腦細天劫

睇 Trailer 同 poster 有啲期望，點知同同期上映嘅末世綠洲 2 一樣伏。😅電影故事薄弱，睇 trailer 以為係大玩職場上司下屬對立同笑位，再加啲血腥cult ，點知職場對立其實只係電影開頭嘅十零分鐘 intro. 之後去到荒島鬥氣/求生到完場劇情已同職場冇關，變得沉悶乏味，悶到抽筋，男女主角角色塑造模糊，人格/人性飄忽，互動又毫無火花，又冇乜背景音樂，毫無氣氛，難以投入。男女主角島上行為動機含含糊糊，都唔知想點。最後無厘頭變 cult 血腥殺科。睇完真係都唔知睇咗啲乜。整體無論故事、血腥、cult 各方面都唔到位。冇一方面特別出色值得讚。PS.• 中段荒島求生劇情令我唸起老土C9韓劇"浪漫滿屋"，男女主角不斷重複鬥氣，只不過係加啲cult 味落去，但依然沉悶無聊。• 唔覺套戲幫到打工仔消消氣

個人覺得套戲是好睇。我會形容，這套是低配版上流落水狗同大講女權主義，他雖然無奧士倫咁藝術同黑色幽默向，但卻有好傳統荷里活人性驚悚片這樣的血腥向同手法，這樣可令一般觀眾產生出可觀性。而他的執行得得好準，好多位的處理好靈令觀眾所投入同賞心悅目。的確，導演今次卻不隱隱藏藏，好多位好直腸直肚，大講職場內，男權埋堆主義所衍生出來的惡同其潛規則，這點導演的處理無疑令套戲增添好大的張力同可塑性。而他在男女主角每一次，在主客對調的處理也玩得好準，可以成為到套戲中一大亮點。PS：最後那段好有猩瘋血雨感。痴·影·夢·藝 X 的專頁 https://www.facebook.com/ckwunmovie/

長期受壓迫受欺凌的人，心底原來是充滿殘暴報復的想法。有一刻以為電影會循著愛情喜劇方向去走，誰不知劇情急轉直下，畫面突變得凶殘血腥，完全沒有回頭路可走😱，收場一定慘烈😓。即使男女主角雙方有過一刻善良，有過互相幫助求存想法，也有過互有一絲好感的表現，都敵不過人性本惡的召喚。情節驚嚇血腥，令人有點意外，展露人性本身的陰暗面。

主要場景位於泰國一個小島，屬於一套低製作成本，不過不失的電影。首個小時的劇情太過平鋪直敘，其後導演開始為末段令觀眾意想不到的驚嚇劇情作鋪排，才推高了我對電影的評分。順道一提，我現在才知道，女人的報復心理原來是可以這麼恐怖的。

成套個調子怪怪地 正路得黎少少cult 合理鋪排得黎細節犯駁也超多 升唔到職為理由 遇難後身份轉換 本來是挺有趣的安排 但為此互相殘殺 就有點over 落難了正常人都千方百計找救援 有點為戱而戱 就是當cult片看又到喉唔到肺 女主角救生技藝超凡 什麼工具都冇 突然有幾個椰殼接雨水 又魚又豬仲有大量水果 又化身女泰山殺豬都勁誇張🤣 最後的反轉雖有的補原劇情的作用 但都太誇張喇 過百米都睇到入屋密碼😂😂 勁過千里眼 如此種種 都令人覺得好膠下 安慰下自己 早場60 蝕少左咁咯