夜王

今年賀歲檔港產片論卡士論製作，夜王應該牌面上已經贏哂，有黄子華，鄭秀文，又有一班靚女。論古仔，本片不算什麼新鮮高層次精緻故事，不外乎夜場背景，夫妻鬥氣，第三者感情線，老千局等等，呢啲元素以往港產片拍過N次，不過換上黃子華模式包裝，卻又有其可觀性...冇計，當時得令是也！另外，編劇方面，之前提及幾條故事線處理不俗，能互相扣連，冇劇情鬆散感覺，不過中段較著重劇情，笑料少咗，令趣味性稍微下降咗啲。而最尾嘅騙局亦比較急速同牽強，唔夠過癮。本片演員當然係本片頭號賣點。黃子華雖然依舊好睇，但喺本片除咗講粗口同 show 肌外，演出上睇唔到有突破。鄭秀文角色算係新挑戰，整體表現算不俗，拍得住黃子華氣場。楊偉倫主力負責攪無厘頭 gag，都幾搶鏡。驚喜新發現係葵芳，雖然戲唔多，但什有個人獨特喜感，令人印象深刻，希望嚟緊有更多演出機會。整體故事結構緊密，言之有物，保持黃子華金句 style，製作品質中上。今年賀歲片如果只能揀一部的話....就係佢。PS.• 以黃子華賀歲片嚟講，個人較喜歡佢飯氣攻心第一集表現，演譯角色較精緻細腻

《夜王》的笑位，以最地道的港式「啜核」粗口，簡單直接引爆笑彈，讓觀眾看得過癮。這齣陰盛陽衰、群雌粥粥的賀歲片，電影新鮮人蔡蕙琪與廖子妤兩位的演出，留給我的印象最為深刻。蔡蕙琪的戲份不多，憑着一口「唔鹹唔淡」的廣東話先聲奪人。繼而在電影中後段，一幕短短數十秒的身世剖白，由悲從中來轉變為喜不自勝，表現如羚羊掛角，不着痕跡。蔡蕙琪既能搞笑又能駕馭複雜的內心戲，真不愧是演藝學院高材生。廖子妤是近年個人非常喜歡的其中一位女演員。片中，她驟聞謝君豪表白時的乍驚乍喜，向黃子華告別時的柔腸百轉，皆含蓄且極具感染力。相信不久的將來，廖子妤可望戴上金像獎最佳女主角后冠。《夜王》的故事背景，設定於香港夜生活由盛轉衰的最後掙扎。聽朋友講，九十年代是尖東日式夜總會最風光無限的歲月。「電燈着鬼掹腳」，每晚華燈初上，半島中心與新文華中心必定門庭若市。當年的豪客只飲干邑，在「偉哥」尚未面世的日子，生雞蛋溝拔蘭地是備受推崇的偏方。朋友又講，出入風月場所，必須緊記「戲子無情，婊子無義」的古訓。正所謂：「歡場女子無真愛，自作多情正蠢材」。那些年，高質的舞小姐，不出三個月已被金屋藏嬌。紅牌媽咪每晚的營業額，六位數字是基本，旺場時候，一晚經手的帳單隨時上百萬。回想起三十年前的奢糜生活，恍如隔世。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

不是喜劇，只是一齣比較普通嘅劇情片，0.5分加給演員落力演出，特別一讚盧顉業令人眼前一亮！

套戲俾人吹到上天，淨係識你講粗口，其他全部布景板，黃子華一個做咪得囉，仲衰過80年代劇情，求其搵間卡拉OK房就當舞廳VP房，究竟佢哋知唔知夜總會啲VIP房係點㗎？成班求其你老味你知黃子華都拍好多垃圾戲，一蚊雞⋯⋯

子華、Mi保持水準，全片最神係「土地」「葵芳」為全片加咗好多分，另外笑中帶着好多淚水，呢啲就係港産片精神

紙醉金迷，醉生夢死，美女如雲，呢D吸引男觀眾場面，當然有！But much more than these，套戲仲有連場爆笑場口，今日社會已少見的講義氣，歡場無真愛的例外，大時代變遷下怎去適應，結局仲有個set up 去打大佬，內容可謂包羅萬有，要乜有乜，氣氛連貫性卻沒有違和感。個人最喜歡的一幕，是Mimi (Fish演)知道歡哥(子華)仍放不低前妻V姐(Sammi)，選擇離開東日去跟痴心恩客姚生（謝君豪），同子華告別那場戲，Fish演出深情，很有感染力，那種不捨得卻又不得不走的心情，令人動容。Sammi復出演霸氣V姐，恰到好處，卻沒有太大的驚喜；阿卵演的土地非常搶鏡，是全片的搞笑擔當；Louise的義氣媽媽生，Mandy的高冷形象，麗英的搞鬼都令觀眾留下深刻印象。要講下太子鋒這套戲最大反派，盧鎮業形象多變好戲是眾所周知，戲中表演出色，扮憨直卻是心狠手辣的機會主義者。戲中太子鋒給財伐父親輕視，常常拿成功的妹妹作比較，很有影射新世界鄭家純棒女鄭志雯而輕鄭志剛的影子😅。總括而言，成套戲流𣈱緊湊，無冷場，有笑位，感人位，有寓意有勵志有娛樂性，是絕對值得入場的賀歲片。