殺神Nobody 2

3.3⭐第一集有超出預期，有少少驚艷感覺，估計佢會有第二集，結果真係有。可惜第二集卻低於預期，可能第一集嘅成功令我期望度提高咗？第一集可以講係純爽片，嚟到第二集，加入家庭/夫妻茅盾元素，令故事變得老套同典型同可以預期，亦減低爽度。動作場面感覺堆砌，激烈/型格/殘忍/血腥度同速度都跌 Watt，場口設計又普通，三兩招就收皮，重要靠剪接，所以娛樂性只係一般。老爸同黑人兄弟出手幫拖，但戲劇效果係零，只係工具人，無什意義。整體電影故事都算流暢完整，只係娛樂性一般，有睇第一集都可以跟埋第二集。冇睇過第一集嘅就自行決定，基本上第二集同第一集關連性不大。PS.• 嚟到第二集，好多人物背景都仍然係 unkown，唔知點解咁勁，真係 nobody.• 老婆同老爸應該又係食過夜粥之人• 遊樂場預設堆砌動作場面令我唸起逃學威龍國際學校迷宫救學生，所以好老土😅• 男主角似乎患上正義強逼症，唔出手對付壞人會好似白粉瘾起咁！🤣

個人覺得今集大致是可以。的確，今集沒第一集咁有驚喜，好多故事舖排走向均是預期之內，但導演卻可繼續到這個系列中最核心的，捍衛家庭關係這點。咁當然今集這個延伸描寫也是不俗，但個人略為覺得莎朗史東的人設描寫有點公式同薄弱。當然，在場面調度方面，導演整體也屬不俗，今集依然有第一集的水平，無論是兩場群毆，最後遊樂場陷阱大戰，導演的執行也是不俗，可以充分利用到樂園獨特的設計，而衍生效果也是好。其中我最喜歡玩鏡子屋這點除此以外，他還好懂用一些小設定，如大力鎚、夾公仔機、美式彈珠機同座枱木鋸來增強其效果。如果，如對槍械有認識，今套中出現那兩支經典的槍，典型卡邦式機關槍同滾塔式機關炮，也是套戲的亮點。痴·影·夢·藝 X 的專頁 https://www.facebook.com/ckwunmovie/

可能JohnWick5那套印象還很清晰，觀看這位耆英殺神沒乜感覺，雖然打鬥場面都幾激烈。反而女大反派的莎朗史東演出，一出場就有極大場，大明星即係大明星。

如題，本作大致上keep到前作特色，“普通人”男主角跟家人度假卻遇上一系列麻煩事被迫大開殺戒，還有後段利用地形裝置陷阱攻擊敵人，打鬥依然多及精彩，不過爽度比上集遜色一點。4.6/5 （91分）

幾年前喺電視睇咗Nobody 1，喜出望外，一個膽小住家男，真人不露相，居然係頂級殺手，男主角又老又其貌不揚，面懵懵咁，為咗阿女一條手鏈，挑戰黑幫，最後聯同老爸（爺爺）及黑人細佬，三人大開殺戒，又cult又爽又意想不到。可惜今集男主角對觀眾嚟講，已經唔係好好先生，更唔係糟老頭，但導演同編劇仍沿用上一集嘅套路，便毫無新意，即使換咗場景喺主題公園＋水上樂園，咪又係糊糊塗塗得罪黑幫，結果唔打大佬，改打大家姐，爺爺同黑人叔叔上集已露過身手，冇驚喜，今次出埋阿媽/老婆做神槍手都唔會令人意外，而最後男主角居然好輕易俾兩個女打手打到冇反抗能力，大家姐又唔即刻殺人收工，由樂園老闆幫手殺咗兩個女打手，攪咗一大輪，一早埋伏做狙擊手嘅阿媽至開槍救人，完全貶低男主角，破壞形象變得庸碌無能，哩個安排完全唔合理，簡直當觀眾係白痴，如果有第三集，我唔會再捧場！

雖然延續首集的動作元素，但整體驚喜不多。Hutch帶家人去遊樂園，本應是溫情與刺激並重，卻落入老套的黑幫追殺橋段。動作場面雖多，但創意有限，場景轉換欠新鮮感，武器設計亦見重複。家庭情感線流於表面，笑位不算突出，粒石是大奸石雖有氣場卻未能留下深刻印象。節奏雖快，但缺乏高潮與張力，最終成為一部中規中矩、看完即忘的動作片。