犯罪101

犯罪電影，卡士唔弱，入場前有啲期望，點知....唉～～！🙄基本上大橋不十分新鮮，以黑吃黑，加上警方介入，大路橋段照計電影應該穩打穩扎，點知導演嘆慢板，同你玩拖戯，口水多過動作之外重要安排一條無鬼謂謂嘅感情線，令一套正路可以一百零幾分鐘完結嘅警匪鬥智動作爽片變成乏味嘅劇情片。另外，本片所有角色個性轉折隨導演/劇情需要話變就變，簡直係精神分裂(PS)，令劇情牽強欠說服力，整體電影只屬一般貨色，有唔少吐槽劇情。PS. (含劇透)• 角色轉變話變就變- 感情線條女一開始話自己感情選擇好嚴謹，點知轉頭就主動挑逗男主角- 保險婆本來行老正，深信努力可上位，重拒絕男主角合作，點知比老細噴幾句就即時變做壞人參與犯法- 電單車手身手不凡，劇情需要時就打不死，最尾劇情需要佢死時就無啦啦發台瘟收皮🤣🤣🤣- 警長主角一直正義凜然死咬男主角唔放棄，最後又輕易放人，重要做埋黑警，真係攪唔掂！- 男主角乃非常有個性同專業匪徒，點知又係隨街溝女嘅普通健康正常好色男人。• 基本上除咗無謂感情線條女係好人之外，其他角色都係壞人 😅

陣容頂盛，鏡頭美麗，靜觀/瑜珈導師聲音治癒這大概是電影最棒的地方節奏相當緩慢，但對劇情推進沒什麼作用，建立角色出來卻沒大意義，老實說，預告片可能是最精彩的一段。如果期望精彩絕倫的諜對諜，可能要失望。理應驚險刺激的飛車場面，這裡看來不如看人玩Mario Cart還要刺激。只是看帥哥美女和美麗的鏡頭過場，又真是沒必要浪費140分鐘的感覺。要說正片最棒的地方，大概是尾段車裡面的對話。

《 #犯罪101 》#Crime101 取自洛杉磯主要幹道101，也有犯罪手冊的意思。IMDb 的確係 7.7，Rotten Tomatoes 影評人 88%，觀眾 85%。如果《盜火線》(Heat) 係神作 9.5 分，呢套攞 7 分真係差唔多，屬於「高質模仿生」但未到經典神級。百看Heat下，這個一看無妨。《犯罪 101》影評：精緻但「大意」的 LA 犯罪課呢套戲可以話係寫畀 Michael Mann（《盜火線》導演）嘅情書，Bart Layton 執導確實拍出咗嗰種 LA 浸味，但劇本彈時再詳談。有Heat影子，新錄巨人(Mark Ruffalo演忠直Lou)演老差骨，被老婆戴綠帽一些鏡LA廣角鏡，由遠zoom近 （加多了淺景深，高速公路連串迷矇的燈，或摩天大廈映照的車燈）除了警匪，多了保險重業員佔一席位（Halle Berry)例牌先讚後彈：🟢 讚（優點）：視覺與演技嘅饗宴LA 浸味返晒嚟： 攝影真係冇得彈，由遠 zoom 近嘅廣角鏡，配合嗰種淺景深、高速公路上迷朦嘅車燈，加埋摩天大廈反射嘅光影，視覺上完全有《Heat》嗰種都市孤寂感。犯罪都市下眾生相以鏡頭盡現。「變形俠醫」變「老差骨」： Mark Ruffalo 演呢個 Lou 演得好有味道，嗰種忠直但又帶點潦倒嘅感覺（仲要被戴綠帽，慘到極點），將一個處於崩潰邊緣但又專業嘅警察。差人之間的角力是稍為豐富過heat，但其他全輸。除警匪角度，保險業參一腳，不會太似Heat： Halle Berry 演嘅保險從業員角色係個亮點。以往警匪片多數係兵捉賊，今次加入埋保險理賠或否這個「第三者」視角，層次豐富咗，Sharon 同警/匪嘅合作亦令個佈局多咗新鮮感。🔴 彈（缺點）：講就「101」，做就「小學雞」（引例子微劇透慎入）CCTV 係裝飾品？ 呢點係最致命。套戲叫得做《犯罪 101》，即係話主角係專家，點知雷神（Chris Hemsworth）竟然會：雷神（Chris Hemsworth 演Davis)忘了車cam除頭套；雷神忘了便利店有cctv;酒店 CCTV 陣： 入房同走廊咁多鏡頭，佢好似當佢哋透明。呢啲細節令「專業犯罪」呢個設定變得好冇說服力。除頭套/無頭套真係睇到人「黑人問號」。兵賊交鋒太少： 兩大巨星（Ruffalo 同 Hemsworth）對立面唔夠強 (若對比Heat兩大影帝 羅拔迪尼路阿爾伯仙奴更甚），成套戲大部分時間係各行各路，去到最後一幕先真正正面交鋒，火花唔夠《Heat》嗰種雙雄宿命感咁強。結局太「童話」兼鬧劇： 尾段 suite 套房嗰場戲真係有啲滑稽，大家突然間變得好「任性」，個結局收得太過理想主義（童話式），喺現代咁嚴密嘅 CCTV 網絡下，Lou 竟然可以咁樣放人或者改寫結局？除非全 L.A. 嘅警察都係hea爆懶到出汁，否則 Lou 嘅「轉行」同埋成件事嘅收尾真係好難講得通。至於 Halle Berry，佢係 1966 年出世，2026 年真係 59 歲喇（不過佢保養到似 40 尾 50 出頭真係痴線）。佢有度兩家「茶禮」/爆響口唔太合理總結： 呢套戲係食「情懷」同「畫面」嘅。如果當佢係一場視覺盛宴值回票價。但如果你追求好似《Heat》咁嚴謹嘅犯罪心理同邏輯，你可能會覺得個「犯罪專家」Mike 其實只係一個比較靚仔嘅「笨賊」。正因如此，原著小說（Don Winslow 寫嗰本）同電影改動我都懶得做附錄

為個卡士同片種入場，已經頗長時間冇乜呢類戲上嘞。可能好多人係想睇槍戰飛車動作，或者兵賊追逐扭橋多啲，咁就未必好滿意，呢兩方面只係合格啫。其實套戲個佈局、情節係直接而簡單，反而係落好多心機去描述三個主角，由現實、遭遇、友人/同僚幾方面嘅轉折，迫出嚟作出「正與邪」嘅抉擇，由呢個角度去睇部戲，就好get到導演嘅取向，唔會有咩犯駁，因為講到尾，一個孤獨、缺乏愛又不懂愛嘅善良專業賊匪，一個失婚、忠實、唔爭名利嘅潦倒經驗老差骨，一個靠自己孤身力爭上游、獨立而脆弱嘅老姑婆保險高層，大家不約而同被迫「犯錯」，最終各自突破咗個局再上路，我幾鍾意呢個結果，亦睇得過癮，同場觀眾，都有get到啲幽默位，有啲笑聲，相信都有啲人都欣賞部戲嘅。

個人覺得套戲是不俗。我會講，套戲整體是在同類片內屬中規中矩的，有張力有劇力飛車場面好睇，故事走向同導演內涵處理有點眼高手低，好多位應該再雕琢得更細緻但出來卻效果不及預期，最後卻有點同類似題材的片有所重複，而劇情套路走向轉變也過於草率，不太有自己獨特之處，這些無疑是套戲扣分點。講真這副演員組合，理應可以帶出更有張力的演繹，但出來好比預期中有點落差。痴·影·夢·藝 X 的專頁 https://www.facebook.com/ckwunmovie/