調教我的喪屍女兒

雖然都是以喪屍為背景題材，但編劇以馴獸師為角色舖排，加以輕鬆風趣親情的手法表現，這樣的配搭，令喪屍系列電影增潻新活力，舊瓶美酒。近期值得一看的電影。這樣性價高的電影，值得在冰寒期的香港電影人借鏡。

2.8⭐作為一套喜劇，冇一個位我係笑得出，甚至乎係會心微笑都冇，只能比合格嘅一套普通電影作品。叫得喜劇，自然唔會期望佢會有一個結構複雜/緊密，合乎常理嘅故事/劇情，呢方面電影係乎合預期，亦算係有一個完整嘅故事。製作方面，此作唔係大製作，CG，美術、服裝、攝影、剪接、...等等亦屬合格，所以整體電影故事同製作都屬合品，所以我比佢2.7⭐。但可惜令我失望嘅係，呢套戲嘅笑料係完全令我笑唔出，全部都係可預期同埋已經outdated嘅硬滑稽笑料，我真係完全笑唔出，比佢悶親，睇得好老鑑。😒作為一部笑片，唔好笑就真係死罪！全片我最唔鍾意嘅係收尾又要玩催淚，呢樣嘢係我最唔鍾意韓片嘅一樣嘢！任何片種最尾都硬係要放催淚彈，引用Hello文果句對白...不知所謂！呢套係笑片嚟㗎哥仔！😤唔好話我偏見，我講返我睇果場嘅情況比大家知。我左手邊對情侣瞓著咗，我就勉強撐得住睇哂，但右手邊隔個位個女人就笑聲震院，笑到趴街，由頭狂笑到尾，好誇張！尾段感動位喊又有佢份，佢睇呢套戲真係起碼值回十張飛票價，好似坐過山車咁！🤣🤣🤣笑點低又眼淺真幸福！🤣🤣🤣至於閣下入唔入場就自行判斷。😅PS.• 係我衰，笑點高• 我懷疑我右邊個女士人生第一次睇喜劇，又或者入場前已飲大咗😅• 有啲人認為電影有感動/催淚便是好，本人並不認同，乜類型嘅電影都地圖炮放催淚彈便是濫！• 男主角做得算唔錯，之前男航女機司都做得幾好

前段正常笑片節奏，但不知不覺間已經代入咗當中嘅親情，結尾感動位非常強烈。4.6/5 （92分）

韓國🇰🇷擅長拍喪屍電影，但哩齣無論化妝同氣氛都馬馬虎虎唔驚嚇，笑位得一兩個，親情同口水就好多，拖拖拉拉節奏唔快唔慢，唔太悶但絕對唔爽，故事堆砌，加咗啲「新意」：喪屍抗體變疫苗💉若能幫喪屍恢復記憶可延緩轉化成喪屍嘅過程，其實都只為牽強嘅故事自圓其說，想煽情但唔感動，睇完對眼仲乾過撒哈拉沙漠！我以後會記住曹政奭哩個名字，最近喺電視睇咗佢嘅前作《男航女機司》，連埋哩齣，佢嘅名字代表「肉麻當有趣」😱😱😱

父女之情，父親為女的愛今次改篇強調。預期是喜劇實際不太夠好笑，男主角在上年的《男航女機師》就有趣得多。類似同期大熱的炭治郎的身世，跟受感染的親人避人耳目。骨肉間的感情最為加分，調教得越耐就越更淚人！男主角在動物園的馴服技能，像女兒逐步恢復人類。初戀出場之後就知道兩人真正關係，為何不願直接叫對方為爸爸原因，後來真的像嬰孩般喊出二字最為治癒！真心真意才是重要，就算有害也可克服。不過作為證物的調教日誌略為業餘，似隨意日記多過馴化進度記錄，不夠符合人設職業。貓貓真的是畫龍點睛。雖然這隻橙貓沒有特別背景或者超能力之類，但是特寫搶戲，單單坐在角落都不難不留意到牠。而開診所雷神同事亦都出手，做出「還原靚靚拳」幫女主角易容。唯獨喪屍只出現在城市，很快因為避世入鄉就「恢復正常」，見到的人都是正常人。嫲嫲跟前女朋友是主要貢獻笑點的角色。作為前女友，一開始的敵對勢要斬殺的態度超好師。不過接着作為老師，她順勢帶女主角到學校一段更加可惜，只是一個四人的小班教學，搞笑有限。如果像《極限逃生》一樣，其實不止男主角一家，還有很多家庭都這樣匿跡偷活。話雖如此，因為自己家人而隱瞞病情，換成你的親人連累出事就可不是用親情來免罪的理由。還好有隱藏角色為賞金突然出現，邊緣之前為真正的親人去破戒這點大為加分。當地票房亮眼其實只是韓國政策推動的結果。反而原本89集漫畫中，對政府如何消滅存活的喪屍及高度管制隔離民眾的情節「幾年後」來淡化其批判力。面對「家人」變到不似人形。任誰都落不到手。結尾找到抗體而可以逆轉，這個開心結局就見仁見志。不只開頭魚目混珠試圖走入屍群中，或者嫲嫲見到搞亂家中時的教訓外，還有關鍵舞曲跳起來也是尷尬。不過隱藏角色為賞金突然出現算是黑暗，為真正的親人去破戒這點大為加分。

入場前以為係喪屍喜劇，但原來喪屍肆虐只係佔好少好少部份，刺激感唔多。不過喪屍阿婆係好笑既。.女兒是全城最後一隻喪屍，大半套戲都係圍繞調教以及假裝正常人，當中校園生活頗有趣但短暫。徘徊一次又一次理智與情感的爭辯，爸爸說服其他人去接納女兒，最後賣弄溫情放催淚彈，但又唔太觸動到我。.整體我覺得套戲有少少悶，唔算好好笑。故事的確有點新意，但執行平傭的作品。.觀影平台: 旺角百老滙.IG: AndyMyFilmography/ #AndyMovieReview