BJ單身日記：我為仔狂

女主角內心小劇場，口講無其實有的那種可愛！就算對先前三集無印象都好快可以了解女主角的親朋同事關係，劇情完整且甜蜜幽默。情侶觀眾看完定必更珍惜對方。結尾略急，鮮肉男主角戲份佔得較多。故事承接Jones她喪偶之後，全職媽媽照顧兩兄妹。好友同事醫生不斷說服重出江湖，還是做自己專業可以立即恢復一半生氣！然後如海報所示邂逅兩位男士：一個小鮮肉，一個學校老師。BJ即便去到「35歲」，依然會感到她那種少女戀愛心。最得意是朋友與同事都八卦她的情．慾生活！當然少不了BJ她超市做好*周全的準備，還要被學校老師撞破！鮮肉的確好味，就算遲到朋友生日派對，老套的濕身救場依然眾目睽睽。但是年齡還是一個大問題，戀愛還是有現實問題。學校科學男教師面對BJ當然自然不能抵抗，機緣巧合就跟對方一齊字面上乾燥烈火。不過轉折得比較快，有阿仔助攻合唱之下就成為告白成功。跟各位一樣興幸有人繼續幫女主角拉開拉鍊！

講下人生，講下生死，講下細路，見返好多老朋友。套片輕輕鬆鬆，鬼佬版「晚九朝五」，睇完好窩心。BJ都係咁隨性，性格爽朗，唯一唔知點解五十幾歲要化妝化到咁老。​​

由2000年套 Nurse Betty 開始認識同喜歡Renee Zelleeger。本片Renee仍然保持果種傻大姐，活喺自己世界果種風格。本作講述女主角BJ喪夫幾年後重新投入社會工作、尋找伴侶嘅故事。編劇幾能夠編寫一個從單身母親角度出發嘅故事，涵蓋自身心理、朋友關係、子女關係、職場關係、...等等，加上Renee 嘅演技魅力，令人睇得窩心暖暖。故事本身唔錯，唯同教師果條線寫得麻麻，由冇愛變有愛寫得唔足夠，感情轉折位有啲太突然凸兀。整體係一部窩心小品輕喜劇，可以一看。就算冇睇前作亦可入場。

如題，睇comment先知，因為唔知佢系到唔會影響觀感。戲中女主角是一名有兩個孩子的中年女子，她的單身身份成為朋輩間關注焦點，她嘗試用各種方法重塑自己的人生，到底該如何建立一個美好人生？找伴侶？性生活？重投職場？還是專心照顧孩子？這也是我們值得思考的問題。4.2/5 （84分）

1. 我成日不滿老油雞恃老賣老，擾亂早場觀影環境，但今早發生感人事件：我排隊買飛時，有位婆婆問阿哥係唔係睇發哥套戲，我以為係向我兜售贈券，所以冷淡地回應唔係，原來佢老友唔嚟得想轉贈，我馬上尷尬地加一句「睇咗啦，好好睇，希望你哋睇得開心😃」2. 點解哩套戲唔喺聖誕🎄新年檔期上呀？熱閙開心溫馨，好應節呀！尤其2024聖誕假期冇乜應節電影喎3. 我明白BJ唔離婚/守寡，好難「單身」繼續寫日記，但使唔使炸死哩個系列最討喜嘅角色Darcy呀？尤其如果今集係最終章嘅話，可唔可以俾佢走得好啲呢？Colin Firth今集都有幾個shots，仍然搶鏡，每次出場都係感動人心嘅告別👋4. 中英文片名都有啲違反商品說明條例，BJ同一眾大媽冇為小鮮肉由頭mad/狂到尾，雖然啲阿嬋對小鮮肉流晒口水好惹笑，連隔離同場觀影嘅幾位大媽睇哩段都睇到笑得好大聲，但真心覺得不忍卒睹，BJ老到眼都擘唔大，魚尾紋氾濫，淹沒咗close up，仲要高頻率擁吻車輪、床戲⋯⋯幾虐待觀眾（這可能係我哩類男性觀眾嘅偏見）吓，攪到我幾鍾意嘅Renee Zellweger好似老來嬌發老姣發花顛咁！我唔會叫哩啲係姐弟戀，因為一個55一個28，簡直係「母子亂倫」咁😱反而後來政治正確嘅黑教師白家長走埋一齊，順眼好多，兩人只差7歲，真係姐弟戀呀。4. 可能真係大結局，有好多重磅參演：Emma Thompson(影后出場，好笑吸睛）、Hugh Grant(一貫高水準）、Chiwetel Ejiofor（真情告白，令人動容，唔怪之得差啲憑奴隸十年攞奧斯卡影帝）⋯⋯最後片末總結過去四集嘅相片，令人視線模糊😭5. 全片輕鬆，仍舊好笑😁喜出望外，充滿英式幽默，睿智對白，溫馨感人嘅親情友情，完美落幕，為求永留美好印象，請不要🙅再encore！！！

利申：之前未睇過呢個系列，但當睇套愛情片應下節又睇得幾開心。.原來BJ單身日記於2001推出，繼04及16年推出續集，現正上映的是系列第四集。片尾彩蛋是過去三集的片段，發現戲中好幾幕是向舊作致敬。見到Netflix有齊之前3集上架，一定要睇返！.先講最新呢集，路人粉觀感係一個中女加一班色友，感覺有少少色慾都市。無睇之前都估到唔少角色有是原班人馬的情義結，角色性格鮮明。雖則主角之前的經歷我唔太清楚，難免少了一份共鳴，但劇情所發生的是個中女勵志愛情故事，年齡不是重點，女主角一顆少女心，家庭，愛情，社交圈子都有著墨，劇情內容幾豐富。雖然我覺得愛情線的處理有點突兀，但整體不失喜感，睇得歡樂。.往前走不等於忘記過去，活在當下！.觀影平台: K11 Art House.IG: AndyMyFilmography/ #AndyMovieReview