大可拍多20-30分鐘去加強人性刻畫/轉變同彌補好多交代不足嘅劇情，令電影完成度提高。亦可以參考日式文藝片嘆慢板沉浸式表達手法。

看完不赦之罪，就感到每人都是罪人，不論死者、強姦犯、父親、同學都有大小不同的罪，母親之前也是太順從父親。做錯了也只會責怪其他人，自己的錯就由電影中的全知視角讓觀眾判斷。

兩位年輕導演配兩大資深演員，處理如此另類但沉重題材，毫不費力，劇本扎實👍👍👍

演員將個張力演出成功了好似冇乜劇本，咁埋身肉搏講宗教人士嘅矛盾掙扎 。劇本有犯駁之處，但重點真係會讓觀眾投入，思考：如果我係牧師，赦定不赦？ 如何真心赦？ 如果對方真心悔改，真係赦？ 赦唔赦自己有得話事，定上帝代你赦，你幾唔情願都跟住赦？ 會唔會上帝代你赦咗，你仲嬲？因為自己其實仲未想赦 。希望是否有信仰都入場去感受 🙏🏽

後半部分的反轉很有人性，能感受到牧師的憤怒和掙扎，黃秋生不愧是香港最好的演員之一！這個角色很適合他