全知讀者視角：滅世預言

一套真人打機電影。主角同隊友一關一關打上去，贏金幣買技能升呢，最後打大佬。骨幹概念毫無新意，同打機冇乜分別。電影故事簡單薄弱，但節奏緩慢沉悶，唯有加入大量重複又冇乜特別嘅一擊一隻打雜魚怪獸場面充撐到兩個鐘。所有設定包括角色、服裝、怪獸、道具、Boss...等等都普通過普通，了無新意，打開機同睇開動漫嘅朋友一定會覺得咪又係果啲嘢~~！大量變化不大嘅CG打鬥畫面睇到視覺疲勞。全片都算口水多過茶，而男主角內心獨白表達方式睇得好唔爽好煩。人性自私醜陋刻畫方面亦唔深，點到即止，冇樣嘢打動到我。個人認為開部PS5打兩個鐘機可能重開心啲。PS.• 黑底字幕後冇彩蛋• 永遠都係身邊平民正在為求生存互相廝殺嘅時候，主角一team人都可以獨善其身咁斯斯然企喺道唸嘢、討論策略，冇人攪佢哋。🤣🤣🤣• 有師兄話同原著差好遠，我冇睇過原著，冇包袱，都覺得唔好睇• 我睇神探零零甩重投入過呢套

這部韓片感覺有點似我獨自升級的格局，觀感睇得幾爽，但離場後回想又覺得有不足，主角以全知視覺帶來有點屈機的沉浸式過關體驗，觀眾只係一知半解，比其他角色只係知多一樣 - 主角技能唔係預知未來。.戲中每個角色各有技能，最諗唔透女角的「蜘蛛絲」係咩玩法，而又唔了解背後星座的特殊效力，反正角色開技，道具，升級等在戲中無特別深究，連人物都唔算太多塑造。怪獸有啲睇頭，火龍同隻夢手有少少特別，其他略為機械化，純粹伴著主角們過關斬將被消滅。反而隻直播魔獸幾有趣，全知讀者將佢成為百寶袋有夠屈機！.如果能夠對成個世界觀有更多認知，觀感應該好好多，可以睇得更加投入。.劇情主要探討生死存亡關頭的人性善惡，無論列車上，火車站，也多次揭露人類自私一面，連主角也有掙扎過。不過戲中有唔少人犧牲，主角只係救到自己人….電影中最大卡的李敏鎬及Jisoo，角色實力強環但感覺只屬花瓶，友人說大概是為了賣埠。.觀影平台: 高先電影院.IG: AndyMyFilmography/ #AndyMovieReview

《全知讀者視角：滅世預言》原著漫畫，估計是一套長篇的連載作品。電影甫開場十來分鐘，已看到人物龐雜，支線繁多的格局。然而，這類更適合改編成劇集的故事，一旦搬上大銀幕，迫於時間壓力下，勢必要大刀闊斧刪剪枝葉。過程中，能否不傷脈絡，端看編劇的功力，以及他/她對原著是否爛熟於胸。雖然本片的開局有趣吸引，惟人物描寫則略嫌不夠緻密，以致觀看時較難投入片中的重重危機。那怕是本應令人動容的生死相搏，結果卻像蝸角之爭，僅僅是吹皺一池春水，激不起半點漣漪。將近十年沒有在電影演出的李敏鎬，狀態很好，魅力不減。男主角安孝燮出道多年，終於離開「公仔箱」，可惜處女作的表現未見驚喜。幾位女角，Nana林珍兒飾演戰力強橫的鄭熙媛，眉目間帶有一股視死如歸的英氣，是全片辨識度最高，個人最喜歡的角色。BLACKPINK Jisoo智秀的戲份不多，對白也不多，全憑冷漠的外殼包裹着絕不認命的倔強，令觀眾留下深刻印象。多次獲得演技獎的蔡秀彬，在片中飾演的劉尚雅是花瓶角色；既然暫時只要求顏值，由蟬聯韓國最美女星第一名的蔡秀彬出演，也是很合適的選擇。總的來說，如果電腦特技能做得逼真一點，會更加吸引。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

我完全無睇過原著，見到好多評價話好多劇情唔跟原著唔好睇。我自己作為多年網絡小說讀者（例如慶餘年），睇返真人版都唔太喜歡。但我睇完電影版《全知》，吸引到我睇原著小說，將小說放左入我個Book List，我認為改編電影最成功莫過於此。練功打鬥類小說改編成真人版，一定會面臨好多困難。要將咁多劇情嘅小說拍成兩個鐘電影，一定會作出好多取捨。到底成為孤獨嘅王者、定係眾人推舉但條路更加艱辛嘅仁王？我見電影淨係好簡單表面咁帶出呢兩個命題已經可以拍一套戲，仲有大量人物嘅描寫、動作場面點表達等等。希望小說迷明白改編成電影係唔簡單，成功引起到大眾嘅話題，更多人喜歡你所喜歡嘅野都係好事～我覺得《全知》受惠於有小說嘅框架，整體劇情節奏拿捏得唔錯，全劇幾乎無悶場。雖然打鬥時好多動作只係簡單嘅斬劈殺，但都係個句，真人拍嘅幻想世界唔可以祈求更多？而且特技真係嘆為觀止，完全媲美荷里活、屌打近年Marvel。雖然仲係有好假嘅綠幕感，但睇得出劇組為左重現呢個幻想世界已盡最大努力。其實網絡小說，由其中國嘅我都睇好多，好多作者為左追更吸引讀者睇下一章，會加入好多食書劇情，寫一步諗一步。好少可有本小說開頭已經有咁大嘅世界觀，所以呢類爽快升級外掛龍傲天類型小說，《全知》我覺得已經設定得唔錯，人地成為韓國No.1都唔係無原因。總結一句係無論原著小說迷定淨係會睇電影嘅影迷，希望都會拎到個中間點。

“你們的命運取決於你們怎樣做任務。”“為什麼世界會變成這樣？為什麼人類要受這樣的懲罰？”男主角金獨子由中學開始追睇嘅冷門小說，即使只剩番佢一個人仲繼續睇到最後結局，不料他罵完作者結局寫得差之後冇幾耐，小說生存遊戲情節同角色突然全部發生喺現實，要好似打機咁突破重重關卡先可以生存繼續。電影好營造出有打機生存通關感覺、異獸災難出沒情景嘅視覺緊張刺激實感畫面，睇果陣有與神同行嘅奇幻感覺、屍殺列車嘅套路感覺。幾位主要角色皆有獨當一面嘅立體形象，尤其安孝燮飾演嘅金獨子情況寫出嘅面對關卡情況點樣呼應佢嘅悲慘過去，其他角色如有多一點人物描寫可能更佳。

所有主角由全部唔識患難見真情下變成生死之交一齊打怪物故事都唔算好新奇，但係幾奇情每個角色都有得發揮下嘅平均隊友情就熱血得來又有啲老土不過男主角諗返起細個同朋友互相打交嗰一幕我都有啲觸動打鬥的場面激烈，緊張刺激係畫面特技好似低級了一點但係入邊啲星座仔幾可愛俾佢四粒星，時間過得好快，幾爽而且個男主角臨尾問李敏鎬，你幾好嗎？一個畫面靚仔到爆