南京照相館

真人真事改編+全場精彩冇悶埸 睇完體會到人為咗生存唔好咁輕易放棄

個人覺得套戲整體不俗。如果撇除不講他是否主旋律這點，套戲本身無論在執行同處理方面是合格。我會形容套戲規模夠大、故事舖排夠闊、有些位的處理有心思，但略為覺得導演在一些角色動機的細緻描寫位有點薄弱，這點無疑是需要扣一定程度的分。如果個人來講，套戲中最令我深刻，應該是王傳君的一段，他這副演繹同情緒變化的確好令人深刻。反而劉昊然這段，個人覺得略為有點過於公式。痴·影·夢·藝 X 的專頁 https://www.facebook.com/ckwunmovie/

係發奮圖強，提醒自己、國家和民族不要太過窩囊，否則就會自招滅亡和恥辱。但不是記恨報仇，仇恨嘅對象早就死了，我們不應向無辜嘅後代報復，當然我冇選擇原諒，因為（1）我不是當時嘅受害人，我冇哩個資格去原諒或報仇（2）日本🇯🇵還未正正式式老老實實向所有太平洋戰爭嘅受侵略國家道歉🙇🏻‍♂️更冇承認戰爭罪責並正確面對歷史（當然世上大多數國家都隱自己嘅惡、揚自以為嘅善）。其實電影中嘅伊藤秀夫就係當時和今日唔肯面對歷史真相嘅日本人嘅典型/代表，喺有利用價值嘅時候就係「朋友」，到冇嘅時候（學識沖曬菲林🎞️之後），支那人就唔再係人，係畜生、係狗、係豬！送通行證之後，居然通知關卡殺人滅口，到發覺殺錯人後居然怪責死唔去嘅阿泰違反「朋友誠信」「忘恩負義」？？？原來當時日本人當你係朋友，你唔照佢意思去死係「唔夠朋友」！！！片末谷壽夫喺遠東軍事法庭受審時，拒絕承認有南京大屠殺，只承認戰爭難免「誤傷平民」？？？到南京照相館照片上枱，鐵證如山，居然仲可以怪罪南京守軍唔應該強烈抵抗，否則日軍也不致殺紅了眼，入城後屠城！這令我諗起幾年前印度發生巴士上輪姦和謀殺女醫科生事件，「如果佢唔反抗，好好配合我哋，頂多只係被輪姦，我哋就唔會攞佢命，佢嘅死係自己攞嚟㗎！」電影重現咗日軍好多五花八門嘅屠殺場面，加上係彩色數碼攝製，理應比以前「鬆郁矇」嘅紀錄片震撼，但其實好多血腥場面都冇去到最後⋯⋯電檢尺度？費事引起觀眾不安？至於劇情有點零碎，兩個半鐘唔算流暢，更唔能夠一氣呵成，劇力萬鈞。阿泰兩次放棄逃生機會，電影冇交代佢點解咁偉大，反而最有血有肉最真實嘅角色係王廣海哩個漢奸翻譯員！劇情最唔合理嘅係照相館老闆嘅B仔，有阿媽人奶唔飲走去飲奶粉（喺屠城之下點搵呢？），到得兩個通行證時，點解唔係阿爸帶個女走，應該留返阿媽喺度餵奶🍼吖嘛，留個阿爸，如果搵唔到奶粉，蘇蝦唔餓死都大喊，到時洩漏藏身之處，咪一鑊熟？電影編和導有改善空間，以致唔夠力做到悲壯感人，演員就落力投入，只係因為編導未夠班，有啲吃力不討好。

《孤注一擲》導演申奧用這個側照來講當年慘況。重點是教導當年軍國主義的禍害，以及戰敗後日本現代化，看他們如何走上和平跟現代化之路。即便有所仇恨，也應重導觀眾反戰，不要再殺戮變成當年的民族主義。裝作學徒阿泰的〈劉昊然〉跟做日軍翻譯，臨急一晚跟躲藏暗格的老闆即學如何在暗房沖曬照片。樓上樓下，真的不能見光將底片成相。血紅色一面是曬相所需，一面又顯示各位命懸一線。一樣都是傳訊，但是更為關鍵演翻譯的〈王傳君〉卻淪為漢奸。「洗的不是相片，而是五條人命」。受困在影樓的眾人靠住沖洗的相片才知道外面的世界如何。幫曬相就變漢汗，不洗就變相中受害者。最慘發現相中人是自己親人或者所識之人。自身難保下，任誰都要找方法活得一日就一日。戰地攝影兵〈伊騰秀夫〉，隨軍記錄以另一角度留證：拍下人頭落地以為是榮譽。雖然應許男主角完事後會批予離開南京的通行證，但不代表可以有命離開。被毀容一半亦算諷刺其偽善的猙獰面貌。學會沖洗相片後就舉槍指向「朋友」，唯獨就是不夠那種命懸一線的感覺。拍下別人的死亡，卻無預見自己的命運。必不可少的百人斬競賽。還有血流成河與戰俘堆滿的惡臭，「笑」住抱起所謂昏過去的娃。黑白相片單看都令人駭然。讚的是以間接來呈現暴行，不再是《黑太陽731》(1988)那種獵奇式重現受害情況。上頭雖然回饋蓋住「不許可」，下面就更視人命如草芥。以為換相就能逃出南京城。豈料太君他借刀殺人，有通行證原來反而致命。計廿秒倒數用的詩歌再讀時是最後一片全家福，這幕應該是背水一戰的淚點。「不許可」的相片卻在國際報章的罵證，亦為審判日軍戰犯的重要證據。對阿泰/蘇柳昌最後都總算是當郵差的任務。最後攝人者亦被攝其臨刑一刻算是大快人心吧。決定館下誰能逃出南京一段就略為你推我搡。最後平民那種「寸土不讓」的骨氣依然尷尬，畢竟是主旋律電影必備的力量。

論電影，拍得比想像中溫和，但歷史是真實的， 國家真的要有能力保護自己。 中國。加油！

幾位主要演員都有高水準的演出，以飾演日軍翻譯的王傳君最為突出，劉昊然和高葉也非常不錯。撇開這一套抗戰電影的政治宣傳目的不談，由一個郵差於戰亂中的遭遇帶觀眾進入一段充滿情感的故事，導演的功力十足。