柏靈頓:秘魯大冒險

這套真人系列電影，戲院內不論大人及小朋都充滿笑聲，實在是一套老少咸宜的消閒電影。

本來睇任何動畫或非真人演出嘅戲都偏愛睇原裝英語版，但今次由於時間配合唔到睇左粵語配音版，估唔到咁多驚喜位，唔想劇透，今集係冇乜悶場，想笑下可入場一看。

1）將國家地理頻道雜誌完整搬上大銀幕。2）故事中有親情，歷險，尋寶，偵探，搞笑等元素。3）秘魯景點馬丘比丘，即是宮崎駿既天空之城故事藍圖。不過今次係打開神秘既印加族黃金之城傳說。4）廣東話版係跟足香港地度語。老少咸宜。

本身無睇過第一集 白紙咁入場 估唔到笑位咁夠 (Recommend粵語版) 起承轉合溫情咩都齊晒 沙石近乎無 好耐無睇過咁完整嘅戲 同埋個核心主題亦都好match近期風潮

節奏明快，故事劇情緊湊，柏靈頓熊仔一如既往又得意又搞笑，最驚喜是電影帶出深層的意義，係一套笑中有淚嘅電影，值得推薦一家大細入場👍🏻👍🏻👍🏻

個人覺得今集是四平八穩，我會講，他需要有的，他也有。今集的確依然可保持系列傳統，故事簡單但好窩心，不講過於複雜道理，用最典型的冒險故事包裝，內講最簡單同顯淺的成長、家庭、身份認同的道理，個人覺得這方面導演的處理是合格。PS：今集以至整個系列依然是擔當說好英國故事的重要角色，今次他們拿英式雨傘文化同平民食店來作的幽默位依然好睇。痴·影·夢·藝 X 的專頁 https://www.facebook.com/ckwunmovie/