詭屋驚凶實錄4：最後的儀式

Conjuring 終於嚟到第4集，相信亦係此系列嘅最終章...除非唔係。😅本作溫子仁只係監製，驚嚇度唔高，亦冇玩太多嘅 jump scare，反而偏重故事劇情多啲，本人對此係接受嘅，只要故事同劇情好睇同玩出驚嚇氣氛仍可收貨，不一定要玩 jump scare。今作兩方面未至於非常出色，但都算合格，女兒亦有加入，最尾亦交代咗華倫夫婦嘅人生盡頭。追咗4集，真係有少少唔捨得。追開此系列、追隨開華倫夫婦驅魔嘅fans冇可能唔睇呢集。PS. (含劇透)• 明明Annabelle被封喺華倫夫婦屋企密室，但係又會出現喺其他地方，真係奇怪。• 冇解釋點解Demon 要針對華倫夫婦。我有啲嘢miss咗？🤔• 個女都有靈異感觸，唔知將來會唔會同老公接父母捧驅魔，另開新章？• 唔明系列做乜要咁快完結，照計華倫夫婦一生應該重有大把 cases 可以拍。

主要是终章要收尾了，感觉吓人没什么新意，但是温情多了更多。毕竟要收尾了，可以理解。

最精彩的一集，勁猛😛😛

華倫夫婦一個有心臓病一個大肚陀B，都走去驅魔，真係搏晒命去辟邪衛道！好難想像兩公婆驅魔驅到76，直至老公中風先停低，大半生都為素不相識嘅人或家庭驅趕惡靈，除咗為咗保護初生女兒嗰一次，未試過逃避迎擊魔鬼，這就是片末艾德華倫生前於紀錄片中，親述打敗惡魔嘅絕招唔係聖經、上帝或信仰，哩啲只係原料，合成嘅係大無畏嘅勇氣，惡魔只會利用人類恐懼吸收能量來作惡，你唔驚，佢哋就轉弱，此消彼長，所以艾德可以安享晚年至79歲，和妻子相愛60年，孫兒曾孫一大堆四代同堂，咁大勇，唔怪之得死神都忍佢咁耐！（哥頓神父作為華倫夫婦多年戰友，之所以難逃一劫，係因為佢終於恐懼，被邪魔有機可乘，不過都唔怪得晒佢，佢遇害時，係孤軍作戰㗎，冇伙伴併肩，難免有軟弱嘅時候⋯⋯只可惜死訊淪為釣茱迪上鈎嘅餌，差啲累死華倫全家）故事講1962年兩公婆初初出道，老婆大住肚去驅魔，中途早產，好不容易保住獨生女，於是留下陰影，放過/避開招魂鏡入面嘅惡魔，但惡魔冇諗住放過華倫一家，於是靜待24年，1986年設局引華倫一家跌入陷阱，故事節奏前半有啲慢有啲婆媽，但氣氛恐怖詭秘，CG唔錯，最後決戰都算緊張，作為第四集大結局最終章，婚禮上所有四集嘅故事人物（除鬼怪外）都出席，為哩個一直保持水準嘅系列畫上句號。我只係諗如果華倫夫婦有時間有能力去埋基督教國家以外嘅地方，例如佛教泰國、伊斯蘭教中東、道教中國⋯⋯驅魔唔知掂唔掂呢？如果都掂嘅就係名符其實嘅驅魔大師！不過有朋友話唔同宗教有唔同嘅魔鬼，因為文化差異，例如言語不通，基督教嘅華倫夫婦可能雞同鴨講，趕唔走聽唔明英文聖經嘅佛教回教道教鬼怪！咁即係和尚趕佛教鬼、道士趕殭屍、回教教長趕撒旦⋯⋯基督教有自己嘅天堂、佛教有自己嘅西方淨土、道教有自己嘅天庭⋯⋯各有地盤，咁如果乜教都唔信，自然乜鬼天堂都冇入境簽證，不過亦同樣乜鬼都唔會攪你，唔關你事，咁就唔使麻煩華倫夫婦，佢哋會得閒啲去湊女湊孫囉😱😱😱

華倫夫婦職涯亦是今集最恐佈的核心威脅。今次個案橫跨兩人阿女出生，一看就知是非一般全餐：70年代在美國賓州的一家八口連狗，更是無能力搬走去汽車酒店暫避，就唯有報東張上電視求幫手。作為「最後一章」，終於不限血漿來降温，但依然氣氛爆滿，明知祂在也要淡定。退休巡迴演講亦都自嘲這些驅魔往績變成大家飯後笑料。温子仁都要客一客串才安撫到魔鬼。開頭集中為人父母與女兒的關係，平時不驅魔的普通日常。阿女最後一次由配角升做主角，由她去理解爸媽的使命。三集都只能輕輕跟惡魔對視，今集釋放其通靈能力。以前經常見父母急腳為陌生人解決問題，既疑惑又尊敬着家庭使命。跟受害者不只是客人關係，更是事後的盟友互相撐住婚禮最為加分。主要道具，結尾叫做招魂鏡貫穿今次個案。三個人面在鏡上無人覺得詭異嗎，跟「整成龍頭」感覺一様。最嚇人是錯位似是而非的雙目，場場都被盯住的感覺。還有玩偶出場都要叫媽咪，不用代入毛孩視角都知有幾駭人的禮物。好幾個場景即便明知，高度提示前方會有出現，仍令人措手不及大為滿足～從小就教導口訣來分心，專心在詠唱來忽略那個「不存在」的實體。兩母女到最後明白到有些事一定要面對，越是阻隔越找上門，乾脆勇敢出手推走衰鬼。不過塊鏡轉得太勁，還以為變成鬼龍捲，更遑論無端變成巨人的安娜貝爾，明明好恐怖又好好笑。結婚真不容易，甚至獨處時引來裙下關心。未婚夫東尼的警察執勤時差點就無命的伏筆大為加分，亦都映照女主角出生時的一分鐘。這個準丈夫亦能作為局外人去反射這個個案。話雖如此，惡魔為何要女主角的命，去到最後都無幾明顯的解釋，只有誔生之時可能的請求救活。所以成場下來，最陰公還是隻鏡之惡魔，趕走了也無人悉祂叫甚名誰。

溫子仁恐怖宇宙觀其中一個系列THE CONIURING來到最終章，可惜未有機會參加馬拉松放映，第一集原來都已經係十二年前。睇住有啲系列越拍越爛，對於呢個系列都唔期望有幾創新，只求唔好越拍越爛。加上唔係James Wan執導，入場前唔敢抱太大期望。還好觀影後感覺有血有肉，算是合格之上。.華倫夫婦再次面對初入行的恐懼，過去的逃避及多年來的擔臺，最終勇敢面對，毫不意外的劇情發展。但沒想到這驚慄片今次走溫情路線，華倫夫婦對女兒的愛及保護是一大主線，其中Ed對Tony擺外父架子更為搶焦（笑）.回歸正題，電影的恐怖氛圍有水準，音效之外，屋內的幽靈，娃娃玩具等都嚇倒下人。可惜電影重點的驅魔過程未算太激烈，但以此作結都算圓滿。.題外話，觀影時隔幾個位個師兄，開場同臨尾係咁講野，中開就係咁「好撚驚！」 DLLM我乜Feel都無晒，驚就唔好入場拉！.觀影平台: The Sky.IG: AndyMyFilmography/ #AndyMovieReview