Last Mile:全面引爆

三字經影評...故事弱、演一般、口水多、冇起伏、唔緊湊、冇場面、拖太長......攪唔掂、瞌著咗、唔信嘅、入場睇PS. • 背後有乜message/內涵, 有乜諷刺都好，睇到觀眾瞌著咗/等完場就算係失敗。• 日本5星期票房冠軍，証明兩地口味大不同。

以拆彈為主題，節奏緊張但毫無壓抑感，女主角人設有感染力，辦事能力之高令人折服，中間有意為之嘅轉折亦增加咗懸念，中後段亦反映咗日本社會嘅一啲問題，到結局仲有點窩心。4.6/5 （92分）

我喺飛機✈️上免費睇，都要㩒停幾次，瞓醒覺再睇，實行分段收費，兩個鐘頭分四次睇咗超過三粒鐘😱😱😱如果交荷里活拍，應該緊張刺激好多，至少爆炸場面會逼真血腥淋漓啲！！！故事源起「工作過勞」「加班超時」，於是乎因工自殺嘅新聞喺日本成為風氣，比香港學童自殺不遑多讓，加上旁及散工待遇低、福利冇、職場剝削欺凌⋯⋯傷心人別有懷抱，日本人睇就梗有共鳴啦，唔怪之得可以成為連續五星期票房冠軍🏆香港人就比較灑脫，大不了裸辭返鄉下去日本踩場，所以唔會明白日本人點解會對公司一生一世咁忠心，更唔明白點解要咁盡心盡力，而且電影節奏慢係日本文化但唔啱香港人口味。電影仲有一個缺點，開始扮懸疑推理，但最後交俾滿島光自說自話自圓其說，相當牽強！兇手幫愛人向公司報仇，但傷及無辜，亦唔合乎日本人打死都唔要麻煩人哋嘅文化，所以我奇怪哩齣戲居然喺日本賣座，唔通新一代日本人覺得毀滅傳統好過癮？？？

主要看女主角 滿島光 查明那個環節放入炸彈，物流代理還是內部被人換成金太郎。不難估施襲目的是資本控訴。無看過兩套電視劇亦無礙運入這個物流世界，客串演員如彩蛋，就算不知其背景亦能找出幕後兇手。作為聯動劇集特別篇就不錯，但作為電影就遺憾⋯⋯　　 頭尾盲盒式炸得過癮，雖然炸得比較假。反而最難忘是首個炸死人的情況，亦是最重要但略牽強的「一打炸彈」之一！還有放在解剖床上的全黑碳化物件實際驚嚇。開頭的自助貨櫃以及太過耐用而停產的洗衣機原來都埋下一個幾大引線。門禁，跟這個量化運輸系統如果再突顯人人都是零件，好似追查員工編號跟貨物條碼之類。　　 女主角作為空降的新手主管，再配跟過幾任經理的熟手男主角。她的線莫名其妙，自己中招後先至改變態度。半夜刪去員工資料，然後又查出她不知何處調動過來增加懸疑，動機令人懷疑，未到最後也不知道她的心思。跟戲中阿孔一樣還以為對方是兇手，卻下一刻似乎冤枉好人。經理權限究竟有多大？　　 致力用那十二條公司英文格言來保持貨運效率，絕不可下降10%，Customer-centric 最緊要，一邊處理麻煩扣查令一邊要趕及另一頭開市時間。困在物流中心更易有物資供給，十部X光機輕鬆翌日入手。盡費心機，一個離開了又有新的​接任人。這間物流公司比較跨國，有美國總部跟戲中的日本分部。隱約開頭女主角有種外國人背景，再加上允諾男主角直呼其名，雖然日式英文太出戲。電影後半的集體維權比起爆炸似乎才是高潮。　　 羊毛不一定出在羊身上，廉價代表有些人要被壓榨。人人都是被勞役的羊，†兇手何解要炸及不少無辜的人，其實報復高層即可。還是各位網購者都是幫兇，所以實行隨機殺人。跳欄之戀人的這種日式自吻的高尚／愚昧，炸不到目標卻身先死。　　 儲物櫃的公式更代表沒有了誰，運輸帶依然能運作，血柒「歸零」了一分鐘最多就算跌到重傷成植物人。奇怪 @山崎佑 的動機，捱不住不如換公司，還是現在日本還有打成世的觀念？這個兇手自爆前還赴美、買戶口、準備材料跟落假廣告等等，一大筆錢卻實質改善皮毛⋯⋯　　 父子檔的物流小人物，單多但不夠司機去運貨。阿仔接近炸彈兩次都安然，應該買張六合彩。送貨失敗更加收不到錢，不在家、不願收貨亦是惡夢對於他們來說。反而羡慕他有個70歲的阿爸帶入行？　　 搞了這個大頭佛實質只加了廿円每單，罷工帶來車水杯薪的改變。為他人送上貨物美其名其實逃離不到這個殘酷體系吧。最慘是致電就要找貨的羊急便八木部長（阿部貞夫），用口來截貨問心都悸慄一下！最賺錢只有間中的黑五，如果平時諸君的報酬豈不只能食粥？

在黑色星期五Black Friday(即感恩節翌日）前夕，一個速遞郵包送到後不久爆炸引致死傷，之後電影就跟住展開，長約兩個小時，劇情都有多少轉折，但無乜懸疑曲折，當然唔係話一定要好刁鑽難解先至係好戱，但編導嘅鋪排集中於訴說日本社會不公平現象，冇乜深刻而感人場面。據說兩套有名日劇《法醫女王》以及《MIU404》嘅編、導、演人員都大多在本片出現。所以本片在日本甚受歡迎，票房唔錯。故事講速遞物流公司的運作，上𣸯公司係世界有名之日日快Daily Fast，而下游者係羊急便，負責前線速遞。故事反映出低下階層速遞員生活艱苦，工作量大，收入少，速遞每件包裹工資只有120日圓（約港幣6.5元）。日日快Daily Fast物流中心負責人舟渡艾蓮娜（滿𡷊光飾），團隊經理梨木孔（岡田將生飾），面對連環郵件爆炸事件，一方面想辦法維持公司營運，另一方面又要徹查原因以及追尋裝有炸彈的郵件的下落。本來呢種情節，可以拍得更為緊湊，但完場時只覺得有啲到喉唔到肺嘅感覺，唔明日本人點解咁buy呢套戲。

野木亞紀子最擅長的，是將日常生活所發生的不公平以及社會不公義，透過懸疑的方式代入電影之中。《Last miles 全面引爆》同樣借助連環爆炸事件，抒發對於社會階層壓榨的不公義。如果不喜歡日劇這種必須有意義以及人情味的故事，或者會覺得這部電影不太對口味。電影中透過展現快遞生產線，包括批發、入倉、出貨、傳遞，向觀眾展現低運費，其實是廠商如何壓榨過程中的工人而造成的。這種難得一見的角度，卻又跟生活息息相關。我特別喜歡電影將處理炸彈以及應付快遞緊張的氣氛拍到出色，就像美劇《大熊餐廳》，非常具體將產業日常的壓迫感在屏幕上向觀眾展現出來。其他詳細影評，歡迎來到爆米花族的世界參觀： Ig：popcornmoviehk