淺淺歲月

先唔講故事講乜，淨係好耐冇睇過嘅葉童已吸引到我入場。本片都係一齣小品，講一個步入晚年嘅女人面對婚變/家變嘅"慘況"。雖然係咁，但本片卻以一個比較正面同輕鬆手法去描寫呢個故事，令觀眾睇得開心又暖心。葉童由頭帶到尾，淡裝上陣，演譯一個步入老年但又幾可愛嘅媽媽非常到位。全片最精彩係電影尾段葉童、謝君豪同二奶三個角色喺醫院鬥戲果幕，好似睇緊話劇咁，好有戲味，既誇張、又攪笑。本片另一talking point 喺以 iphone 拍攝。基本上都拍出電影感，如果唔係畫質比較粗糙，真係唔知佢係用手機拍攝，好嘢！👍

大致就是老公出軌然後中港兩妻對侍。女主角亦是工作上經濟上可以自立的人，不過也不代表對伴侣變心可以寬容。習慣了對方由小到大，就算自己或對方不再愛也不想分開。或許以為真的會走到最後，好似鴛鴦一世認定對方，但對方卻有其他想法。老夫老妻，經濟沒有壓力子女也成人。家中關係變動，即便不明言，其實子女都猜到一二。不管是否一時之氣，跟仔女禁與父親另一頭家另一個女人當刻令他們更撐爸爸。倒掉餸菜、花牌擺位等都是想爭回一口氣 。又或者事實擺在眼前，還是學定社交舞做兩手準備。女主角葉童，對上套《我愛你！》(2023) 作為患癌媽媽，跟謝君豪今次角色互換。成品似乎真的單靠部電話拍攝，再加上頗為粗糙的調色更加難以入口。最好的畫面應該是電車站食雪條由腳升上去頭一幕細路變大人。電話拍攝拍出非常詭異的感覺，再加上在高先電影院看，睇了頭十五分鐘奇怪會有鬼片？再加上因為海報上的電車而想起《胭脂扣》。老夫老妻離婚後，各自生活情況，子女對另一個家庭。中港分離，算是一個輕．異地戀的故事。女主角亦是職場女強人，典型顧到事業但就子女不和。跟先生在事業上分歧，做老闆定打工仔的爭執。有時第一個愛的人，往往就是一生唯一最愛的人。

冰釋前嫌望與亡夫冰釋前嫌編劇賣樓將自己嘅小說&對亡夫嘅愛拍成電影拍下與亡夫過去的點滴悼念亡夫回憶昔日情懷資金有限用4部挨瘋拍低成本製作誠意可加

我只可以講，他可以有這樣質素，實屬好（難得）。我會形容，除了電車、孖條、文學部分同尾段葉童的演繹比較屬可以外，其餘的部分均屬…………其中以鏡頭執行、剪接同調色最令我睇到………………，我明白這套是全 l Phone 拍，但不應該有這樣的效果，我可以講，學生拍的作品可能比他好。痴·影·夢·藝 X 的專頁 https://www.facebook.com/ckwunmovie/

表面上可以分甘同味，出廠時註定一齊，即使沒有外力分開，隨著時間溶化，都註定唔可以永遠一齊！葉童可望三度稱后，成功演活一個固執或堅持嘅女人，由小學中學青春期就認定一生一世嘅愛情，乜都堅持：堅持學習、堅持愛情、堅持事業、堅持家庭⋯⋯拒絕改變，所以即使被拋棄仍然對前夫不離不棄！多謝電影幫我重溫老港事物與情懷：孖條、雪糕車、叮噹漫畫書、大排檔、電車、天光墟睇金魚、雪中情、徐志摩⋯⋯人老愛懷舊，可惜舊日一切美好今日都化成回憶，如同謝君豪只留下遺憾，連同小三，合二人之力說不出口一句「對唔住」，有啲香港人同大陸人又真係對唔住🧎香港呀，作出過嘅承諾gone with the wind，聯合聲明完成咗歷史任務，50年都捱唔到，True love? Once in my life but not long lasting 😱😱😱電影有好多片段都係用手機拍成嘅，除咗更生活化更接地氣，亦令我擔心手機再進步，攝錄效果更佳嘅時候，人人都係導演和演員，想睇戲就開手機上網睇短片，咁就再冇戲院+電影+專業演員⋯⋯我哋哩啲堅持入戲院嘅老港，會唔會好似葉童一樣，最終都係乜都留唔住呢？還是偷偷地幫死者戴上婚戒，默默支持默默付出默默守護，會唔會到頭來又係徒勞無功，只係自我安慰呢？

畫面質素實在不堪，一點質感也沒有，初時仲睇到有D頭暈。拍攝技巧也差，至中後段，距離掌控和構圖都有改善，近鏡增加，似是熟能生巧了。有葉童的場口都是好看，即使只是看她一個人吸麈、執拾屋企。葉童演戲好有味道，加埋謝君豪，單看演技已是大滿足！喜歡葉童與兒子一起吃飯時對話的一段，母子對話本來就應該是這樣敞開心靡和有內心情感交流。這種真情對話在現今社會很值得珍惜。導演的講故事（劇情）手法亦收貨，在人物的互動中能細膩地帶出情感。能刻劃到家人相處時不需掩飾真面目，說話時話爆就爆的真實感。總體讓我感受到：雖苦仍樂。看完個人輕鬆咗！