奪命狂DATE

女主角 Meghann Fahy 演技上有料，心中有事但不能明言的情況越睇越有壓力陪她一樣。男女主角各自有職場／婚姻秘密逐步解開。跟傾了三個月的網友初次見面，來到餐廳門開始就好細心留意。監視兒子情況亦被人牢牢看緊，首次重出江湖卻變成國王遊戲。Drop後大量網絡大家都明的梗圖 (meme) 出事開始，雖然一堆都是吊吊胃口的圖，主打還是壓在女主角如何冷靜為神秘人替他做事。預告不斷的機震聲聽到有點恐怕，還好實際電影都算輕輕響起，真正具入侵性的只有矇面綁犯跟無厘頭侍應！還有〈 Baby Shark 〉原來也可以變成浪漫鋼琴曲！調情還好，首個DROP就不難明白反派的大致目的，頭廿分鐘一切都擺好上枱。因為都與男網友瞭解了一整季，所以大家都知道對方背景，不算太盲盒約會。完成第一個不難的要求之後，一步立即要女主角落毒，兩仔之間作出選擇。即便如何堅強，把柄再加家中獨子受到威脅亦祇能做個扯線公仔。任人擺布之下，又要強忍懼色，小心翼翼救人救己。每次去女廁之後，面就更有難色。比起男主角，她似乎更要那碟和牛來補腦。餐廳好大但實際是個困牢。大字疊加，再留意燈光效果，目光所達之人就聚集在其身上，有種舞台劇但又算吸引對年輕一代。戲中這個交友軟件的50呎定位設定，反而跟這個精心佈置的廠景餐廳好配合，未出事之前增加約會情趣去排除不太可能的情侶。其實都是熟識的舊玩法但變成用新科技來逼人做事。另一種女性互助的安全，借找機會去傳遞求救訊息，另一方面又要想辦法去回家救質。其他女食客或者職員都私下看出端倪。假笑扮無事、廁所「發泄」知趣迴避就像家暴一樣，屢敗屢試找不到人幫手，又不能明言。少少似往年的《圈套》，不過進入局中的人是無辜的。幾個男角色都有胡鬚，中期引入得越多可疑人物就越混淆。男侍應就比較突出「風趣」，每次出場都有種奇怪，不過不代表他不是可疑人之一。男主角 Henry 反而更搞笑，攝影師的鏡頭魅力沒法擋。兩位主角在祝酒之前一番肺腑之言，尤其是哭住自談自己的過去令人不能不記得女主角！臨尾知道究竟發生甚麼事，為何會被拖累之後就明點解反派要大費周章但低調借手殺人。跟幕行兇手對質就開始有點不合邏輯。不過無所謂盡快安排「送走」他，知道真面目就再無＊懸念啦～餐廳解決之後，就成臨場特工刺回家裏。開頭遙控車、餐廳招牌(Palate)​​都變成生死攸關的物件！活過一次，今次定必也能生存下去！人畜無害看上去的真的不能不提防。戲裏戲外都受到精密計算。升降機前的一對情侶還以為會再出場，畢竟女主角一抵達餐廳就是個局而要「小心」。為仔的阿媽果然不可惹少，結尾衝回住家再次面對槍下口的對峙。尾聲送爆動作場面，還好沒有治療師說服別人放下手槍之類情節。

故事設定有趣，緊張有追看性

男女主角都做得好 而且攝影角度靚 營造到刺激感

3.2⭐人蠢冇藥醫，為食"聽"收屍....呢兩句係用嚟形容呢套戲兩個奸角。前段餐廳dating戲編排不俗，有懸疑驚慄度，觀眾會去估到底誰是神秘策劃人，而神秘策劃人亦好似好勁咁掌控一砌在手中，可惜後段好突然咁就揭開神秘策劃人是誰，而該神秘人又突然變得好低B食咗誠實豆沙包咁一五一十將所有嘢和盤托出講比女主角知，重要細路仔咁為食要食埋個甜品先，結果....🙄。個殺手拍檔又係無腦兼笨手笨腳，正一成事不足.....整體上半場唔錯，下半場就有啲求其，唔認為呢啲叫cult。不過成套戲都叫冇悶場嘅~~~無所事事要kill time 可以唸唸。PS. 其實直接買兇隊冧個男主角咪快靚正囉！惡棍攪咁多無謂嘢把鬼咩~~~真係自己攞嚟衰！🤣🤣🤣

前中段看似平靜但有很強的窒息感，睇得相當辛苦，最後二十分鐘先舒緩返同埋有d動作情節。4.3/5 （86分）

琴日睇Amateur，今日睇Drop，都係驚慄片，前者大格局大製作，橫跨美國英國土耳其，後者小本經營，只局限於餐廳和屋企，但驚嚇度同緊張刺激程度居然不相上下！Amateur 難為咗影帝、大量金錢投資，真係擔心血本無歸，反而哩齣可能本小利大！不過兩齣都係好奇害死貓，壞人衰多口！壞蛋全程喺餐廳監控，衰衝口而出口快快直呼素未謀面嘅女主角名字，而且約會對象都走咗啦，仲單獨留低獨食燭光晚餐咁老尷，已經非常之可疑！（既然有錢請殺手，點解唔請個假老婆掩人耳目呢？）個殺手都好唔專業，事前踩過場探過路，但一行動就係業餘，既然只需要用小朋友就可以威脅阿媽，點解唔一出手就殺咗小姨呢？打暈咗又唔綁起，俾機會小姨反抗又救走外甥，開鎗又打唔死人，同女人打交都先後中兩刀，好廢柴呀😱😱😱Target既然係男主角，靜雞雞喺停車場暗殺咗佢，施施然攞走相機記憶咭咪得囉，使鬼要脅女主角，喺大庭廣眾、眾目睽睽之下，攪場大龍鳳咩！！！總之，哩兩套戲都懸而不疑、驚而不嚇、鋪排而犯駁😱😱😱