驅魔黑修女

作為“鬼”片，本片既平淡而又沒特色，一向以劇本細緻見稱的韓片，今次刻劃未見細利，驅鬼場景未見特色，更談不上驚喜。可幸是喬妹表現沒令人失望，那位玩過界修女，既求救上帝也求救天上眾神，只要能救蒼生，形式只是形式，救人才是信仰的初心。喬妹粉絲可以一看，否則没甚吸引力。

繼"童話睇硬了"後又一唔值得浪費錢同時間睇嘅韓片。將戲飛錢食餐飯好過。兩套都娛樂唔到我之餘重睇到我有啲唔耐煩。Netflix 有都唔值得睇。一般恐怖片有以下三類驚嚇：1. Jump Scare - 以突如其來嘅畫面同音效去嚇觀衆，比較低手，但價廉同最有效，近年荷里活恐怖片至愛手法2. 以拍攝手法營造整體驚嚇氣氛，如燈光、鏡頭運用，恐怖配樂，例如以前經典凶兆系列、或近年嘅無聲絕境。但好考導演功力，難度高。3. 核突、恐怖又逼真嘅畫面直接衝擊視覺神經，例如完美物質。但呢類手法比較高成本。本片以上三類驚嚇都欠奉。全片沉悶乏味，故事老土，特效貧乏，全片畫面光線充足、鏡頭運用/畫面調色毫無恐佈氣氛，重要口水多過茶，連驅魔過程中人同魔都咁多嘢講，所謂恐佈全靠演員面部表情去話比你知當時係幾咁恐怖，但係....你認為兩女主角驚恐時嘅表情會有幾恐佈呢？🙄結果成套戲睇到我瞌著幾次。真係從未睇過如此"恐怖"嘅恐怖片。😴PS. • 其實呢類修女/教會驅魔片係西方人嘅文化同專利，亦已拍到爛，亞洲人點會拍得好過人哋呀！• 曾經睇過一個香港年青導演嘅訪問，佢話有興趣拍恐怖片，但製作budget唔多，唸過之後最後都係拍小品比較穩陣。即係話冇錢做出色特效/化妝就最好唔好拍恐怖片。本片就係一例。

由頭到尾得個嘈字，驅魔對白嚟嚟去去都係嗰幾句，大叫大嚷要迫令附身魔鬼報上名來，以方便驅趕，結果喺毫無說服力毫無氣勢下，隻惡鬼喺冇乜受壓下真係蠢到報名😱😱😱唯一有新意係居然安排韓國天主教和巫教合作驅魔，睇住修女巫女巫師同場捉妖，噱頭就有，可惜冇可觀性，全片化妝、CG、氣氛、緊張性都冇驚嚇感，一套唔恐怖嘅「恐怖片」真係好恐怖！都事隔超過半世紀，哩套戲又向1973年經典驅魔片Exorcist「致敬」，又係宏揚基督犧牲精神，神職人員捨身救細路，不過都有小修小補，咁就唔係完全抄襲/老翻啦，神父變修女，捨生變懷鬼胎，救女變救仔，熟口熟面嗰隻悶呀🫢🫢🫢宋慧喬都四十幾啦，唔通仲套套攬住小鮮肉攪姐弟戀咩，所以放下愛情天后包袱，改變戲路係明智嘅，不過就唔該揀好啲嘅劇本同導演，拍埋哩啲擘大口同鬼鬧交嘅片，根本浪費佢咁好嘅演技、氣質同靚樣！近年睇過嘅韓國鬼片或劇集，以哩套最悶兼最差！

電影美指，視效及音效做得不錯，有一貫近年韓國電影的質素，觀感卻是部令人失望之作！故事劇情悶氣連場，驅魔情節不外乎倒聖水，唸經，十字架，不斷循環但根本無作用。出埋塔羅牌我以為變左偵探解謎…睇到反白眼。我亦睇唔透隻惡魔幾時要現身或隱藏，反觀只是一輪又一輪小學雞口舌之爭，最終三個字定輸赢，流到核爆！.另一方面，女主角的驅魔能力及身份在戲中不斷被權威人士質疑及欺壓，突顯其孤身作戰，塑造她無私偉大的形象。而其他角色均有特別經歷，以為會有一番作為，可惜沒有。唯一值得讚揚的，是被附身的男孩，文友辰演得幾好。.如果唔係喬妹，我未必撐到0.7套戲。.觀影平台: 葵芳百老滙.IG: AndyMyFilmography/ #AndyMovieReview

一個個案令到神父與女主角之間爭執可否驅魔來「治療」。對宋慧喬無愛的人可以等串流。節奏拖曳，跟附身人鬥長氣。生存幾百年的惡魔就串盡妳食鹽多過你驅魔，反而靚仔神父就驚到神不守舍。魔鬼最慘，最多對白死去活來大家都只講宋慧喬⋯⋯女主角右耳有問題，但聽得見惡魔的聲音；韓國教會不信驅魔，理性堅持科學解釋附身的人。唯有用美其名的「不擇手段」，本地加西方儀式都貼好，亂石投醫。名義不同但本質一樣的惡，佛經聖經都有效，儀式都用近似的生畜來作奉獻。偷看角度望女主角大顯身手。方法眾多，但人才是最大阻力。驅魔手段只有聖水跟打小人式的嘴炮。沒有幾多Jump Scare，但換一換鏡頭亡者跟你握手，又或者大霧中看到似是而非的幻象。對手惡魔也太弱，輕易就被套出名字，罵話也只有重重覆覆幾句威脅。恐怖的地方可能是女主角見得多大場面而木無表情。雖生怕附身之人出事，但全程沒有表露一絲懼怕。第二女主角默默觀察，用塔羅牌增加頭緒。對罵之外，最後準備非常充足，就是漏了豬牛羊。惡魔不人道，但只是裝腔作勢。只在驅魔，換個場地又是聖水狂倒。簡言之就起底所有人黑歷史。如果可以加強驅魔者會被反噬的險惡可能會更刺激。女人生育，或許戲中女主角因癌症而變得不怕死亡，所以魔鬼捉住痛腳也不怕，祂以為的「弱點」利用成武器。

整體合格驅魔片，唔算好多驚嚇位，氣氛畫面到位，結局有個小扭橋，呢度加分，好耐冇見嘅喬妹再加0.5分，成套戲由頭帶到尾！