怪奇魔塵事件

#塵兔 #DustyRabbit #怪奇魔塵事件 #WildWildy影評哈囉大家好，我是 Wild Wildy！今日想同大家分享一下 2026 年奇幻恐佈新作《塵兔》(Dusty Rabbit)。呢部戲嘅 Cast 確實幾中我胃口，請到我非常鍾意嘅神級演員、奧斯卡提名影后薛歌妮·韋花 (Sigourney Weaver) 坐鎮。佢嘅代表作相信唔使多講，《異形》(Alien) 系列同《阿凡達》(Avatar) 大家一定聽過。而男主角 Mads Mikkelsen 亦都唔係第一次演殺手，佢喺《漢尼拔》(Hannibal) 嗰種優雅嘅殺氣真係無人能及。至於核心小女孩角色，就由艾莉亞·布洛克 (Sophie Sloan) 飾演，外型非常標緻，十足一個美人胚子。本片由 Bryan Fuller 執導，佢以前主理過出名電視劇《漢尼拔》(Hannibal) 同《美國眾神》(American Gods)，今次係佢嘅電影處男作。不過，將電影當電視劇咁拍，角色之間嘅張力同形象塑造，就算未到災難級，都真係幾錯配。即刻睇睇目前嘅評分數據：IMDb: 6.6 / 10Rotten Tomatoes: 85% (Critics) / 82% (Audience)老實講，我只能夠俾 4-5 分（好彩我冇打瞌睡），否則分數會比4更低。先同大家分享下呢部戲值大讚嘅地方：美術表達方面：導演成功營造出一種既生活化、又帶點超現實嘅陰森感。尤其是對於床底、角落陰影嘅處理，畫面色彩同燈光嘅運用都非常講究，視覺上確實係賞心悅目，氣氛營造得唔錯，直情係將床底有怪物呢個橋段做到好似《怪獸公司》(Monsters, Inc.) 真人恐怖版咁。演員方面：薛歌妮·韋花不愧係影后，佢嗰種強大嘅氣場係喺度嘅（雖然佢同 Mads Mikkelsen 之間嗰種殺與不殺嘅對立欠缺火花）。而小女孩 Sophie Sloan 唔單止係美人胚子，演技亦非常到位，眼神流露出嗰種無助同驚恐，再到後段嘅操控同恐懼，大人同細路之間嘅變身，真係教人對佢刮目相看。此外，成部戲隱約有經典神作《這個殺手不太冷》(Léon: The Professional) 嘅影子，嗰種「大叔配蘿莉」共同對抗未知嘅情感橋段，其實相當討喜，我當初都係因為呢個 Gimmick 入場。然而，擁有咁好嘅演員同優秀美術，呢部戲最後出嚟嘅效果，卻令人覺得係一部「低手之作」，實在可惜。彈：節奏完全失控：電影最大嘅問題喺呢度。成個鐘頭 47 分鐘嘅劇情，慢到令人發慌，真正進入核心嘅「戲肉」竟然要等到臨近結尾先出現。故事一直喺模糊地帶徘徊：究竟係小女孩幻想床底有怪物，定係真實發生嘅超自然現象？呢種曖昧感玩得太耐就變咗悶。動作同對話比例失衡：導演喺分配上做得好差，大量嘅對白顯得累贅且缺乏張力。頭三分之二嘅時間都令人悶到發慌，雖然未至於話會睇到瞓覺，但確實白白浪費咗一眾好演員嘅發揮空間，連原本唔錯嘅突破位同反轉位都哂晒。錯誤嘅設定定位：呢套戲犯咗一啲好「B 級片」嘅設定。明明係限制級 (Restricted)，但血、血腥度同意識竟然超級有限，仲以為自己睇緊迪士尼電影。如果要行「合家歡」路線，佢又拍得太過兒童向，定位極之尷尬。劇本邏輯致命傷：情節入面設定「只要一碰到地板就會出事」，但主角有時碰到又安然無恙，其他人一碰就立刻 PK，呢種「雙重標準」令成個設定變得好可笑。此外，戲中出現大量 China Town 元素，感覺好似係為咗特定資金背景而夾硬塞入去，非常生硬。視覺上有啲位都好怪，例如點會有城市夜晚煙霧彌漫得嚟，仲要不斷放煙花？質感淪落：最令人失望嘅係，原本期待係一部深沉嘅驚悚片，最後卻淪落到好似《陸上鯊魚》嗰類無聊 B 級片嘅質感。如果同《這個殺手不太冷》相比，對話水平直頭係差天共地。人哋啲對白經典入心，但呢套《塵兔》就充斥住不斷糾正名字 "Aurora" 讀音呢類冗長又沉悶嘅廢話。Wild Wildy 總結：呢部電影雖然視覺精美，但劇情同節奏嘅崩壞令佢難以成為令人難忘嘅好電影。如果你係為咗薛歌妮·韋花或者 Mads Mikkelsen 嘅演技而去，或者仲可以忍受下，否則呢段漫長嘅等待可能會令你感到失望。

前段鋪墊故事嗰陣有d恐怖片feel，到後面睇各角色之間嘅角力，同埋怪物係咪真係存在，令劇情有張力。4.5/5 （90分）

奇怪咁重成本、咁強卡士、咁靚美術設計、咁美佈景拍齣咁膚淺冇深度嘅戲😱😱😱，其實只係警告觀眾好好照顧孩子成長，否則佢哋會心生怪物，害己害人，甚至反噬父母和教養佢哋嘅社會！電影色彩繽紛（兒童房、家居大廈、唐人街、餐廳、小女孩和薜歌妮葦花嘅衣着），有啲抄《布達佩斯大酒店》《法蘭西諸事週報》《小行星》《腓尼基人》，懶有啲借古諷今，又抄Leon the Professional嘅「父女情」，總之電影只係炒冷飯，或者「小炒王」，求其執到乜就炒埋一碟，毫無新意，唔怪之得攝喺哩啲檔期，仲要咁少戲院上演，片商都好有生意頭腦，好知香港觀眾喜好，哩套唔算悶，但睇完只得一個模糊嘅印象，過一段日子之後，會懷疑自己有冇睇過，不過仍然屬於一看無妨，但唔睇冇損失之類。奇怪導演係新手（第一次拍電影🍿），Mads Mikkelsen可能念交情（同導演合作過電視劇Hannibal）、Sigourney Weaver可能想提拔後進、俾機會新導演⋯⋯否則哩兩位好戲之人又老資格到可以揀戲嚟拍，未必會接哩套！電影最可愛😍係女童星Sophie Sloan，樣子討好演技自然，不過拍齣咁嘅格林童話式故事，又血腥又恐怖又暴力又暗黑，希望冇為佢嘅童年留下陰影啦😱😱😱

尘兔，一部十分普通且典型的儿童奇幻片，不禁想到《当怪物来敲门》这部电影，情节基本上如出一辙，故事相当于来说很简单，女孩害怕床下的怪物，经常做噩梦，于是找来一位邻居杀手，杀死这只怪物，但事情却牵扯更大的问题，出动了FBI和更多杀手的围攻，挺老套的情节，这一部电影，麦叔的演绎可有可无，在我心里简直无任何波澜，甚至令人十分招笑、十分尴尬，整出电影我看的如坐针毡坐立不安，太过于低幼和无趣了，升级为无聊透顶，唯独影片好的有中式餐厅，但还是美国人联想落后的中国，以及色彩画面很童话很梦幻，但电影不行不好，给4.5分