侏羅紀世界：重生

不過不失，沒太大驚喜。若聚焦在黑寡婦，可能更吸引。

侏羅紀系列已走到盡頭？睇trailer時覺得幾精彩，又有黑寡婦加入，抱有期望入場，點知最精彩嘅已盡在 trailer 中。1. 劇情薄弱主線係攞恐龍血樣本去研究製藥，故事雖然簡單，但如果專注喺呢條線，過程又處理得好，仍然可以好緊張同精彩，但唔知做乜又要加入一個無厘頭、三九唔搭八、冇background嘅路人甲家庭入去逃生(為爭取家庭客入場？製造家庭感情線？)，令電影失去重心，東拉西扯，一時家庭逃生，一時採血樣本，互相搶編幅搶FO，結果兩頭唔到岸，兩條線都留於表面，流水作業，唔好睇。2. 全片口水多多，但故事劇情卻一啲都唔複雜。不斷重複嘅逃跑畫面，非常單調同乏味。但真正動作場面卻偏少，恐龍互相打鬥亦一咬起兩咬止，唔精彩。3. 人物描寫表面又典型，人性轉折突兀。個家庭基本上係冇背景去backup, 以至人物描寫係零，表面過表面，基本上老豆就係一個老豆，女兒就係一個女兒，男友就係一個男友，小妹妹就係一個小妹妹，比恐龍追自不然要逃走，就係咁簡單，成堆家庭角色都係冇靈魂。🤣🤣🤣 藥廠代表一出場就已經知到佢係一個仆街同佢嘅下場。4. 恐龍描寫不足，冇個性，只係識“wao~~“。幼恐龍有咁多戲份但唔知做乜，同小女孩嘅所謂互動又毫無感染力，亦唔知為乜？對劇情亦冇影響。整體故事簿弱，劇情鬆散堆砌，人物角色模糊，過程單調沉悶，本人不喜歡。入場與否，閣下自行決定。PS.• 冇彩蛋• 開場隨地掉朱古力包裝袋先嚟個死神來了"致敬" 😅• Scarlett喺套戲冇乜表現，但錯不在佢• 如果拍唔出新意唔該幫個系列kum旗，留番個青譽， 唔好死而不彊，久延殘喘，不斷食個IP老本重生。• 陪小朋友睇吓恐龍可以考慮

一條公式可以去到第七集，故事其實係冇新意，不過刺激感都保持到，比上不足 比下有餘。

如果是die hard恐龍fans，橋段雖然都係果D，但電影緊張場面仍十分豐富，全片無冷場，觀眾仍會收貨感到滿意。今次寫人物關係也有點特色，父親和兩女兒和其中一女兒男朋友一起駕帆船橫渡赤道，女兒男友懶散頹廢，不願擔任船上替更工作。父親甚感不滿，不幸在海上遇上海恐龍，全家危在旦夕，女兒不小心跌進大海，男友奮不顧身跳入大海營救，父親大為感動，開始改變對女兒男友的印象。

又再一次證明電影公司只係識用品牌嚟賺錢，冇心去經營，當你以為上集已經差，冇諗過今集仲差。想問食左幾多大麻先寫到呢個劇本，爛到咁。連恐龍都冇乜新意，都係個幾隻。無端端分左兩條故事線，一家人個條線對故事完全冇幫助，亦都唔煽情。所有角色都唔討好，就連Jonathan Bailey咁靚仔Scarlett咁正都救唔返，演員之間完全冇火花。我一路睇就一路懷疑自己啲智商，有好多好多唔合理嘅劇情，例如個家人救生艇逃走個幕，我真係唔知睇緊乜，但當然呢個系列本身都唔需要太用腦，但都唔係咁吧。

#侏羅紀世界重生無乜事就可以唔洗花$同時間去睇嘅一套戲！故事完全唔make sense 🦖都無🦖樣！有嗰隻就智障嘅～