黑袋行動

整體起伏唔係好大，欠缺交代男主角點解好似咩都知咁…還好嘅係有一定故事性，會令你睇埋落去…實屬有趣嘅劇本！

個人覺得套戲是出色，我會形容套戲雖然短，但內涵卻好有味道。的確今次蘇德堡的執行同處理好準，無論在角色塑造、衝突、劇情推進等，均是好手到拿來，個人覺得今次的他，是可重回返他以往高水平時的功架。無疑今套戲並不是依靠用精彩刺激場面來取悅觀眾，而是透過複雜而細緻的文戲處理，好讓觀眾去投入故這個故事，這方面蘇的技巧好高。他在好多位的拿捏好精準，一點也沒多餘。我會形容他可以好好利用到演員高質的演繹，純粹這點已經值得一讚。咁當然，在鏡頭同剪接處理，也大大令套戲的質感有大幅度的提升，其中測謊機的一段最為明顯咁當然白蘭芝同法斯賓特的演繹也是無什麼可挑剔的地方，他們之間的火花得好好，互相昇華之餘，也不會搶到對方應有的光芒。痴·影·夢·藝 X 的專頁 https://www.facebook.com/ckwunmovie/

報局不巧妙，人性控制不黑暗，導演沒有營造出壓迫力，驚險鏡頭缺乏，沒點吸引力。平平之作。

感覺好似係低成本製作咁，有推理懸疑成分，但冇緊張刺激感覺，配樂亦冇乜，所以觀影過程冇乜氣氛。電影有密集對白，亦經常提及唔易記嘅人名同人物，要緊釘對白。結局殺科解迷戯亦拍得平淡，牽唔起高潮。

全片幾乎無動作場面，有的是精彩的捉內鬼環節，男主角用飯局及各種方法找出內鬼及嘗試阻止災難發生，而包括他妻子在內的五人，大部分都跟事件有關，看似錯綜複雜的謎團在解開的時候豁然開朗，佩服佈局的精妙，及“看破不說破”的無間合作。4.5/5 （90分）

兩公婆都係英國軍情六處特工，事關機密，除咗家庭，完全冇合作機會，工作上互不干涉，閒談時遇上任務相關話題，不便講落去就一句「Black Bag」，等於「無可奉告」，兩夫妻相處之道相當之神聖而宗教性，一言以蔽之「不要問，只要信」！！！若果同Brad Pitt & Angelina Jolie二十年前嗰套Mr & Mrs Smith相比，哩套口水多動作少（如果唔係冇嘅話），刺激性低，娛樂性亦較弱。咁喺影后Cate Blanchett同差啲影帝Michael Fassbender合演下，會唔會有啲深度呢？鬥智？懸疑？燒腦？答案係相當之失望，一開始虛晃幾招，橫生枝節，耍一輪花槍之後，結果六位主要演員圍埋坐低，傾咗一輪，跟住由男主角講結案陳詞打完場，女主角開鎗打死內鬼，收工了事！推進唔緊張，橋段平庸，絕對唔會拍案叫絕！哩套根本唔係間諜片，只係用特工故事包裝嘅兩性或夫妻相處應有之道，即使外間點設局攪局想令到兩夫婦互相猜疑、甚至鬼打鬼，只要兩人堅信對方，尊重對方私隱，佢唔想講/佢冇講嘅，你唔好去問，更唔好迫問或探聽，加上任何情況都要誓死保護對方，甚至為愛去殺人，咁就情比金堅，白頭到老啦，咁仲唔係宗教口號「不要問，只要信」！！！