罪人們

個人覺得套戲是精彩，我會形容套戲無論每個環節，都是雕琢得好渾然天成。沒什麼地方可以挑剔的確，這套所講的題材，不是位位觀眾也投入到，但以技藝角度來講，這套無疑是一套擁有奧斯卡級數上乘之作。其中中間那兩場幕的處理是可達經典級別而同時，睇這套也是應該去擁有巨幕同上佳音響裝置戲院睇。才可以真正體會到他這份獨特的澎湃感。（這點我有點遺憾，我沒去睇在港期間限定上映的IMAX版）我會講，套戲所描寫的範疇同背後含意好多，既有黑人獨特歷史背景同其粗獷感、不同文化之間共和、黑人文化中必不可少靈魂藍調音樂文化等，但導演一一也好精準地將這些元素放在套戲內，各自也散發出應有的味道同韻味。這點可以彰顯出導演上乘功力。我可以大膽講，這套無疑是來年奧斯卡中一大熱門痴·影·夢·藝 X 的專頁 https://www.facebook.com/ckwunmovie/

3.7⭐上半場前菜係美國30s時代劇大片格局，下半場黑人結他手彈奏後突轉調上主菜吸血鬼/喪屍血腥CULT。其實睇 trailer 已略知一、二。本片集不同電影原素 - 時代文藝劇情、歌舞、吸血鬼、喪屍、兄弟情/對決、巫術、宗教、CULT....等等於一爐。上半場組Band開檔太長，成45分鐘(我有睇錶😅)，有點兒沉悶，戲肉到底幾時先開波？下半場酒吧一開檔就轉入直路到尾，中間重有一、兩場歌舞，估唔到吸血鬼能歌善舞玩樂器，唱得重好聽過人。🤣吸血鬼/喪屍血腥程度只屬一般正常級別，可能導演想套戲大衆化啲。🤔整體電影製作不俗，如上所述包含各種元素，但並冇遺和感，中段劇情轉折位結他手彈結他召喚出前世/未來惡靈一shot過歌舞場面幾出色，畫面幾靚。雖然元素多多，但骨子裡其實只係少林武功 + 唱歌，又可以叫幾餸飯，將市場上已有同拍過無數次嘅戲種放落同一個碟上枱，並冇炒/混出一個新味道出嚟，冇乜新突破位，未至於嘩一聲"好好味呀~~~~！”(加echo) 。😅 所以比唔到太高分，屬一看無妨級別。PS.• 要睇到黑底字幕尾• Michael B Jordon 外型都幾好睇• 感覺都有啲左膠味，片中白人都係壞人悪黨，歧視同殺害黑人。不過當年可能真係咁。• 本人睇嘅係 LUXE + Atmos 版，個人認為呢套戲冇必要比貴啲睇貴價版，錢多又講求視聽享受就當然冇所謂啦。

我睇IMAX版因為心急想先睹為快，偏偏優先場係IMAX版，唯有肉隨砭板上！攝影靚風景靚闊銀幕，音效突出，但冇乜CG，其實冇需要花多啲錢睇IMAX版！最鍾意係聽歌，無論美國30年代黑人藍調或白人鄉村民謠都好好聽！除此之外，咪又係一套吸血殭屍電影🍿雖然唔算好血腥核突驚嚇，但又不至於好膚淺咁單純追求官能刺激，因為其實係比喻黑人喺哩個時代嘅困境，日頭面對3K黨（白人歧視和迫害），夜晚又俾吸血鬼糾纏，連想好好地、舒舒服服安安樂樂飲返杯、唱吓歌跳吓舞都唔得！不過電影最有新意就係歌舞哩方面，傳說好嘅純音樂可以召喚古往今來、甚至未來嘅靈魂，於是乎喺一夜狂歡之中，招來黑人遠古非洲祖先英魂、中國戲曲、於當時屬於未來嘅電子音樂⋯⋯共冶一爐、世界大同、文化種族融和⋯⋯可惜亦同時吸引惡靈和魔鬼來和迷失嘅靈魂共舞，它們便跟着舞伴登堂入室，為禍人間⋯⋯故事最後當然有場正邪大對決，感覺好有1996年From Dust Till Dawn《殺出個黎明》嘅味道，如果電影就咁完咗就真係好老土、毫無新意！好彩導演加多一段交代倖存者嘅後事，生命不在乎長久，只要曾經快樂和自由，即使一剎那，已足以玩味餘生，死而無憾！反而再見不到黎明，感受唔到和煦嘅陽光，縱有永生亦不值一顧！最後Sammie老死於90年代，享受到自由和音樂，無需日日抱著聖經歌頌上帝、晚晚陪著惡魔縱酒狂歌，而是完全為自己而活，真正的人本主義，不再侍奉任何鬼神，黑人和世人都自由了解放了，個個活在當下就可以了，朝聞道 夕死可矣🥳🥳🥳我鍾意個ending🤣電影片名《罪人們》都有意思，喺一個世紀之前，唱歌跳舞係罪、追求自由平等係罪、唔求神拜佛亦係罪、找回自己隨心而行都係罪，所以喺上帝面前，所有人一出世就係罪人sinners😱反而今日夜晚化身吸血鬼招搖過市都冇人阻止你，因為上帝已死😱哈里路亞🤣🤣🤣

大賣的《黑豹》系列原班人馬回到30年代密西西比州大片棉花田，男主角一人演兩角Smoke與Stack。頭半比較慢熱，後半才真正出事有鬼。頭尾少許JUMP嚇，也不是清一色血腥，而是善歌載舞。畫面的確不用到IMAX，主要兩場音樂大場面就杜比全景聲就更佳。記得死守到最後一分鐘！〈 I Lied to You 〉就是全戲最正位，要講俾爸爸知。黑人藍調滲入電子音效造出超現實感覺。鏡頭甚至見到京劇。唱唱慢歌突然變調燒成幻想開闊空間。首個音樂場景且一鏡到底實在超越時空，高潮過後就生悲。男主角之前導+演的《洛奇外傳：王者之後》(2016)、HBO上《華氏451度》(2018)也既有文化又能娛樂。其他宇宙都可，MARVEL應該想法子復活戲中的 Michael B. Jordan ！芝加哥用高樓代替種植園。這個才是移民故事，搬去另一個地方也有新的挑戰。兩兄弟就回來創業盛大開幕要洗筆錢請人來玩，有點像爽文般有錢有酒有地回到故土。頭半看他們兩個輕鬆搞掂後勤與人事各人有各幸運時玩口水玩下面，直至突然上門的吸血鬼真的想不到的要大叫啦，不速之客來到將一切美好與希望破壞。回來發圍卻心碎慘死甚麼都變燃燼。被同化的黑人，抵抗還是堅守門內不可退讓。吸血鬼作為抵抗的暗喻，面對誘惑入侵也要保留自己的根與傳承。吸血得永生還有共享記憶，加入祂們就是失去自己。還有「靈魂困在個已死的肉體」這個設定都影響盟友若中招後如何面對，除了常規的大蒜。黑奴其實也像吸血鬼一樣，日頭工作完到晚上才有短暫的自由。外出的人都不再是人回來時，死而復生至親被咬後變成不知是敵是友，然後外面就等待圍攻一晚的困獸鬥。記得自己才是生存最大件事。周生周太就類似《唐探1900》的背景，兩間台山話華人所開的雜貨舖，除了看店主阿女走向對面的長鏡頭，還有當時歧視政策要分開店舖給黑人與白人。老闆娘最後堅守到最後真的超燃！全場火化一場聲撕力歇。收場戲/後記部分見到幸存，老了的傳教細路 Sammie現今情況。他依然堅守做自己，無了永生但有了自己的魔鬼。這個片尾有意思，選做吸血鬼就永世都只能在黑暗中活着。還有它們跟魔鬼一樣，不能隨意進入人類的地方，自願受邀才可以進入。好聽就引來殺生之禍，有才華的音樂人也是罪。阿爸就認為這些音樂就是跟魔鬼共舞，祂有日會跟你回屋。但是當個小牧師躺平，混混沌沌被圈養加採綿。又或者女人如何性福快樂也有不少場景描繪出來，自己決定的才有自由。堅持真正反叛之曲也能唱到生命盡頭。

見到有推介話本片係本年度精彩大作，好值得入場。咁就去睇睇，果然幾好，冇介紹錯。故事時代背景係上世紀一戰年代，講黑人孖生兄弟Smoke/Stack(電影中文字幕譯作烟/囱）離開家鄉密西西比州之Clarksdale去芝加哥打拼，在黑幫（當時應該係屬於Al Capone )中打滾七年，搵到錢再返回家鄉買地買屋搞個酒吧供人跳舞娛樂，成個過程頗為有趣，乃至後來發展到吸血鬼出現，亦毫不恐怖，頗有戱味。吸血鬼自己覺得活得自由，不老不死，更可來去自如，穿梭時空，這豈不是一般凡人所渴望？本片以近億美元製作，幾位主線演員演出精彩：米高.B. 佐敦Michael B. Jordan 演黑人孖生兄弟，希莉史丹菲Hailee Steinfeld演深愛細孖Stack 嘅瑪麗、米路斯卡頓Miles Caton 演酷愛藍調吉他手森摩亞Sam Moore 。當時美國白人非常喜愛藍調歌曲，但就討厭並歧視創作藍調嘅黑人，生活艱難，社會氣氛低迷。我個人覺得如果你認為《破地獄》或《不赦之罪》好睇，呢套《罪人們》更加不可錯過。