那些年的我們

腳控看振永男主角的長腿，不過整體明顯差過台灣原版。男主角由學ABC變學sin cos，手掌記的都是數學公式，或者一眾人由企住高舉枱改成眾人罰坐枱上面，或者地震變成颱風對劇情幫助不大。一樣公開試失常，驚喜不多，換皮電影純粹就是。韓版男主角就文青沒有那種要努力上進，個人還是喜歡原版中二又「痞」感的柯震東。劇情已知，而泡菜版也有不一様的青春味道。太過尊重台灣原版，除了看男女主角就不算好大吸引看這部變了韓文的版本。熱血感驟跌才是此戲致命傷。可能真的要豆腐的粉絲才會心動。套上《破‧地獄》的金句來講，她是他們的珍寶。

14年前睇《那些年我們一起的女孩》，當年只係17歲，感受到嘅係青春嘅美好、人生就係充滿遺憾，呢啲遺憾先會成就更好嘅自己－呢啲都係當年嘅諗法，「得不到的，從來矜貴」。14年後嘅今日，呢套電影終於比韓國翻拍，可以講係九成一樣，但睇完嘅感覺同當年已經爭好遠，先勿論自己已經31歲，所感受同經歷嘅都唔一樣，雖然依然覺得男女主角呢段關係係恨鐵不成鋼、非常可惜，但今時今日去睇佢哋冇得一齊嘅感想，除咗遺憾之外、更加係溝通不足嘅問題，根本兩個都好有問題。再來講返電影本身，實在冇辦法唔同台灣版比較，但冇比較真係冇傷害，爭咗幾條街，女主角係靚，笑得都好睇，但冇當年陳妍希嗰種氣質，而其他選角感覺都係偏老、唔啱feel！啲配角表現都唔夠突出！冇乜化學作用同火花！劇情就冇乜可以討論，因為基本上都係沿用當年劇本，不過當中加入咗啲韓國文化係幾有趣嘅，但阿男主角中段劇情需要嗰個剃頭，真係叫剃頭？見到真係笑出嚟…同埋唔知係咪我問題硬係覺得剪接有啲奇怪，唔太連戲。除咗選角問題，我覺得主要係導演功力偏弱，拍唔出嗰種青春同遺憾嘅感覺，最重要嘅熱血感覺蕩然無存！簡單啲講係完全冇當年嗰種feel！有啲劇情笑點位佢有更改嘅，但就完全笑唔出，跟足9成，剩返自己嗰1成都拍得差，咁真係冇計。冇咩事我都係睇返台灣版算。喺呢套戲最大誘因同看點都係得金多賢。

原版《那些年》對於我實在太經典，14年前真係我最青春嘅日子，感覺韓版改編令我重拾當年美好回憶。可惜男主角振永無柯震東個種壞壞的痞子氣；女主角多賢雖然都靚，但都無陳妍希個種仙氣。當年第一眼睇到真係震撼到我，令咁多年後嘅今日我仲印咗係腦海（可能都係大叔嘅回憶加成）其餘損友們選角更可惜，除左似ANSONBEAN個個演員外，全部個樣仲老過我，做大學生都搞不掂……仲要做中學生真係好出戲。「幼稚」、「我就是幼稚才能追妳這麼久！」、「人生本來就有很多事是徒勞無功的啊。」上面對白係華文圈太經典，變成韓文我總覺得不是味兒，無法引起共鳴，當中甚至無左「大笨蛋！」負評！劇情9成一樣但感覺剪接無原版流暢，不過欣賞電影改編加入唔少韓國元素同笑話。主角老豆老母多左鏡頭；地震變成當兵、風災；九把刀變成漫畫家。雖然我覺得韓版比唔上原版，但佢令我夢回14年前，我已心感安慰。

作為多賢fans一定要睇！靚！初戀既感覺❤️

當年嘅那些年已經好鍾意！而家再睇簡直係尋回我嘅青春

多賢好靚女🥺🥺🥺成套戲都好青春。片尾曲都超好聽。