無名指

集各種人間慘事於一身，可以講得係一場老土大悲劇，但導演處理不俗，再加上演員出色演出，仍能為觀眾帶來一齣好戲。此作不得不提演員，卡士算強，有郭富城、鮑起靜、許恩怡、梁泳琪等等，全部都係能演嘅演員。特别要讚嘅係許恩怡，年紀輕輕，既要演譯肌肉萎縮症病人特徵，又要顧及感情戲嘅表達，有其難度，結果冇令人失望，表現出色，尤其一幕公屋中與郭富城嘅盡訴心中情，令人動容，印象深刻....精彩！欣賞呢套戲其實係欣賞一班出色演員嘅演技。另外，滿滿嘅香港味令人尋回港產片嘅味道，亦係一個精彩之處。整體係一套上佳作品，温情同悲傷滿滿，值得入場細味！PS.• 扣分位係老土🤣• 許恩怡係一個有前/錢途嘅年青演員，睇好佢

劇本大可以講多好多野 唔知係90分鐘時間限制所以剪接得好零碎定係劇本本來真係miss左好多野好多劇情都靠角色簡單一兩句對白 就希望觀眾自己補上欠缺嘅內容同情感包括郭富城傷患原因女主角係壁球場喊到崩潰再返屋企鬧交大嗌佢想同爸爸打壁球打唔到都係靠簡單一兩句對白講左 睇落好似有理由但感情淺薄無辦法共情好多劇情對白老套尷尬煽情到毛管棟係走廊隔住度門吹口哨“世界七大奇蹟 我咪望住囉”“要贏先要學識輸 壁球係屋企都係”“三個人一條命”“結婚嗰陣話過會令你開心”“喺醫院到其他家長望我嘅眼神有種講唔出嘅苦”梁詠琪嘅媽媽角色同主角之間嘅感情係無交集過呢個角色甚至對套戲有啲多餘好多都睇到皺晒眉頭Feel到導演係想令觀眾感動到喊太刻意嘅喊位更加令人有一頭霧水嘅感覺同反感同埋真係真係有無認真研究過肌肉萎縮症病人離世原因考完dse咁坐係張輪椅到死知道係想令個角色圓夢(除左嫲嫲一開始講過句”我知你緊張考試”同偶爾出現喺壁報板嘅倒數考試日期仲有同郭富城一齊坐過喺圖書館基本上女主角冇俾人睇得出佢好緊張考試但係點都好啦)考完試筋疲力盡咁死係好唔合理冇辦法自主控制身體嘅病人通常都會係感染或者器官衰竭而死通常呢兩樣嘢發生 病人都唔會可以隨便出院要插喉臥床同埋DSE都唔會安排特殊學生直接喺坐係考場最後位置真係好多唔合理嘅位睇到好出戲撇開劇情去講演員真係做到盡晒力除咗三位主角之外田雞看更 阿旦議員 呢兩個角色都印象深刻我唔係Hater 但係下午場全場夾埋得10零個人得我一個係後生 其他都係長者入嚟涼冷氣一邊傾偈一邊玩電話我好認真睇 連對白都記得晒咁滯都冇辦法投入更何況喺後邊唔專心嘅人

個人覺得套戲不俗。我會形容套戲是越睇越有力。講真，我好不喜歡套戲的前半，整個感覺好硬，尤其是首段阿王的這種演繹，的確好令人不討好，感覺好做作，但一去到中尾段，他的演繹卻一百八十度改變，大約是從他同媽媽告別那幕開始，這樣感動便湧出來而無可否認，鮑姐無疑是在這套戲中演得最好的一個，她這樣人設同演繹情感的深度，的確大大可以救回套戲，其中她同阿王在長凳的一段，是整套戲中最好睇同感動。咁當然許恩怡這副演繹也是亮麗。而導演在技藝上的處理，也是不俗，無論是調色調光、鏡頭運用、選曲等，他的處理也是符合預期，他鏡頭下的花園大廈，的確別有味道，無論是日景、大廈內走廊或者他們在半山上的長凳，他們拍得好唯美。痴·影·夢·藝 X 的專頁 https://www.facebook.com/ckwunmovie/

故事情節平淡，未能讓“照顧者和被照顧者同樣飽受壓力”這個電影主題激起觀眾思緒，可以說未用剖析及創意的觀點或商業電影手法去表達。值得稱讚是電影攝影和美術設計不俗，眾演員努力演出。支持香港電影。

如題，意志消沉嘅男主，同埋樂觀積極嘅女主，形成強烈反差，但全片充滿正能量沒有壓抑感，相當舒暢，當然最正嘅都係睇到破鏡重圓，失而復得，真係好感動。4.7/5 (93分)

有咁好嘅演員，而能拍出唔多感人嘅電影🍿導演同故事/編劇真係「功不可沒」，電影只得90分鐘，亦可能剪接太重手，刪去咗本來可以慢慢營造出戲味嘅情節，真可惜！肌肉萎縮症下，阿女太口齒伶俐啦。這種考生須到特別試場，由於答得慢要加長考試時間，仲要用電腦鍵盤輔助作答，冇可能同其他DSE普通考生同場競賽！梁詠琪飾演嘅阿媽冇勇氣面對女兒我明白，但喺有經濟能力下，都不給予女兒一啲補償，等佢可以有較好嘅最後時光，很講唔通！一係就再狠心啲自私啲，十七年都不聞不問，索性連約會都拒絕，否則匿埋喺電話亭淚崩就顯得造作、假惺惺、毫無說服力！之所以話導演唔得👎兩個原因：阿爸十幾年逃避責任，因為老友喺壁球場幾句講咗等於冇講嘅說話，即刻被點化頓悟並痛改前非，我唔係好buy！另外，阿爸隔住度門向阿女懺悔，即刻消除十幾年積怨都牽強咗啲。編導不令人滿意，演員就冇乜好挑剔！