諾斯費拉圖

個人覺得套戲是不俗，我會講，他是一支用好漂亮帶有古典主義味道新瓶的舊酒，無疑，在故事、劇本處理上，這套無疑是乏善可陳，但個人覺得這點不是他主軸，而應該是睇他這副細緻的美術技藝。的確今套所營造的美術是十分好睇，無論服裝、髮型、攝影、美術等，也令一眾唯美控著迷。可以令觀眾投入到這個時代這樣的悽美感。但劇情方面，這套的執行同舖排均是好一般，好多位也是將以往吸血鬼系列應有的元素東拼西拼，這樣好令觀眾不太上心，咁當然如果是驚悚片粉絲，這套有些位也可滿足到。痴·影·夢·藝 X 的專頁 https://www.facebook.com/ckwunmovie/

片長132分鐘好多內容嘅對坑吸血鬼故事。電影主要玩劇情，以氣氛營造驚嚇，唔太多玩Jump Scare, 全片只有3, 4個 jump scare。電影略嫌節奏有點慢，覺得咬活白鴿個傻佬條線作用不大可以cut，節奏快啲會緊湊啲。兩女角上身戲都演得幾好。PS. 奇怪...呢套又露點又見毛都係llB級，"童畫睇硬了"點同毛都冇就lll級🙄

《諾斯費拉圖》羅馬尼亞語「有攻擊性的人」電影一開始便勾起我對1992年《吸血殭屍：驚情四百年》的記憶，結尾原來向更古早嘅第一齣吸血殭屍電影（德國1922年版）「致敬」！那齣電影攝於德國第一次世界大戰戰敗後，有映射法國及其總理克里孟梭猶如吸血鬼之嫌，佢哋透過苛刻的梵爾賽條約把可憐柔弱如少女嘅德國搾乾搾淨！換言之，本片並無新意，只是炒冷飯炒雜錦！沒有比較就沒有傷害，個人覺得本片比不上「致敬」的兩齣前作，先講德國黑白片版本，明顯Johnny Depp個女Lily-Rose Depp唔夠德國女演員咁冷艷，演技亦差得遠，1922年版既黑白又係默片，女主角用純演技/面部表情交代被吸血嘅痛苦，雙手一次又一次堅決地把Dracula擁入懷中直至天光與吸血殭屍同歸於盡，那種犧牲小我拯救大我嘅聖潔光輝，至今仍然燦爛地照耀影壇！Lily-Rose唔靚冇身材，演技又唔得，完全冇吸引殭屍嘅說服力，又交代唔到有任何能力魅力可以與殭屍纏鬥至天亮！如果講浪漫凄美和美術設計，更加同1992年Bram Stoker's Dracula冇得比。演員卡士更是雲泥之別，演Dracula同捉鬼博士係兩位影帝，Gary Oldman同Anthony Hopkins，女主角係Lily-Rose老豆追唔到嘅Winona Ryder，佢老公由Keanu Reeves飾演（個人覺得靚仔過Nicholas Hoult），連演Dracula嗰啲妻妾嘅都唔係無名之輩，當中包括義大利第一美人Monica Bellucci！主題曲仲係由Annie Lennox唱嘅Love Song for a Vampire，當年堪稱經典！個人覺得編導如果攪唔出新意思，純粹搏懵希望觀眾唔記得三幾十年前嘅經典電影，淨識炒冷飯copy & paste再combine埋一齊，仲要搵埋班未夠班嘅當代演員嚟演繹，咁同東施效顰狗尾續貂自暴其短冇分別！拍片同自殺冇分別。演員中只有Willem Dafoe做捉鬼博士較稱職，Aaron-Taylor Johnson（復仇者聯盟嘅快銀、狂獸獵人格力文）成個大茄哩啡咁，可有可無，最有趣係Nicholas Hoult先排先做過吸血鬼嘅僕人Renfield，今集反而走去打波士（對付吸血殭屍）！電影唔恐怖唔血腥，化裝唔核突，美術、服裝同佈景都冇乜特出之處，片長節奏慢都幾悶下，但同場有幾個初中男生唔知係因為悶，還是係冇胆睇，全程互相捉弄嬉戲細聲講大聲笑，打機，甚至出出入入，結果今朝被廢老影響，下午又被廢青影響觀影心情，唔怪得越嚟越少人入戲院睇戲啦！

吸血鬼的故事無人不知，今次故事雖然無多大擴充，但是那種經典哥德式的超自然與暗黑主義，緩緩將各種人類最怕的事一併駛來雖然關係不明！翻拍得太致敬反而新意欠缺。慢慢在灰淡月光照映下，他的影子徐徐延伸至整個城市每一角落，然後一發就被收拾⋯⋯男主角以為去了城堡打工，豈料變成真的「賣命」契約。明知屋中有何詭譎，但仍要客氣地請辭想逃離。而Bill Skarsgard 造型所演的 Orlok伯爵實在威脅。夜晚有「家」的感覺，日出就立時變成寧靜陰宅。標誌的邊緣古堡，日夜都懼之不安。男主角日頭以為對方困在棺木中不會亂動，下一刻竟然可以呼喚犬屬仆人來追殺。恐怖在於明知對方身份，卻無可爭脫。即便回到家又被請君回堡，處處都滴汗的無助加顫抖。現代太多型帥化的吸血鬼，偶然回歸到傳說中的野蠻原始也可以的，雖然臨尾先見得清面目。野蠻的愛反而去到最後是救命的方法。女主角看似最脆弱，反而她才有解鈴的力量。調虎離山計將丈夫引走，再跟惡魔履行約定。女主角所受的痛苦跟演技真的是歇斯底里！跟之前的版本都一定有隻可愛小貓，畢竟鼠疫這麼嚴重。男女主角之間似兄妹多過夫婦⋯⋯

諾斯費拉圖 (132mins)福評：今次冇睇Trainer，純粹近期沒有恐怖片，就同友人入去碰碰運氣，不過同呢套戲一樣「恐怖」(慘不忍睹的爛尾)收場及遇上爛片一部的「厄運」!故事發生於18世紀的德國，唔知頭唔知路，唔知點解女主角無聊到要特登邀請惡魔進入自己體內，尋歡？快慰？定好奇？而同魔鬼達成契約後，晚晚發惡夢與魔鬼交歡，直至與丈夫結婚為止，即是間接人魔三角戀及大綠帽，關係錯亂複雜！此片的故事性很弱，論述多過驚嚇，拖長來做，132分鐘其實過分冗長。這注明是恐怖片，不過導演營造恐怖氣氛實在太渣，驚嚇片段都係核突及Jump Scare，坦白講營造驚嚇的效果很草率，很多片段都是多餘的，說服觀眾的理據很牽強，一時瘟疫，一時殺人，一時瘋癲，一時魔鬼契約的作祟! 結局更是有點兒戲，驅魔人的佈局反而無用武之地！亦都草草了事爛尾收場，有時間我建議大家看其他電影較好！福分：45分IG: @fuksir_movie