神探零零甩

個人覺得套戲不俗。我會形容套戲充斥九十年代美式胡鬧動作喜劇的元素同基因，可以貫徹這類片獨特看似認真但實在無厘頭、低俗有味笑話、多多鹹多多脆的敘事結構、政治不正確的處理手法，再配以白頭神探系列所結合的一套片，這方面導演玩得好聰明。的確導演在戲中，是好明顯去串緊好多美式文化同名人，比較明顯是杯裝咖啡文化、LA當下社會同馬斯克，個人覺得，導演玩這幾點是準繩。而同時導演在套戲中注入好多好古早味的舊流行文化，例如玩八十年代流行，好有浪漫元素的西式情歌MV、荷里活式大屋驚魂片等，如果懂睇，會睇得回心微笑。咁當然套戲也貫徹同類片的傳統，去惡搞各大荷里活動作巨片。我會講，睇這類片，的確需要在戲院睇，因為全院一同大笑這樣氛圍，是在獨自在家睇串流不能有的，而今次的字幕翻譯也是加分位痴·影·夢·藝 X 的專頁 https://www.facebook.com/ckwunmovie/

Liam Neeson年紀都唔少囉，好難再拍動作片，係時候要改戲路轉型。承接白頭神探，全片玩無厘頭低俗低智攪笑，唔駛帶腦入場。整體唔可以話好好笑，但輕輕鬆鬆，好多細位都令人會心微笑(包括佈景設計)，亦可以睇到一向鐵漢嘅攪笑另一面，Liam Neeson Fan屎當然要支持下，非fan屎亦一看無妨。PS• 黑底字幕後有彩蛋，個人覺得唔一定要睇• 此角色似乎可以成為系列作品

本身諗住係賣情懷，不過發現啲笑話唔錯，好似預告片入面take a seat嘅諧音同埋黃色笑話都好有前作風格。不過個劇情設計一般，稍為cliché，但係啲無厘頭情節反而令成個劇情變得好合理。片尾嘅彩蛋亦都幾有誠意總結就係一齣適合放鬆大腦、盡情大笑嘅戲

不倫不類，白頭神探+救參96，未能接受男角的轉型。喜歡白頭神探的風格，可以看，本人感覺電影怪怪。

男主角開局出場型爆，之後都係走滑稽路線，全片節奏一般，動作場面亦不多，主要看點係大量無厘頭行為/對白。4.3/5 (87分)