Marty Supreme：癲造之才

個人覺得套戲是好睇。我會感覺套戲好明快、爽同層次感好分明。導演的執行力好高，無論是角色塑造、演化、張力營造、故事鋪排等，也是屬好準肊精彩。雖然套戲的節奏好快同狠，但導演的節奏處理好準，猛烈之餘也不會過火，這樣好彰顯出導演功架。咁當然今次甜茶的演繹無疑是令人眼前一亮，他可以細緻演繹出角色應有的急躁、情感化，今次他這樣的演繹無疑是出色的發揮。個人十分喜歡他最後一段的演繹，這段細緻情感好令人覺得他真是懂演戲。痴·影·夢·藝 X 的專頁 https://www.facebook.com/ckwunmovie/

片中男角演技精湛，演活一位冇金錢冇背景冇人脉的小人物想打破宿命向世界展現他的乒乓球天才。男角的演出已值回票價。故事不會賣慘，男角靠自己的街頭智慧，巧言善辯，洞悉都市人情感失落，並放棄自尊無底線去追夢。故事情節推進緊湊和吸引。值得去看的電影。另外，個人覺得電影有點兒讚美猶太人的聰明才智、靈巧和毅力。

大癲劇情片，因為男主角係癫嘅，冇原則、冇立場、冇法律、冇道德、冇底線、冇道義、冇人情、....有嘅只係個人意願，為求達到乜都可以做，可以放棄，可以講出口，可以背叛，....。難得嘅係甜茶後生世仔，放下偶包，脫胎換骨變成另一個人，成功演譯一個咁癫嘅咁多變化嘅角色。呢套戲無容置疑令甜茶成為一個偶像/實力兼備嘅演員。電影製作方面亦同樣出色，有大片風範。又係一齣值得入場嘅電影。PS.• 入場前我對此電影一無所知，包括演員。睇咗十幾廿分鐘先覺得個男主角好似有啲"面善"，再唸下先發現...哦～～原來係甜茶～～！😅可知化粧同佢嘅演出幾成功👍

前段稍慢，但入戲後覺得男主角為咗追夢，做嘅各種各樣嘢，不惜放下尊嚴，走灰色地帶等等，都後面亦有一場精彩嘅比賽。4.5/5 （89分）

我覺得甜茶係21世紀嘅占士甸，擅長演叛逆角色，三次提名奧斯卡都係演反叛青年，Call Me By Your Name不容於那個時代嘅同性戀者，A Complete Unknown裡背叛民歌，轉軚做搖滾詩人，今次背叛阿媽阿叔嘅期望，唔肯繼承鞋鋪掌門人，走去做職業乒乓球員，又去大罵乒總剝削運動員去自肥（哩段令我諗起香港奧組委都係咁，犧牲運動員權益，攞晒啲港府及國際體育總會嘅津貼，去俾啲大肚腩早已退役嘅富二代運動世家，坐頭等/商務位去睇奧運、世界盃同冬奧，自己住五星酒店套房，送運動員去選手村擠逼於宿舍，簡直係中飽私囊，假公濟私，享受免費超級豪華團），除此之外，故事中亦不乏諷刺黑幫對寵物好過對人，還有美國資本家有錢就是任性，為咗做日本人生意，連自己個仔死喺日本二戰軍人手上都可以淡忘，迫甜茶輸俾日本球員去討好日本人並宣傳自己嘅美國貨，醜惡嘴臉中人欲嘔！所以睇住甜茶一次又一次咁派綠帽俾有錢佬，真係大快人心，只係難為咗影后桂麗芙帕特魯要同甜茶「母子姦」咗三鑊，真係為藝術犧牲啦（放心，兩人純演技搭夠，三點不露！）不過講開暴露色相，甜茶又真係露咗兩次屁股，一次為咗靚媽，一次俾有錢佬打籮柚！我睇返資料，故事90%係虛構，Marty Mauser這角色係根據Marty Reisman所寫嘅《The Money Player》改編出嚟，後者只攞過世界賽五個季軍，未入過決賽，仲要全部喺1952或之前攞嘅，當時中國同日本球手都冇參賽資格，共產中國因為參加韓戰1950-53被杯葛，日本由於係戰敗國，受到懲罰，國民（包括運動員）喺1952年簽訂三藩市和約之前不可出國旅遊🧳或參賽。兩個Marty都係舊時代人物，揸嘅硬板或硬膠球板，漸漸被中國同日本改良嘅反膠粒球板打殘，同樣告訴世人不應守舊，猶如軍備競賽，過時嘅武器同過時嘅球板一樣，打唔出高超球技同科技嘅威力！個人而言，好鍾意套電影嘅冷戰背景同埋二戰後美國資本家財大氣粗時代，電影節奏明快，明明琴晚唔夠瞓，入戲院前都擔心會睇到扯鼻軒，點知兩個半鐘轉瞬即逝，到戲院著燈嘅時候，忍唔住心諗「咁快？仲可以做耐啲喎」有意猶未盡嘅感覺！好片！今屆奧斯卡攞唔到獎真可惜！我有睇過晒啲最佳男主角提名嘅電影（除咗西班牙文嗰套？Secret Agent？）感覺甜茶最好，比Michael B Jordan同Leonardo DiCaprio都好，如果因為甜茶戲裡戲外都叛逆而失去小金人，就真係唔抵！叛逆芭蕾舞🩰同歌劇就否定佢嘅演技？既定立場否定專業演出？個人興趣否定精彩演繹？開誠佈公得罪荷里活，仲講乜鬼創作自由呢？甜茶喺我心目中，係占士甸同李安納度迪卡比奧嘅混合體，叛逆青年嘅氣質溝埋失心瘋/走火入魔嘅忘我演出，我堅信佢終會攞幾個小金人至退休（仲咁鬼後生），我好慶幸見識過荷里活三代靚仔好演技反叛青年，上世紀中嘅老占，上世紀末崛起嘅老李，同埋本世紀初嘅甜茶，好希望甜茶可以同老李拍檔演對手戲，應該好睇過小野誠治大戰郭躍華！（中日兩代乒乓球🏓球王）

孤注一擲執意去打比賽，屋企人甚至裝病也要練波。任何有錢去實現夢想的機會都不放過，錢到頸邊又又又飛走 。有天份都要日日練波以及直線衝去找錢買機票。錢全騙⋯籌來都用在實現夢想 。為求目的的過程很犯罪好壞好渣，但又好激勵 。有錢才有方法取得入場券 。比起人品，一世功名才重要。輸一時又如何，有時輸一輸也可勝在最後！　　套完錢自己住貴酒店再套知名有夫女演員，跟日本比賽反而開波連輸三局。夜晚跟投資者老婆Kay翻雲覆雨，日頭就想出資逼對方打假波。一時自信滿滿，一時自尊貼地也無所謂。戲中的他自戀但執行力極致。金主的故事也不容易：拆彈之外，身沾蜂蜜去救同鄉，跟男主角所騙為求未來不相伯仲。　　叔叔為了想他繼承間鞋舖，趁他沖涼時報警捉他全取之前賺的錢。再洗澡時又出事啦，整傷樓下的狗不過又有筆新錢，再用錢來賺更多 。被騙的人發現是個局就燒的士 ，同掉失隻狗 。關係複雜、順手牽狗、道具項鏈，總之排除萬難終於到日本，道歉之前得罪過主席，但對方就叫錫隻豬再加當眾數臭「往屎」。大爆這場賽只是假場，反而激勵自己打敗對方。再跟日本選手比賽致敬，對着此人真的又愛又恨！