香港四徑大步走

呢套唔似一套電影，你會覺得似係睇緊鏗鏘集咁…將一大個主題呈現於戲院大銀幕，好精彩，要讚一讚剪接，一路走來咁交代個比賽來由，當中每條track有幾咁複雜難行…有幾多個困難要克服等等；透過幾位參賽者唔同角度做切入點，夠哂宏觀，再加埋主辦單位參與拍攝，完完全全說服到觀眾們！好好睇嘅熱血比賽！

拍攝出嚟好靚，很有趣提材原來香港有衣種比賽，有點反思點解要挑戰自我身體極限？

香港人嘅生活，好似有好多平衡時空，有錢人同窮人係兩個唔同嘅時空，工人姐姐同南亞人係兩個時空，本地人同expats 係另外唔會重疊嘅時空，難得有嘢能夠將唔同嘅族群同時空搭通，哩套戲就係一個好例子，人未必可以改變人與人之間既距離，但土地同運動可以。原本係expats 小圈子嘅自我挑戰，而家成為愛香港嘅人嘅止痛藥，有我地熟悉同行過嘅路，有面對艱難嘅猶疑，有面對失敗嘅崩潰，有借身邊人嘅支持而從新上路嘅感動。導演將一個自我嘅挑戰，化身成有起承轉合嘅劇本，未到最後都未知結局如何，但原來重要嘅跟本唔係成敗得失，而係過程體驗後嘅感悟。或者一齣成功作品就係觀眾能各取所需，各有各嘅投射。睇人地寫觀後感，成日有人話係年度最佳之一，今次冇之一，一定係年度最佳同最打動人嘅電影。

除了體能和意志、堅強忍耐，心中還要有一團火，72小時不能熄滅的火，要有幾堅持、要有幾喜愛這項運動才能做到？非常有激勵性的紀錄片，最後誰是 Finisher / Surviver ? 有幾多個中途離場，過程有血有淚、波折重重，能於 50 小時跑畢四徑的 “完成者” 簡直非同小可，每個參賽者來到終點，吻過綠色邮筒都會爆喊！不是有這套片，不知道原來香港有這項賽事，第一屆是 2012 年，後來越來越多人參加，能夠於 50小時內的 ‘’完成者‘’ 真的很痴線，相信他應該無瞓過教！這就是香港獨特的美和吸引力！一般凡人只會分 n 次完成的 "Surviver" ！無論你是否跑友行山友，正在糾結如何面對困境的人，都應該入場看。

四徑橫跨港九新界大嶼山裡面見到好多壯麗嘅香港景色 但成套戲唔單止紀錄左呢個賽事咁簡單仲有少少電影劇本嘅起承轉合參賽者人物性格鮮明 有跑山界明星有素人有熱門有黑馬透過賽前準備 訓練 越野跑界各朋友 傳媒訪問就算你同我係完全冇跑開步嘅觀眾 都會感受到呢個賽事 係癲嘅…因為當中有太多不確定性 當人身心俱疲加上缺乏休息嘅時候係非常危險就算身經百戰嘅老手都未必一定可以成為生存者（即72小時內完成） 所以放棄並不等如羞恥 呢啲咪就係 凸手講嘅「說好香港故事」

“你自己身體要去到幾盡？”“退賽再重新參賽是最大的心理障礙。”“這場超級越野馬拉松賽事，不但是個人的比賽，更是對自己內在的了解。”充滿熱血同鼓舞性拍出呢套記錄挑戰香港四徑參賽者嘅血淚體力付出同過程中嘅高低起伏，好真實呈現出參賽者們比賽前預備、比賽中途受挫感覺自己走入黑洞深淵甚至受傷嘅辛酸心境、比賽後嘅回望體會感受。呢套記錄長片嘅製作水平亦相當高，拍攝參賽者喺挑戰四徑過程尤其用到航拍可以睇到香港山徑景色嘅美麗、仲有有效嘅剪接技術好連貫展現出參賽者挑戰香港四徑嘅過程同回望感受。