門逃

電影主旨是講述一異教狂熱者對宗教的另類解義，或者是對現存宗教反論，甚至矮化，其觀念是宗教的終極是控制，是洗了腦的控制。片中也談討了宗教一些神蹟。電影另一賣點是異教狂熱者和两位宗教傳道者的密室困鬥，絲絲入扣，氣氛緊張。本片是適合對宗教有興趣並不是某虔誠者，個人相信本片未能改變虔誠者。两位少女花容幾亮目。

本片題材敏感，充滿對宗教嘅質疑，一路睇會一路思考正反嘅質疑同辨解。全片節奏明快，兩女主角好快就入局。主角大奸狗Hugh Grant演技出色，外表斯文，內裡凶殘，好睇！兩女角亦做得好好，其中蘇菲戴卓爾喺早前嘅完美伴侶已有出色表現，今作亦同樣出色。但更加喜歡另一女主角嘉兒伊斯特。第一次睇到佢演出，覺得佢清純又靚女，演譯到單純女教友果種氣質，恐懼求生戲亦演得出色，我like。😍懸疑推理方面，劇情推進流暢，懸疑度唔高，奸角好快就現形，主要睇奸角同兩女鬥智鬥力鬥求生。劇情一定係堆砌，但堆得緊張，全無冷場，亦有血腥場面，娱樂性不俗。可以進場。

如題，相比之下驚悚情節只是配菜。大量對宗教議題的思辯環節，能對觀眾帶來無比震憾（不過有宗教信仰的觀眾慎入）。4.5/5 （90分）

Heretic解異教徒，我覺得這是一套反宗教電影，但為免得罪喺美國勢力好大嘅基督教會，於是電影裡嘅宗教爭論設定喺兩位年青摩門教女傳教士與屋主之間，咁就可以避重就輕啦。Hugh Grant演得好好，外表可靠但笑裡藏刀包藏禍心，透過不斷提問帶出「所有宗教都係control systems！」但最諷刺嘅係佢否定宗教，覺得所有宗教都係人類假傳神嘅意旨，利用宗教嚟操控control信眾，不過佢又反過嚟假扮對各種宗教有興趣，引誘傳道人上門，請君入甕之後，把女傳教士囚禁於地牢內，加以控制甚至虐殺，相當變態，佢反宗教因為宗教被利用嚟控制人類，而佢亦利用宗教去控制送上門嘅傳道人，變成自己討厭嘅人，相當自相矛盾！初初睇以為Sophie Thatcher飾演嘅Sister Barnes係醒啲嗰個，但原來睇落單純低低地嘅Sister Paxton（Chloe East飾演）先至面懵心精，仲可以扮豬食老虎，令到結尾峰迴路轉出人意表！兩位Sisters都演得好好，年青有為！不過話電影反宗教又反唔晒，因為臨尾Sister Paxton已經坐以待斃，於是開始祈禱🙏甚至為變態佬祈禱，結果奇蹟出現，脫險得救，雖然唔合理唔合邏輯，導演好似係自打嘴巴，或者佢想兜，向宗教屈服，最後都係傳達所有宗教嘅共同訊息「信者得救」！Sophie Thatcher今年都有套話題之作Companion《完美伴侶》，原來Heretic仲早過Companion一年，感覺上喺Heretic入面嘅Sophie靚啲Green啲可愛啲，鬼妹發育得快，好易早熟，喺Companion入面佢豐滿咗好多，短短一年已經由少女變咗女人！電影小本製作，主要演員得三個，喺一間偏僻村屋作困獸之鬥，冇乜jump scare，又唔太血腥，唔多核突化妝，但氣氛一流，燈光幽暗，又懸疑又詭異又有思考位，遠遠勝過琴日睇嗰套南韓《驅魔黑修女》Dark Nuns！

《門逃 Heretic》，我覺得精彩程度可以直入我今年年度十大。它出色在於劇本對白夠紮實，簡單一間大屋、三四個演員已經足以支撐整部電影，但又可以做到毫無冷場，甚至引導觀眾有如沉浸式一樣代入導演佈局之中。《門逃 Heretic》的概念非常簡單，兩個摩門教女門徒，偶然因為傳教進入了一位大叔的家，沒想到對方是一個對宗教思想更為顛覆的人，於是兩女一男就開始了一場關於宗教的唇槍舌劍以及思想震盪。對，故事其實就像我文字描述般簡單，但基於Hugh Grant超凡出色的發揮，還有電影對於宗教的描繪以及鋪排，令到觀眾完全代入那兩位女傳教士的角色當中，一同經歷思考到底宗教是什麼、信念是什麼，還有世界上所有宗教的本質是什麼等等有意思的哲學思考。《門逃 Heretic》上映場次不多，相信最大原因是因為它對白太多，對於不太喜歡思考的香港觀眾來說不容易入口。可是，我覺得無論對於電影主題、演員發揮或者氣氛營造，《門逃 Heretic》完全屬於上乘之作，對於喜歡哲學和宗教思考，又或者喜歡懸疑片的觀眾，這部電影一定可以令你感到滿足！其他詳細影評，歡迎來到爆米花族的世界參觀： Ig：popcornmoviehk