大風殺

個人覺得套戲是不俗，我會形容套戲比預期中更好睇。我會講，導演無論在故事鋪排、角色設定、背景設計同美術等，也執行得好有條理，風格獨特之餘，成品質素也是上乘。講真這副風格的片，在中國比較少有（個人覺得發生點設定上，感覺有點兒像管虎的狗陣），但導演卻可駕馭到，我會形容套片有西部片元素加杜Sir電影中敘事風格而在鏡頭同美術的調度方面，導演也彰顯其功架，好多位的設計好獨特，細緻之餘也有套戲需要的荒漠感，其中我最喜歡飯桌食魚的一場，而鏡頭剪接設計上，導演也花了好多心思，好活用到鏡子反射、黑白調等技巧，好讓套戲更有層次同味道。痴·影·夢·藝 X 的專頁 https://www.facebook.com/ckwunmovie/

個人覺得整體表演不俗，那場大風沙直教人類面對大自然只有敬畏。故事有點宿命論的味道，這對於大陸電影已相當不錯，反映有關部門有進步。電影中的三位公安想的和做的都以保護老百姓的生命財產為首位，務實的人民公僕，值得去看的電影。

睇完Movir6 attached果條宣傳片，見咁多“名家“推介/讚賞，即管入場睇下乜料，驗證下所謂名家推介，睇完結果4個大字....土立土及。其實大家細心啲思考一下，每一個所謂"名家"嘅讚譽，都係話佢似阿邊個邊個名導演，好似睇緊邊套邊套名作，細心唸下，一套電影有咁多名導演同名作嘅影子，會係一套似乜嘅電影？就算拍得唔差，呢套電影重有冇原創性呢？值唔值得稱讚呢？更何況拍得唔好？連基本嘅剪接都未做得好，就學人拍大片，好心啦！睇得我好唔舒服呀！違心說話我會講，亦唔會人云亦云跟"名家”扮識貨比佢4、5⭐。小弟睇完只係感覺剪接凌亂，劇情東拉西扯，無聊劇情/枝節横生，角色亂入亂出，話佢正片又唔係，藝術片又未到，Cult 片又唔夠 Cult ，觀影感覺奇差。不建議正常觀眾入場，同期有大把其他好選擇。如果你只有睇呢套戲同放空兩個選擇，我會建議你放空。想寫吓影評大可入場觀摩一下，好食唔好食都係一餐。😅 2星係比演員同技術部門如CG、服裝、化妝、茶水阿姐等等。PS.• 啲"名家"咁樣hardsell法話套戲似乜似乜，唔知係幫佢定潤佢呢？🤣🤣🤣• 某名家話香港電影要向佢多多學習，如果真係咁，香港電影業死得仲快啲。🤣🤣🤣• 要記住，越hardsell，越要小心。名家都可以係比面派對，或者打手😏• Sam Gor 極鬥系列都好睇過佢

居然夠膽自誇係中國式「西部片」，似龍而無麟，似鳳而無毛，不倫不類！小鎮得三個公安一枝曲尺，匪幚有四十兼大殺力武器，大風沙封鎖西北小鎮幾星期，對外通訊被悍匪切斷，肯定冇援兵！的確有西部牛仔片例如《七俠蕩寇誌》困獸鬥嘅格局，咁就要鬥智鬥力或是旦鬥一樣喇，點知三個公安冇個打得，又唔係神槍手，又要救居民又要自救，居然完全冇策略，只係「見步行步」，即係唔鬥智唔鬥力，係鬥運氣鬥勇氣同賭命，結果好波不如好運，死咗大半死唔晒都係好夠運，但故事完全冇說服力，甚至牽強沉悶緩慢零碎，冇氣氛冇壓迫感唔緊張唔刺激！未至於垃圾，但如果出DVD，可以拎去農田趕雀仔！個大佬北山身邊除咗「舌頭」，冇個手下係忠心嘅，喺北山昏迷時，曲馬多、灰驢、大頭、會計隨便一個都可以了結佢，反正帳簿（藏寶地點）早已到手仲開始掘緊寶。即使北山蘇醒後，三十個以上匪幫都係「臨時工」，識得會計四人多過大佬，小頭目一聲令下，北山同舌頭得兩個寡不敵眾，應該死咗幾次！大家一早分贜散水，大風沙未到已經去晒嘆世界啦！北山哩個角色真係唔知做乜，聲稱不為錢不為甚麼，咁做乜唔等小鎮被政府放棄（片末的確政府宣佈棄城撤走居民）後至返去安安靜靜慢慢起返啲藏寶？北山冷血無情又瘋瘋癲癲，唔理兄弟唔理大嫂（佢女人）唔理公安平民生死，到最後因為一個忠僕舌頭居然束手就擒！又埋錢又最終唔要，分晒俾臨時工，但又唔走，留返喺小鎮要殺死夏然（最後一個公安），報仇？但雙方根本冇仇，性格充滿矛盾，都唔知做乜諗乜！嗰場大風沙至好笑，可以將成支車隊吹到東歪西倒，成班悍匪死晒但吹唔走啲銀紙！又吹唔翻夏然嗰架爛鬼三輪摩托車🛵！更加阻止唔到夏然喺狂風中行走自如，審問死剩種大佬下落！嗰個偷羊藏人多杰亦莫名其妙，唔係兵唔係賊，居然陪夏然同匪幚搏命到最後，都唔知為乜？臨尾送車都送兩次，剪接出錯定另有寓意呢？車上載著枉死亡靈英靈，使唔使講兩次拜拜呢？正義之所以得勝，係因為匪幚內訌、賊頭唔知做乜、狗屎好運、正義大風沙選擇性殺人儆惡鋤奸⋯⋯bullshit，狗屎劇情編劇導演剪接，只有演員落力但不討好！

在沒有通訊、電力供應下，一個人保護鎮上人民

A good film