米奇17號

2.5⭐️抱住極高期望由當初出Teaser開始等到今日, 同friend睇完套戲坐咗喺度沉思咗幾分鐘，抱着遺憾離場. 一開始到中段幾吸引，不過動機同世界觀都交代得唔太清晰，所有嘢都太表面及不明確，到Multiples 出現後劇情甚至開始直線下降，多重體嘅特性對劇情都冇乜太大影響，只係另一個有躁狂症嘅自己，最後又係非常老土橋段［人類先係外星異類］，建議出去問真係有睇過呢套戲嘅人嘅影評，不要睇呢度留言高於四分嘅打手，唔可以因為奉導演其他電影好睇，所以夾硬話呢套戲好睇.（可唔可以俾返玉子同埋殺人回憶嘅水準我😭🙏🏻）

個人覺得套戲是比預期中好，奉無論在執行同處理均是好，我會講他可以做到雅俗共賞，他可以既有商業片胡鬧荒誕的包裝，但也有好深層，何為死亡這樣哲理性的思考，而奉卻好可以將兩者兼顧得好。講真如處理不當，好容易令套戲變成四不象，而他卻可克服到。其實套戲中無疑有很多位是諷刺當下世界政治，例如好無能但自我感覺良好的領袖、人民在選擇是否改變上的兩難，這樣他也是描寫得好，而因為調子，他也不如末世列車般令人感覺過於殘酷。而同時，套戲中有很多設計，同其他戲好類似，例如異空戰士中這個繼承記憶概念、星河戰隊中外星生物設計等，但奉卻用自己的手法來將這些元素加以改變，不是一味照抄。而今次柏迪臣的演繹也出乎意期地好，他演繹得好傳神，演繹技巧比他以往的更有空間同層次。咁當然雷法路這樣演無能領袖也是亮眼。痴·影·夢·藝 X 的專頁 https://www.facebook.com/ckwunmovie/

2.8⭐主角可以死完又死，不斷複製重生，並以此為生，令我唸起幾年前類似嘅死亡無限Loop (Happy Death Day)，都係死完又死、死完又死。本作需然都係類似，不過呢類題材大有發揮空間，只要玩得出色，仍可拍出趣味。可惜本作非也。除咗開場十多廿分鐘Intro. 介紹世界觀、男主角背景及其工作同不斷被消耗同複製有點趣味之外，之後嘅所謂主體內容卻令人失望，可以講係劇情鬆散、東拉西扯，而電影中段先開始同異生物嘅瓜葛主線其實好簡單亦老套冇趣，但又以東拉西扯攪埋啲硬幽默笑位嚟充塞簡單又空泛嘅主線劇情。全片人物唔少，但大部份角色都係意義不大，只係間唔時出下場up幾句對白充塞下時間同場面。奸角首領兩公婆角色設計同演譯又係老老套套，咩年代呀！重玩占基利！黑人女主角同白人靚女同袍角色又係模模糊糊，相關嘅劇情又係無無聊聊，純粹填滿一個半鐘。男主角雖然一人分色兩角，但兩個角色分別不大，角色設計亦冇乜發揮機會。論個戲比到盡只能2⭐。加埋荷里活製作水準比多0.8⭐。成套戲完全比唔到我娛樂重悶咗我兩個鐘，等極都未完場。此片不看無妨，唔睇冇損失。

電影前設是未來已有3D人體打印，只要生前不停upload記憶，就可以無限復活，於是乎對生命更不尊重，人人都隨時淪為expendables，但就可以無懼死亡嗎？那種死前痛苦不停在下一世再下一世累積，會習慣嗎？最攞命係嗰種被認為「可有可無」嘅無力感，生而為人嘅基本尊嚴都冇埋，這才是Mickey 17最無法面對的！如果仲有通識科，哩齣電影會係「複製人」議題嘅一個非常之好嘅切入點，複製咗肉身，但就等於同時複製咗靈魂和性格嗎？17和18嘅相遇、衝突及不同嘅結局，似乎告訴大家複製生物只是虛有其表而已！Multiples只會帶嚟混亂，於是乎18選擇消失，成全17繼續獨自存在，並親手炸毀打印機，奉俊昊今次講得太白俾埋答案，失去咗《上流寄生族》發人深省嘅後勁和回甘餘韻。人類殖民外星，反而迫害曾救自己嘅原生生物，似乎亦暗示美國白人迫害感恩節嘅源頭 — 印第安人，這巴掌打在殖民主義上不聲不響不痛不癢。唯一有點新意嘅係Nasha對Mickey嘅真愛，無論Mickey變成17或18、變成唔同性格，甚至乎變成好多個，佢都照單全收，全部要晒，即使有多一個都唔肯分俾Kai，冇數講！哩啲唔係自私唔係佔有慾，係對真心所愛嘅完全接納！柏德信、雷法路都演得好，但就只是好，沒有驚艷，只怪侵侵就係嗰種日日做騷嘅政治光棍，我哋太習慣啦，所以唔覺得雷法路喺度諷刺緊邊個，譁眾取寵早就係網紅、網絡世界嘅日常！

韓國大導奉俊昊5年前執導之《上流寄生族》，更上層樓爆紅，贏得奧斯卡多個獎項，包括最佳影片、最佳導演、原著劇本等，享譽國際。佢今次執導本片，香港開映前都見到一片好評，令人期待。本片根據科幻小說《米奇7號》改編拍成。時代背景係未來世界，地球已變得難以生活，人人都紛紛想辦法移民到其他星球。戱內主角米奇班尼斯Mickey Barnes(羅拔柏天臣Robert Pattinson 飾)，投資高級法國甜點馬卡龍而蝕大錢，為避債而選擇逃離地球，移民外星，並為個辦移民外星機構做特別工作，做一個所謂消耗體Expendable ，需要為完成任務而死，死後又可以打印複製翻生，但以往記憶可以保留。在生死之間，不斷輪迴，直到第17次，竟忽然多咗一個複製人米奇18，兩複製人都深感奇怪，追查這個星際移民機構嘅話事人馬素Ken Marshall (資深美國演員馬克雷法路Mark Ruffalo 飾)，過程帶來一啲黑色笑料，亦暴露出隱藏的荒謬。戲中外星上有怪獸叫creeper，可鑽穿冰層石頭，造型睇嚟核突，有幾個場景，佢哋成群結隊，漫山遍野追擊移民當地嘅人類，十分壯觀，製作頗為認真，奉導演一貫作風。電影聲稱在科幻中帶有感人而又有幽默感的政治性諷刺。但我只係覺得有啲過於胡鬧，有說教式的囉唆，某些塲面係有啲感人，不算是一部非看不可的電影，比不上奉導幾年前的《上流寄生族》。

不久將來，簡介完男主角在地球的困境之後，就好似《旺卡》一樣跳過合同就簽了約做宇宙工具人！初頭有比較多設定要引入所以要忍過就有趣。敍事都幾依賴旁白作調味料，再加上頗多內心戲降低畫面的影響。概念不錯，但小說電影化後比較乏味與失望，比預期少喜劇成份。戲院該推出熱菊花茶來配合睇戲養生。科幻但又能與現在政治情況有所關連。反派就比較諷刺，跟現實政客一樣即便看上去如此不可靠還是能做一官半職。Mark Ruffalo 演過綠巨人的老闆比較作狀的人造演技，睇得多有點厭煩。在《可憐的東西》(2024)，在太空卻要禁愛令。樣樣話題都按到，但實際好片面。作為白老鼠，各種危險又輕鬆的測試盡量交付給他。若有失誤則飯量減半。之不過沒有他，開拓星球就不能實驗。複製人橋段最接近應該是《月劫餘生》(2009)，只是孤獨得多並近地球。設定有趣吸引但呈現得好無聊。兩個「我」出現之後就是男主角的人生轉折點。從冰峽跑回來的17號與剛印出的暴燥狠惡的18號成對比。可能馬虎工作人員都不止一次卡到傳輸線而致的性格差異。對白都有透露之前之前的人間中都有突出的性格。草食男的特質引到女性同桌或許是這艘船上唯一福利。最好笑應該是女朋友見到有兩個他時忍不住的心思，稍遜於《挑戰者》(2014)。除了體位之外，合作機會不多，甚至將之前兩個他的要如何共存的緊張一刻消除。鮮肉以外，男主角屁股還是可觀的。被老闆命名為詭獸的原住民高智慧生物。造型上似犰狳加水熊蟲，但圓跳的靈活感又可愛。初看有點像《沙丘》的­巨型沙蟲，不過近看似《風之谷》那種怪物，只要不要近望背面的模樣可以接受。《阿凡達2》一樣，這個媽媽跟之後的人類會如何共存呢？抽出那些先住生物的尾巴來攪拌而成嘔心食物，比起《末世列車》(2013) 算易入口。好奇會這個部分會重生，還是純粹數量多而無所謂？反觀當地蟲蟲牠們都不會濫殺無辜，可能去到外星開拓都要掘走地球的價值觀。好似《65：絕境逃生》(2023)般，相對人類才是入侵者與異形。以為光頭手下會像科研人員倒戈，還好其他人還有理性。用聲靠嚇一段，這個翻譯機媲美 Star Trek。食物不足為何不像《雲圖》(2012) 打印人肉，男主角的肉無人能抵抗。好奇合約完結的條件，要做滿幾多次重印，還是純粹指定額度的報酬？臨尾細思下其實男主角還可以長生不老，只要不斷打印原始備份的身體。重新打印的成本比起收集到的數據不多。有個強調好幾次的頭髮香味在電影中又好似沒特別再解釋。結束得很有伏筆，18號就按下炸藥與奸角同歸於盡，而男主角最後走神遇到偷偷打印炸死的老闆老婆富人或者政治人物果然自己也偷偷使用這個鄙視的技術。既然老公可以印出，也不差在改動記憶來做真正的傀儡？