乘著光的幻想

個人覺得套戲是出色，我會形容套戲好輕、好柔同好唯美，比較一般偏重口味的印度片，他無疑是屬另類。而題材處理也是同一般印度片不同，套戲的主軸是印度女性渴望戀愛自由，這方面導演的處理好好，在好多位上，她的執行是細緻，一點也沒過火，而調控同拿捏技巧也剛好，這樣好令觀眾可產生好感。咁當然，這套在配樂同攝影方面也屬上佳，無論是配樂選配或攝影中拍出孟買這份獨特夜景唯美，也均這套戲中的亮點。痴·影·夢·藝 X 的專頁 https://www.facebook.com/ckwunmovie/

三位不同年代生活在孟買的“孟買漂”女子的婚姻經歷和渴望，生活在婚姻文明和自由的我們難以接受“父母之命”的婚姻。年長女子失去居住地比失去丈夫更傷心，年中女子活在思念幻想丈夫下，年輕女子渴望尋求自由戀愛的丈夫，個人覺得這是她們的經歷。當她們離開了孟買，重燃她們的渴望：有了房屋，忘了他鄉的丈夫，和男朋友有了共同目標。電影刻畫印度女性內心世界很細緻，她們和其他地方都熱衷尋求愛情，奈何社會那座大山逃不了。這種透切觀感可能只有印度人以西方視角看印度才有。

相信大家都知印度呢個國家男女幾唔平等，但我無諗到簡簡單單嘅自由戀愛都可以當破格話題咁拍一部電影。全劇由老中青三位女主角做著眼點：被迫遷嘅老主角係最無意思，想講印度地產霸權？但好多野又輕輕一句帶過，存在感等於無；盲婚啞嫁又保守嘅中女主角我地香港人睇唔明白，送個電飯煲已經令個心忐忑幾日？年青女主角同個醫生講幾句野已經要屌鳩佢Flirt仔？？？看似最打破傳統嘅年青女主角只係追求自由戀愛已經比人白眼，我覺得香港人實在太幸福，因為好多談情鏡頭真係好普通、好鬼悶，咁都已經可以做咁多幕…….我直頭睇到想瞓…….前段三人係孟買連結時都叫好睇少少，後段去左個山旮旯地方，老女角鬼隱、中女角無啦啦救左個人就打破自己心魔唔知做乜9？年輕女角繼續談好悶嘅戀愛……我作為香港人睇呢套戲代入感為0，但又會令我反思，呢套戲攞咁多獎可能真係印度界嘅青泉，我地較為開放嘅觀念（比起歐美已經叫保守）係印度人心中已經係變天。真係講句老套說話，請大家好好珍惜自己所擁有，有啲國家真係連最基本嘅野都無。

至少對香港嘅觀眾嚟講呢套戲真係非常之印度，嗰啲階級觀念盲婚啞嫁、第二女主角同個男朋友談戀愛好似俾人唱到好大件事好大嘅醜聞咁、一開頭個醫生着到奇乸怪怪咁同女主角喺條橋度想追佢送本嘢俾佢原來係寫詩俾佢，但係又唔知點樣要拿低條褲攞本嘢俾佢；第一同第二女主角攞隻貓去俾個醫生照吓肚裏面有幾多隻小貓，第二女主角同醫生講咗幾句笑啫，第一女主角之後就鬧佢問佢做乜flirt 個醫生等等等等，老實講香港觀眾一般會覺得好奇怪,睇到R晒頭，感覺上有啲似睇緊Bollywood或一啲極度誇張嘅印度戲一樣，有啲culture shock。我對上一套有印象嘅印度電影係頗多年前嘅打死不離三兄弟，記得幾好睇，雖然都有啲Bollywood歌舞，但起碼劇情接近現代沒有感到難入口，但此片睇影片介紹係康城影展獲評審團大獎載譽上映，反而身在香港觀眾（我）睇落其實真係有啲突兀，未必接受到高潮欠奉嘅劇情，成兩個鐘劇情推進都頗為慢，我甚至留意到喺我隔籬嘅自己嚟嘅一個男觀眾睇到一半瞓着咗。成套戲就係要去了解印度嘅男女不平等呢方面嘅落後同荒謬，對理解印度呢方面嘅文化嚟講係用咗兩個小時去令我有一定嘅認識同令我有深刻嘅印象，但從電影欣賞角度去睇，恕我睇唔出呢套電影喺無論劇情、說故事方式、拍攝手法、配樂或電影美術方面等等有幾可觀或有何突出之處。

可能俾荷里活、歐洲或韓片荼毒太深，我好耐未試過睇戲會洽眼瞓，真係唔係好識欣賞呢類得獎戲，有啲時候會諗係唔係翻譯出錯呢？點解好似表情唔對咁嘅？！最睇唔明女主角係突然救左個男人，明明係唔識嘅，跟住轉頭就識叫佢個名，突然變成喺德國嘅老公？！我到底睇左啲咩？

抱着有期望去睇一套印度電影，結果被太慢嘅劇情，同埋無法融入嘅生活寫實⋯睇到一頭霧水。