職業特工隊：最終清算

(之前上集我係比4.5⭐)由於本片為下集，所以無可被免要同上集比較。珠玉在前，下集整體各方面都有啲跌Watt感覺。故事方面，上一集典型簡單直接大路，但勝在易明，加上處理不俗，仍能拍出精彩同緊湊，兩個幾鐘好快就過，完場時重有啲意猶未盡感覺，其待下集快快上映。可惜下集有點失望，故事仍舊典型，骨幹簡單，但細節變得複雜難明，前衛嘅 AI 概念加上好technical 嘅作戰策略，以大量快速嘅對白去解釋，平凡人嘅觀眾到底 get 到幾多呢？我就只係get 到作戰計劃嘅大概picture，細節只能不要問，只管睇，未能盡享100%樂趣。可能要二刷、三刷先得。😅 今集口水亦明顯比上集多，開場後吹咗好耐水(成45分鐘? 🤔)先有啲動作睇下，令我入場時果團火差不多熄滅先開始有啲睇頭。演員/角色方面，Tom Cruise 似乎比上一集霸道，重點放哂喺佢道，戲份比上一集重好多，好似個人表演咁，其他上一集有幾好發揮嘅角色今集都淪為工具人，冇哂個性同塑造，出場只為take actions 去配合湯佬嘅plan，造就湯佬喺所謂"最終章”成為救世英雄完美落幕。有啲浪費咗呢班角色。 尤其上集好好睇、好有個性嘅女刺客Paris，今集大部分都只係動作場面，冇乜戲演。女主角扒手今集同靚佬湯亦都冇乜內心交流戲，只有協助任務嘅動作戲。如此編排整體戲味冇上一集強，只有靚佬湯嘅救世行動過程。另外今集奸角頭目塑造有點兒低B同無聊，出場唔多，死得亦白痴，重以為湯佬最終會親手技術性精彩地將其捉拿或消滅，點知唔係。😒動作場面方面，今作我認為係偏少，主要係深海潛艇果幕同最後兩飛機互片，其他間唔時開下槍、爆下炸果啲冇乜特別。老實講，果兩場重頭戲係落本、係有花心思、係設計嶄新、係難拍，但出嚟嘅精彩度係咪真係咁利害呢？我就覺得....還可以囉！深海潛艇果幕嚴格嚟講唔算係動作戲，而係冒險戲。反而覺得係欣賞其畫面設計同視覺效果出色多過爽嘅感覺，不過過程略嫌長咗啲。最後嘅兩機互片、湯佬飛機外跳來跳去並非第一次，冇太大新鮮感，而且跳來跳去/擒來擒去過程牽強，好多時一啲好critical嘅動作/過程只以剪接避過就算，過程唔連貫/流暢，所以呢場戲精彩度我只覺得麻麻哋，亦略嫌有點長。如果將呢兩場戲cut 短，將資源拍多一場唔駛好長嘅大龍風會更好。整體嚟講，此下集冇上集咁好睇，但唔代表唔需要睇或唔值得睇，此作仍然都係一齣精彩嘅上佳作品，屬有誠意嘅大製作。睇咗上集嘅一定要睇埋下集。冇睇上集嘅就好快快睇翻上集，然後入場睇下集。😄PS• 唔駛講，最好梗係去睇IMAX版啦！• 如果今作真係最終章嘅話，電影中嘅回憶片段算係幾有心思，有一種完美落幕向系列致敬嘅感覺。揾番老舊角色出嚟亦有系列首尾呼應感覺。• 本片尾段都幾主旋律吓，不過荷里活處理手法一向都比較高章，唔會畫公仔畫出腸，加上美國軍事科技的而且確世界最強，較易令人信服，自然冇其他國家嘅主旋律電影令人睇得咁尷尬。再者...呢個係靚佬湯，唔係"唔驚"，自然有說服力好多。😂• 片尾冇任何彩蛋

套戲整體唔錯，但硬塞咗啲政治正確元素。總統搵個nigga女演員做，將軍又係女人，連士兵都刻意選個TB。呢啲DEI casting根本同劇情冇關，為加而加，睇到有啲突兀。

剛情來龍去脈快到跟唔到,好亂, 後段兩機在山谷又兼太長..

我係 Tom Cruise 嘅擁躉, 好欣賞佢拍嘅戲 例如 Top Gun, Oblivion 同埋 War Of The Worlds 等等. 每一套 Mi 都有爆炸性場面一套比一套難度高, 最欣賞佢係唔用替身親力親為, 極少數演員能夠做得到. 但係我今次有少少失望, 因為故事過於複雜冗長, 加上女主角冇以前其他咁吸引, 我竟然途中短暫瞓著咗 ！Tom Gun 2 我亦覺得比以前冇咁好睇, 呢個唔係阿湯嘅錯, 而係可能係時候要改變戲路, 同一系列嘅電影唔能夠拍太多集, 適當時候要停止.

個人覺得今集整體也屬出色，雖然前半去塑造同整合的部份有點累贅，但後半的描寫同場面的調度卻令套戲有回Mi系列應有的高度。無疑，今集所描繪故事，是繼續延續第七集未完的，而導演也好藉今集來將之前集數一切去拼湊落今集的前半，但個人覺得導演在這方面的處理有點過於累贅，好過於堆砌，這樣無疑令一般觀眾吃不消。咁當然如是Mi粉，今集應該會好沉醉，導演有將以往Mi系列獨特幽默位放在今集。其中我最欣賞導演去描寫那個角色回歸的段落。他也想藉這集來描寫人工智能如黑化會所帶來的潛在危機。而場面方面，我只可以講，今集依然亮麗，是屬不睇IMAX不可的水平，我會形容導演依然今集依然可盡用IMAX鏡頭的可塑性同可能性，無論是找潛艇那場，末日種子庫或最重頭戲的舊式螺旋槳飛機追逐，導演的調度技巧也是高。無論在節奏、鏡頭同質感塑造等，也是保持到以往的高質素。痴·影·夢·藝 X 的專頁 https://www.facebook.com/ckwunmovie/PS：今集片尾無隱藏片段

本片是系列7~致命清算的終極篇，故事情節延續致命清算和給了終結答案。個人覺得系列8的亮點是：宣揚人類善良，各國放下對抗手段，老百姓就能夠安享太平生活；老湯博命如昔，天上飛，水里寒，配合老湯攞左綠悠卡都如此拼命；感性回憶，大黑子隊友尾段溫情說話剖析了老湯心里牽掛的不只是亡妻，還有隊友，及不認識的人們，真正實踐"看自己，看天地，看眾生"，大黑子這段話幾感人。個人頗喜歡今次電影的曲調，着重人性善良，黑白分明，揚善挫奸，雖然沒有如以往的壓力感氣氛。可能人類戰勝Al這位潛在大敵人是依靠人類真善美，因為Al要依靠學習人類思想和行為而成長。個人頗喜歡的電影。