米奇17號

個人覺得套戲是比預期中好，奉無論在執行同處理均是好，我會講他可以做到雅俗共賞，他可以既有商業片胡鬧荒誕的包裝，但也有好深層，何為死亡這樣哲理性的思考，而奉卻好可以將兩者兼顧得好。講真如處理不當，好容易令套戲變成四不象，而他卻可克服到。其實套戲中無疑有很多位是諷刺當下世界政治，例如好無能但自我感覺良好的領袖、人民在選擇是否改變上的兩難，這樣他也是描寫得好，而因為調子，他也不如末世列車般令人感覺過於殘酷。而同時，套戲中有很多設計，同其他戲好類似，例如異空戰士中這個繼承記憶概念、星河戰隊中外星生物設計等，但奉卻用自己的手法來將這些元素加以改變，不是一味照抄。而今次柏迪臣的演繹也出乎意期地好，他演繹得好傳神，演繹技巧比他以往的更有空間同層次。咁當然雷法路這樣演無能領袖也是亮眼。痴·影·夢·藝 X 的專頁 https://www.facebook.com/ckwunmovie/

奉俊昊憑上流寄生族成功打入國際市場，今次執導荷里活科幻電影有大卡士，大製作，單睇海報已經很吸引。電影中消耗員是道德價值的衝擊，也提出有關死亡的思考。對於面對死亡的未知與恐懼確實難以想象，男主角即使明知會復活也難以習慣。電影同時有嘲諷政治的黑色幽默，雖則不少角色設定略為單一化，但整體觀感睇得幾過癮。.演員是電影一大加分位，Robert Pattinson繼吸血新世紀及蝙蝠俠後再有一個充滿發揮空間的角色，由人生失敗者，消極的消耗員漸漸找到人生意義，他就是有種讓人憐惜的魅力。Mark Ruffalo演的無能領袖以及Steven Yuen演的渣男損友都很有說服力，至於戲中幾個女角都是女強人角色，由食盡米奇1-18號的Naomi Ackie，領袖夫人的Toni Collette，敢挑戰強權的Anamaria Vartolomei以至實驗室小薯Patsy Ferran都比一眾男角優秀，同時亦有柔情一面。.最後當然少不了戲中關鍵的外星生物，明明我最討厭昆蟲，但唔知點解望落越來越可愛。.觀影平台: 高先電影院.IG: AndyMyFilmography/ #AndyMovieReview

個故仔寫得幾好，天馬行空得嚟但執行上又好似睇得幾過癮…令我有唔少幻想…去print呢樣/打印第樣…令好多已故嘅親人/朋友/甚至乎寵物永久重現🤩男主角加爆分，後期一人扮演兩角，鮮明對比，好出！整體睇得好爽，值得入院支持👍🏻

三十年前克隆羊多莉出生後，克隆技術自此成為科幻電影其中一個取之不盡、用之不竭的題材。印象最深刻的一齣複製人電影，是米高比爾執導的《謊島判變》。轉眼廿年過去，當年的女主角施嘉莉祖安遜，亦由花季少女變成不惑之人。韓國導演奉俊昊的《米奇17號》，克隆技術已經被更先進的人體打印技術取代。只要元神不滅，記憶「完好」保留下來，身體就可以無限重塑，軀殼變成名副其實的臭皮囊。身為太空船上的消耗品，17號米奇執行必死任務時，僥倖逃出鬼門關。然而雖生猶死的意外，導致18號已迫不及待「誕生」。兩個米奇（羅拔柏迪臣分飾）並存，嚴重違反規定，原則上兩人都要同時銷毁。故事由此派生出一連串意想不到的發展。逆來順受的17號與肆意妄為的18號，是在同一條時間線上分裂出來的兩種人格。為什麼會有此變化？電影好像沒有給出答案，只是安排了兩位本來水火不容、一柔一剛的米奇，合力對付太空船最高負責人馬歇爾（麥克雷法路飾）。水火相濟所產生的「蒸汽」，成功將言談舉止狀似川普的馬歇爾推翻，太空移民與星球原居民得以和平共處，全片結束。類似的反烏托邦故事，必然會出現一批透過壓榨剝削、犧牲他人利益以遂個人私利的權貴階層。更可怕的是，一部分掌權者曾幾何時也是來自無產階級。當大權在握，升城隍的水鬼迅即背叛了自身階級，成為變本加厲的剝削者。歷史例子多不勝數，於今為烈。奉俊昊憑《上流寄生族》名動天下，之後蟄伏六年，未建新猷。究竟是陷於創作瓶頸，還是因盛名所累導致瞻前顧後？不得而知。反正奉俊昊遠赴荷李活執導的這齣新片，不論是選角或是情節安排，只覺得滲雜了很多人在屋簷下，不得不低頭的遷就，少了昔日展翅欲飛、利錐破囊的銳氣。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

《米奇17號》係一部充滿哲學意味嘅電影，但又拍得非常淺白易明，導演將幾十個命題融入一部電影中又拍得相當精彩，不過有幾點都係覺得怪怪的，未能突破到《上流寄生族》個種驚艷感覺。1. 電影中大部分角色刻意地無視/無當米奇係人，令無限復活複製人呢個概念好似AI咁，反正佢已經係一個AI，我地普通人都唔會對一部電腦發生感情？當然《米奇17號》就探討得好淺白簡單，市面上有更加多講AI嘅電影講得更深入。2. 複製人另一點：道德人性問題就更可以深層討論。電影中米奇嘅記憶只會落返米奇到就話可以無限死啫。如果一個人嘅記憶可以不停備份，又可以去另一個人身體到，個個人其實係咪已經永生？ 可惜係電影太多野想講，一輪劇情後其實米奇17同18號都並無更多相處細節可以講，複製人會引發嘅有趣、道德問題都無乜涉獵，比較可惜。3. 電影前段講米奇1-16號處理得宜、好睇。米奇們嘅受虐過程都講得好詳盡，令我諗起《亞人》呢套漫畫，如果拋開所有道德標準，無限復活嘅人係實驗小白鼠人類版，米奇們的確係為人類探索外星極有貢獻。4. 反而電影聚焦於更多外太空/外星命題上，原居民詭獸蟲蟲其實係外貌嘔心版人類，一樣擁有完善社會，只係又有萬惡嘅人類反而係外星人想侵略佢地，詳細請睇《阿凡達》……我覺得蟲蟲呢part講得幾好。5. 刻意拉低兩公婆領導人智商水平感覺好無謂，拍得以為係老婆操控個老公，但去到最尾又唔係，兩個都係由頭無腦落尾。感覺班手下刻意奉承有咩陰謀，結果最後又係無……除左最靚女個個女配外，所有手下無乜邊個有印象。6. 大耳窿同米奇個FD比人追債個part都好無謂，我覺得地球上嘅事已經了結得幾好，何必又額外講佢個無謂嘅朋友同神通廣大嘅大耳窿？莫非套戲想發展另一個係地球嘅世界觀？7. 估唔到結局都仲有個彩蛋，如果套戲嘅所有人都係複製人，係印出黎咁點？講再遠啲，所有「人類」其實都係打印出黎？諗多兩諗真係諗爆頭，但主角輕鬆講句：Fuck off。搞掂啦～諗咁多做乜丫～生活都係要咁過～講真，電影求其一個命題都可以討論幾個世紀都無結果，一套電影又可以講幾多？起馬呢兩個鐘我就覺得睇得幾開心，開開心心睇套戲令大家心入面有呢個種子、想法咪算囉。

能夠到外地發展嘅導演，大部份都水土不服，就算大師如黑澤明，有潮流觸角如王家衛，都難逃一劫，是枝裕和同 Wim Wenders 係少數例外。奉喺荷里活拍嘅都有啲失手，哩套都係！上流寄生族講自己地方嘅問題，因為接地氣，其他地方嘅人都會有共鳴。相對你講人地既故事同問題，冇咗切身嘅痛，感染力大減。今次其實係一個美國寓言，諷刺人民分裂，意見兩極，冇腦領袖掛住包裝自己多於做實事..... 同 Snow piercer 一樣，冇佢係韓國拍啲戲咁有力量，最後水準平庸，亦冇咗佢其他戲嘅aftertaste, 一陣絲絲無奈同傷感。