法無赦

3.8⭐我唔信有觀眾理解到100%劇情細節😅電影劇情/節奏緊湊，對白量大，畫面剪接速度亦快，觀眾唔係比男女主角帶住走，係扯住走，冇時間比觀眾慢慢思考細節，一唔留神就會 miss 咗啲嘢，完場時只能講對故事劇情有個概念，細節就...😅電影題材都算有新意，以AI 法庭去審案，入得去基本上證據確鑿...死硬，犯人只有最後一個多小時機會去證明自己冇罪。電影一開始男主角已經開始受審，而之後劇情就係男主角以AI抽絲剝繭破案為自己脫罪。電影除節奏緊湊外，其實有唔少令人反思嘅地方：• AI 係咪可以完全信賴？• 電影中AI 能 access 每一間公司電郵，每一個個人社交媒體Account 而無需事前得到permission ，私隱何在？• AI 會唔會背後被 IT巨企操控？• AI 自學成長到有自己思維邏輯，什至有機械式情感同 decision making 能力，等於一個新高智慧嘅"人種"，都好恐怖。真係唸起都巧驚驚！😣整體電影富樂性，但又未至於好精彩，CG 都有啲假假哋，但題材 concept 都幾有趣味，可以一看。PS. (含劇透)• 結尾黑人女警 Jaq 解釋毁滅證物手提電話原因係因為當時係第一單AI 法庭審案 case, 唔可以失敗比犯人脫罪，影響AI 法庭聲譽。作為一個中低層嘅警員散仔，犯案動機點會咁高層次呀！應該係政府/司法部高層先會 concern。• AI 女法官相信係拍得最舒服嘅一套戲，成套戲都只係出樣對住個鏡頭講對白 😅• 導演以快打慢，唔比時間你思考劇情去駁斥佢😅

起首極之快就已經埋牙，開始戲肉，搵證據查案！劇本同執行上都好創新，堅係幾好睇，夠緊湊…唔會有一秒係悶！抵讚👍🏻

❗️估唔到AI題材可以咁好玩隨著科技發展，近年都有不少電影以AI人功智能作為題材，例如blumhouse的《人工殺姬》以及深得我心的《完美伴侶》等，電影業一度試圖將AI由電腦帶到真實，將「電腦程式」真人化，令到AI活生生的成為一個觸得及摸得到的一個角色，加上恐怖谷理論，擬人AI的確深深受到驚慄片的青睞。但《法無赦》卻一反常態，即使將AI打造成主角，卻將它封鎖在屏幕之內，初時接觸到電影宣傳物料時亦有一度擔心過一對二元對立的男女主角如何能支撐到一套100分鐘的電影，劇情更聲張要在90分鐘內與AI鬥智鬥力去找尋證據撇甩殺妻之嫌，觀影前實在一度懷疑電影究竟會否屬雷聲大雨點小，不過電影用實力力證非一般的質素。故事設定在未來，主要場景集中在一個室內密閉空間，男主角Chris Pratt被鎖在椅子上面對著由Rebecca Ferguson飾演的AI法官，需要在90分鐘內利用AI去找尋證據助自己脫罪，否則將會在椅子上被執行死刑。90分鐘倒數本身已經是一個相當吸引的電影元素，巧妙地加上倒數時鐘好讓觀眾一同參與到這個倒數儀式，心理學Fight or Flight會帶動到觀眾更投入電影當中，而鮮有地90分鐘的確與真實時間相同，而非某些電影橋段倒數一分鐘卻演足30分鐘一樣。❗️《人肉搜尋》即視感惜未見新鮮利用AI去展開查證，觀眾視角會透過手機鏡頭或閉路電視鏡頭去呈現，有種《人肉搜查》的即視感，但可惜先有《人肉搜尋》珠玉在前，這個呈現感未見有相當大驚喜，不過當然有助於劇情交代，成功靈活地在法庭密封空間以及室外場面之間轉換，擴闊觀眾視角之餘，又能確切地理解到當中的案情。❗️帶出人類對於AI的反思100分鐘要利用AI力證自己清白已經相當不簡單，但導演不甘只停留於此，甚至將愛情親情元素都置入，令到Chris Pratt即使長時間被綁在椅上子也好，角色的性格仍然保持立體鮮明。劇情上亦相當有驚喜，原來力證清白只是一個引子，最後的「真相」竟然巧妙地帶出人類對AI的反思，究竟0%的容錯率與人類的憐憫（Mercy）之間該如何抉擇，兩者間是否有共存的可能性，的確為AI題材的電影帶來點睛作用。

題材新穎吸引，貼近AI至hit趨勢，男女主角都吸引，令人反思AI發展會帶來更方便快捷，更公義的社會，還是相反！AI同人類也同樣犯錯？

大topic with AI,故事寫出嚟非常結實搵啱女主角做一個勁無情嘅AI，創意得來又有啲估唔到，值得睇

話題幾特別，類似《人肉搜尋》用智能手機同閉路電視等等嘅畫面交替拍攝。本身已經幾鍾意《人肉搜尋》呢種電影，《法無赦》有加入唔同元素，亦都切合AI法官呢個主題。但電影節奏奇快，而且極度多扭橋橋段。唔係唔比扭橋，但係咁快、配角角色人名都未記到嘅情況下，完全黎唔切思考又爆左一個轉截位出黎，咁樣嘅節奏非常考慮觀眾嘅專注力。不過電影嘅劇情整體無咩大bug，扭橋嘅鋪排都合理（主角由開頭困惑、反抗、表面證據成立、中間搵啲證人呀、又失敗呀、諗住放棄認罪再扭下橋查下案）成個起承轉合掌握得好好。電影主旨都有想觀眾袋到野走，反思到AI其實都係人類嘅工具，主要係用嘅人嘅問題。女主角做AI法官都做得好好，演繹左一個有少許人性化會走法律罅嘅智能程式係點；至於男主角Chris Pratt就都係個種演技、Chok下個靚仔樣咁囉。我睇完成套戲有個小反思係，其實AI用個90分鐘審判，戲中主角猶如開晒外掛咁，神擋殺神佛擋殺佛。其實同現實用人類審判一鳩樣，「法律面前，窮人含撚」現實有錢就可以請超強嘅律師玩弄法律；但正常人，由其戲中第一個被審判嘅遊民，個90分鐘其實係坐係到on99，比無敵嘅工具佢都唔會識用。只不過主角身份係警察，先會識用個90分鐘查案，佢就係平時嗰啲精英律師。以上呢點我認為係《法無赦》最好睇嘅意味！